c


ዜና ኤርትራ

መንገዲ ኣየር ኤርትራ ናብ ኢትዮጵያ ጉዕዞ ጀሚሩ፣ ወደብ ባጽዕ ንኣገልግሎት ኢትዮጵያ ክኽፈት’ዩ

Radio Erena: 05 August 2018

eri planeመንገዲ ኣየር ኤርትራ ድሕሪ 20 ዓመት ናይ ፈለማ በረርኡ ናብ ኢትዮጵያ ከምዘካየደ ካብታ ሃገር ዝተፈነወ ዜና ኣመልኪቱ።

እታ ብቀዳም 4 ነሓሰ ኣብ ኣህጉራዊ መዓርፎ ነፈርቲ ቦሌ ዝዓለበት ነፋሪት ኤርትራ፣ ሚኒስተር መጎዓዝያን መራኸቢታትን ኤርትራ፣ ዳይረክተር ጀነራል ሲቪል ኣቭየሽን ኤርትራ ዘጠቓለለ ጉጅለ ሰበስልጣን ኤርትራ ሒዛ ምንባራ ተገሊጹ።

ካብ ሚኒስትሪ ጉዳያት ወጻኢ ኢትዮጵያ ዘሪቱ ዘመነ እትርከቦም ላዕለዎት ሰበስልጣን’ቲ መንግስቲ ናይ ኣቀባብላ ስነስርዓት ከምዝገበሩሎም፣ ኣገልግሎት ዜና ሺን ሁዋ ሓቢሩ።

Read more...

ኣብ መንጎ ኤርትራን ጂቡቲን ዘሎ ዶባዊ ምስሕሓብ ንኽትሽምግል፣ ኢትዮጵያ ሓቲታ

Radio Erena: 05 August 2018

issAbyGueleመንግስቲ ኢትዮጵያ፣ ኣብ መንጎ ኤርትራን ጂቡቲን ዘሎ ጉዳይ ዶብ ንምሽምጋል ወግዓዊ ሕቶ ኣቕሪቡ።

ወሃብ ቃል ሚኒስትሪ ጉዳያት ወጻኢ ኢትዮጵያ ኣብ ዝሃቦ መግለጺ፣ ኣብ ዞባ ቀርኒ ኣፍሪቃ፣ ብፍላይ ከኣ ኣብ ዶባት ቀይሕ ባሕሪ ሰላም ክሰፍን፣ ኣብ መንጎ ኤርትራን ጂቡቲን ዘሎ ናይ ዶብ ምስሕሓብ ብዘተ ክፍታሕ መንግስቱ ክሽምግል ድሉው ከምዘሎ ገሊጹ።

መንግስቲ ኤርትራ ኣህጉራዊ ሕግታት ከኽብር ተበግሶ ከይወሰደ፣ ኢትዮጵያ ዲፕሎማስያዊ ዝምድና ምስ ኤርትራ ምጅማራ፣ ጂቡቲ ከም ክሕደት ከምእትርእዮ ተንተንቲ ፖለቲካ’ቲ ከባቢ ይገልጹ።

Read more...

ቀ/ሚ ኢትዮጵያ ነበር ኣቶ ሃይለማርያም ደሳለኝ ምስ መራሒ ስርዓት ደርግ ነበር ኮ/ል መንግስቲ ሃይለማርያም ተዘራሪቡ

Radio Erena: 03 August 2018

Mengstu Hailemariam

ቀዳማይ ሚኒስተር ኢትዮጵያ ኣብይ ኣሕመድ፣ "ናይ ምድማርን ይቕሬታን ኣዋጃት ኣብ ዘጋውሓሉ ዘሎ እዋን፣ ቀዳማይ ሚኒስተር ነበር ኣቶ ሃይለማርያም ደሳለኝ ምስ መራሒ ስርዓት ደርግ ነበር ኮለነል መንግስቲ ሃይለማርያም ኣብ ዚምባብዌ ተራኺቡ ከምዝተዘራረበ ተፍሊጡ።

እቶ ሃይለማርያም ደሳለኝ ምስ ኮለነል መንግስቲ ሃይለማርያም፣ ኣብ ሃራረ ኣብ ዝርከብ ቤት መንግስቲ ዚምባብዌ ብሓባር ተሳኢሉ፣ ኣብ ማሕበራዊ ሜዳያታት ኣብ ዝዘርግሖ መልእኽቲ፣ "ድሕሪ ሰላማዊ ፖለቲካዊ ናይ ስልጣን ምስግጋር፣ ኣብ ጉዳይ ሃገርና ኣበርክቶ ዝገብሩ ብዙሓት መራሕቲ ክርኢ ይደሊ፣" ክብል ምንዮቱቱ ገሊጹ።

Read more...

"ኣብ ክልተ ተኸፋፊላ ንዘላ ኦርቶዶክስ ተዋህዶ ቤተክርስትያን ኤርትራ ንምትዕራቕ ክንሰርሕ ኢና" ቀ/ሚ ኢትዮጵያ ኣብይ ኣሕመድ

Radio Erena: 03 August 2018

Abiy Ahmed

ቀ/ሚ ኢትዮጵያ ኣብይ ኣሕመድ፣ ልክዕ ከም ናይ ኢትዮጵያ ኣብ ክልተ ተኸፋፊላ ንዘላ ኦርቶዶክስ ተዋህዶ ቤተክርስትያን ኤርትራ ንምትዕራቕ ክሰርሑ ምዃኖም ገሊጹ።

እቲ ቀዳማይ ሚኒስተር ድሕሪ ናይ ኣመሪካ ዑደቱ ኣብ ዝሃቦ መግለጺ፣ ነዛ ናይ ኤርትራ ቤተ ክርስትያን፣ ኣብ ክልተ ከፋፊልዋ ዘሎ መናድቕ ኣፍሪስና፣ ብወገኖም'ውን ፍቓድ ስለዘሎ፣ ኣብ ዝሓጸረ ግዜ ናብ ሓድነት ንምጽኣ ክንሰርሕ ሓላፍነት ኣሎና ክብል ኣስሚርሉ።

መንግስቲ ኤርትራ፣ ንፓትርያርክ ቅዱስ ኣቡነ እንጠንዮስ ንልዕሊ 12 ዓመታት ኣብ ናይ ገዛ ማሕዩር ብምምእታው፣ ንኦርቶዶክስ ተዋህዶ ቤተ ክርስትያን ኤርትራ፣ ንሱ ብዝመዘዞም ጳጳሳት የመሓድራ ከምዘሎ ይፍለጥ።

Read more...

ጅቡቲ፣ ኣብ ልዕሊ ኤርትራ ዝተነብረ እገዳ ክቕጽል ሓቲታ

Radio Erena: 02 July 2018

UN Djibouti

ኣምባሳደር ጅቡቲ ኣብ ሕቡራት ሃገራት መሓመድ ስዒድ ድዋለ፣ ንባይቶ ጸጥታ ኣብ ዝሃቦ መብርሂ፣ ዶባት ኤርትራን ጅቡትን ከምዘሰሓሕብ ብምጥቃስ፣ "ብኤርትራ ዝተታሕዘ መሬተ ጅቡቲ ኣሎ" ክብል ወቒሱ።

ብቀጠር ዝተጀመረ ጻዕሪ ከምዘይተዓወተ ዝሓበረ እቲ ኣምባሳደር፣ ኣብዚ እዋን'ዚ እቲ ጉዳይ ብመንጎኝነት ሕቡራት ሃገራት ክፍታሕ ጽውዒት ምቕራቡ ኣዘኻኺሩ።

እቲ ኣምባሳደር ብዘይካ'ዚ ኤርትራ ንተቓወምቲ ጅቡቲ ብምስልጣን ኣብ ልዕሊ መንግስቲ ጅቡቲ ስግኣት ፈጥር ከምዘላ ብምምልካት፣ ነዚ ብኤርትራ ዝቐርብ ዘሎ ተጻብኦታትን ናይ ሓይሊ ስነ-መጎትን ብሕጋዊ መንገዲ ክሳብ ዝፍታሕ፣ ኣብ ልዕሊ መንግስቲ ኤርትራ ዝተንብረ እገዳ ጸኒዑ ክቕጽል ተላብዩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.