c


ዜና ኤርትራ

ካብ ሱዳን ናብ ሊብያ ዝሰግሩ ዝነበሩ 305 ስደተኛታት ተታሒዞም

Radio Erena: May 16, 2014

Sudan Libya

ካብ ሱዳን ናብ ሊብያ ዝሰግሩ ዝነበሩ ተወሰኽቲ 305 ስደተኛታት ብሓይልታት ጸጥታ ሱዳን ተታሒዞም።

እቶም ኣብ ሰለስተ ናይ ጽዕነት መካይን ዝነብሩ 305 ስደተኛታት፣ ናብ ሊብያ ኣብ ዝወስድ ዶንጎላ ኣብ ዝተባህለ ሰሚናዊ ምዕራብ ሱዳን፣ ከምዝተታሕዙ ሰበ ስልጣን መንግስቲ ሱዳን የመልክቱ።

እቶም 45 ካብኣቶም ዜጋታት ሱዳን ምዃኖም ዝሓበሩ ሰበስልጣን ሱዳን፣ ዜግነት ናይቶም 260 ካብ ምሕባር ግና ተቖጢቦም ኣለዉ። እንተኾነ መብዛሕቶም ዜጋታት ኤርትራን ኢትዮጵያን ክኮኑ ከምዝኽእሉ ጥርጣረታት ኣሎ።

Read more...

ሓባራዊ ኮሚቴ ሚኒስተራት ኢትዮጵያን የመንን ንሳልስቲ ዝቐጸለ ርክብ ኣካይዶም

Radio Erena: May 16, 2014

Ethio Yemen

መንግስቲ ኢትዮጵያን የመንን ኣብ ሓያሎ ምትሕግጋዝ ዘተኮረ ስምምዓት ትማሊ ሓሙስ ከቲሞም።

እቲ ስምምዕ ዝተኸተመ፣ ሓባራዊ ርክብ ሚኒስተራት ክልትኤን ሃገራት ኣብ ሰንዓ ድሕሪ ምክያዱ ኮይኑ፣ ነቲ ስምምዕ ብወገን ኢትዮጵያ ሚኒስተር ጉዳያት ወጻኢ ዶክተር ቴድሮስ ኣድሓኖም ብወገን የመን ድማ ሚኒስተር ጉዳያት ወጻኢ ኣቡባከር ኣልቑርቢ'ዮም ከቲሞሞ።

Read more...

ብ 9ን 10ን ግንቦት ንሓለፍቲ መንግስቲ ኣብ ኣስመራ ዝተኻየደ ሰሚናራት ካብ ዝሓለፈ ዝተፈልየ ቁምነገር ኣይነበሮን ተባሂሉ

Radio Erena: May 15, 2014

Asmara Public seminar

ብ 9ን 10 ግንቦት ኣብ ኣስመራ ንላዕለዎትን ማእከሎትን ሓለፍቲ ሚኒስትሪታትን ኣመሓደርትን ከምኡ ድማ ንሓለፍትን ካድራትን ህግደፍን ኣብ ዝተኻየደ ሰሚናር፣ ካብ ተሳተፍቲ በዳህቲ ሕቶታት ከምዝቐረቡ ምንጭታት ካብ ኣስመራ ሓቢሮም።

ኣብቲ ብሓላፊ ሃገራዊ ድሕነትን ጸጥታን ብርጋዴር ጀነራል ኣብርሃ ካሳን ሚኒስተር ዞባዊ ምምሕዳር ኣቶ ወልደሚካኤል ኣብርሃን ኣብ ሲነማ ኢዴንን ኣዳራሽ ኤክስፖን ዝተኻየደ ሰሚናራት፣ ሞራል ህዝብን ሓለፍትን ህሉው ኩነታትን ንምግምጋም ዝዓለመ ኮይኑ፣ ካብቲ ቅድሚ ሕጂ ዝተኻየደ ሰሚናራት ብዙሕ ፍሉይነት ኣይነበሮን።

Read more...

ሱዳን ካብ ኢትዮጵያ እትሽምቶ ኤሌክትሪክ ገለ ክፋሉ ናብ ኤርትራ ክትሸጦ ምስምምዓ ኢትዮጵያ ተቓውሞ ከምዘይብላ ተገሊጹ

Radio Erena: May 15, 2014

Amb Dina

ሱዳን ካብ ኢትዮጵያ እትሽምቶ ሓይሊ ኤሌክትሪክ ገለ ክፋሉ ብተዘዋዋሪ መንገዲ ናብ ኤርትራ ክትሸጦ ምስምምዓ፣ ኢትዮጵያ ዝኾነ ተቓውሞ ከምዘይብላ ኣፈኛ ሚኒስተሪ ጉዳያት ወጻኢ እታ ሃገር ኣምባሳደር ዲና ሙፍቲ ገሊጹ።

እቲ ኣፈኛ፣ ሱዳን ካብ ኢትዮጵያ ዝዓደገቶ ሓይሊ ኤሌክትሪክ ተመሊሳ ናብ ኤርትራ ክትሸጦ እትዮጵያ እንታይ ይስምዓ ንዝብል ብጋዜጣ ሪፖርተር ንዝቐረበሉ ሕቶ ኣመልኪቱ ኣብ ዝሃቦ ምላሽ፣ መንግስቲ ሱዳን ንዝዓደጎ ዝኾነ ነገር ድላዩ ክገብሮ መሰሉ’ዩ ክብል’ውን ኣረዲኡ።

ኢትዮጵያ እትሃንጾ ዘላ ሽዱሽተ ሽሕ ጸዓት ንምምንጫው ዝሕግዝ ዲጋ፣ ንኹለን ጎረባብቲ ሃገራት ሓይሊ ኤልክትሪክ ንምሻት ዝዓለመ’ዩ ዝበል ኣምባሳደር ዲና ሙፍቲ፣ ኤርትራ’ውን ተጠቓሚት ናይዚ እንተኾነት ንኢትዮጵያ ጸገም ከምዘይኮነ ሓቢሩ።

Read more...

ኣብ ስዑዲ ዓረብ ዝተራእየ ሕማም ስርዓተ ምስትንፋስ (MERS) ፣ ናብ ጎረባብቲ ሃገራት ከይልሕም ጥንቓቐታት ክግበር ጻውዒት ቀሪቡ

Radio Erena: May 15, 2014

mers

ኣብ ስዑዲ ዓረብ ተላቢዑ ዘሎ ቫይረስ ስርዓተ ምስትንፋስ፣ ናብ ጎረባብቲ ሃገራት ከይልሕም ጥንቓቐታት ክግበር ሰብ ሞያ ጥዕና ጸዊዖም።

እቲ ብነድሪ ስርዓተ ምስትንፋስ ማእከላይ ምብራቕ ወይ ድማ MERS ( Middle East Respiratory Syndrome) ዝግለጸ ዘሎ ተላባዒ ሕማም፣ ካብ 2012 ኣትሒዙ ኣብ ስዑዲ ዓረብ 147 ሰባት ቀቲሉ ቀቲሉ ኣሎ።

በቲ ቪይረስ ዝተለኽፉ 491 ሰባት ድማ ጽኑዕ ሕክምናዊ ክትትል ይግበረሎም ኣሎ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.