c


ዜና ኤርትራ

ብተደጋጋሚ ገኒኑ ዘሎ ምቁራጽ ኤሌክትሪክ፣ ንህዝቢ ኤርትራ ካብ ሓበሬታ ይግልሎ ኣሎ

Radio Erena: 07 July, 2014

Asmara Electri

ኣብ መላእ ኤርትራ ብፍላይ ድማ ኣብ ከተማታት ገኒኑ ዝርአ ዘሎ ምቁራጽ ኤሌክትሪክ፣ ህዝቢ ንኩነታት ሃገሩን ካልእ ምዕባለታት ዓለም ከይከታተል ካብ ሓበሬታ ገሊልዎ ከምዘሎ ምንጭታት ሬድዮ ኤረና ሓቢሮም።

ብፍላይ ኣብዚ ዝሓለፈ ቅንያት፣ ኣብ ሓያሎ ከባቢታት ኣስመራ ንተኸታታሊ ሸሞንተ መዓልታት ኤሌክትሪክ ብዘይምንባራ፣ ብዛዕባ ኤርትራ ዓለምን እንታይ ይብሃል ኣሎ፣ ካብ ናጻ ናይ ደገ ምንጭታት ሓበሬታ ንምርካብ ኣጸጊሙ ከምዝነበረ ኣረዲኦም።

Read more...

ናብ ኣስመራ እናምርሐ ኣብ የመን ዝተታሕዘ ኢትዮጵያ ተቓዋሚ ናብ መንግስቲ ኢትዮጵያ ተረኪቡ

Radio Erena: 07 July, 2014

Anda yemen

ናብ ኣስመራ እናምርሐ ኣንከሎ ኣብ መዓርፎ ነፈርቲ ሰንዓ ዝተቐየደ ኣቶ ኣንዳርጋቸው ጽገ፣ መንግስቲ የመን ናብ ኢትዮጵያ ከምዘረከቦ ተገሊጹ።

እቲ ናይ ብሪጣንያ ዜግነት ዘለዎ ዋና ጸሓፊ ናይቲ ግንቦት 7 ተባሂሉ ዝፍለጥ ናይ ኢትዮጵያ ተቓዋሚ ውድብ፣ ካብ 23 ሰነ ኣትሒዙ ኣብ የመን ኣብ ቀይዲ'ዩ ጸኒሑ።

ቤት ጽሕፈት ዱዳያት ወጻኢ ብሪጣንያ፣ ብዛዕባ'ዚ ብሪጣንያ ዜግነት ዘለዎ ኢትዮጵያ ፖለቲከኛ ኣመልኪቱ ኣብ ዝሃቦ መብርሂ፣ ነቲ ኩነታት ብመንገዲ ኣብ የመን ዝርከብ ኣምባሳደሩ ክከታተሎ ከምዝጸንሐ ብምርግጋጽ፣ ኣብዚ እዋን'ዚ ናብ ኢትዮጵያ ተሰጋጊሩ ክከውን ከምዝኽእል'ዩ ኣንፊቱ።

Read more...

መንግስታት ኤርትራን ኢጣልያን ኣብ ጉዳይ ዋሕዚ ስደተኛታት ዘተኮረ ዝርርብ ኣካይዶም

Radio Erena: 04 July, 2014

Eri Italy

መንግስታት ኤርትራን ኢጣልያን፣ ኣብ ጉዳይ ዋሕዚ ስደተኛታት ዘተኮረ ዝርርብ ኣካይዶም።

እቲ ዝርርብ ዝተኻየደ፣ ብምክትል ሚኒስተር ጉዳያት ወጻኢ፣ ላፖ ፒስተሊ ዝምራሕ ልኡኽ መንግስቲ ኢጣልያ ኣብ ኤርትራ ዑደት ብምክያድ ምስ ፕረዚደንት ኢሳይያስ ኣፈወርቂ ኣብ ዘካየዶ ዝርርብ'ዩ።

ኢጣልያ፣ ብዋሕዚ ስደተኛታት ሓያሎ ሃገራት ብፍላይ ድማ ዋሕዚ ኤርትራውያን ብቐጻሊ ካብ ዘማርራ ዘለዋ ሃገራት'ያ።

ድሕሪ'ቲ ኣብ ጥቕምቲ 2013 ኣብ ላምፔዱዳ ዘጋጠመ ህይወት ኣስታት 360 ኤርትራውያን ዘህለቐ ናይ ባሕዲ ሓደጋ ድማ፣ ህይወት ስደተኛታት ኣብ ባሕሪ ንምድሓን ሓይሊ ባሕሪ ኢጣልያ ኣብ ከቢድ ወፍሪ ተጸሚዱ ይርከብ።

Read more...

ኣስመራን ከባቢኣን ንሸሞንተ ተኸታታሊ መዓልታት ኤሌክትሪክ ኣቋሪጹ

Radio Erena: 04 July, 2014

Asmara by Night

ኣብ ኤርትራ ኣገልግሎት ጸዓት ካብ ግዜ ናብ ግዜ እናበኣሰ ኣብ ዝመጸሉ ዘሎ እዋን፣ ኣስመራን ከባቢኣን ንሸሞንተ ተኸታታሊ መዓልታት ኤሌክትሪክ ከምዘይነበረ ምንጭታት ኤረና ካብ ኣስመራ ኣረጋጊጾም።

ኣብዚ ዝሓለፈ ዓመታት፣ ኣብ ኤርትራ ሓይሊ ኤሊክትሪክ ንነዊሕ ሰዓታት ከቋርጽ ንቡር ተርእዮ ኮይኑ፣ ንልዕሊ ሰሙን ዝኣክል ብተኸታታሊ ከቛርጽ'ውን ሳሕቲ ይርኣ'ዩ።

ድሕሪ ናይ ሸሞንተ ተኸታታሊ መዓልታት ምቁራጽ፣ ካብ ትማሊ ኣትሒዙ ንውሱን ሰዓታት ኤሌክትሪክ ከምዝነበረ’ውን እቲ ዝበዝሓና ሓበሬታ ኣረጋጊጹ።

Read more...

የመን ቀይዳቶ ዘላ ኢትዮጵያ ተቓዋሚ እንተዘይፈቲሓቶ፣ በረራታት መንገዲ ኣየር የመን ናብ ኤርትራ ደው ከምዘብል መንግስቲ ኤርትራ ኣፍሊጡ

Radio Erena: 04 July, 2014

Anda yeme

የመን፣ ነቲ ኣብ መዓርፎ ነፈርቲ ኣብ ትራንዚት ዝቐየደቶ መራሒ ተቓዋሚ ኢትዮጵያ እንተዘይፈቲሓቶ፣ መንገዲ ኣየር የመን ናብ ኤርትራ እተካይዶ ናይ መጓዓዝያ በረራታት ክስርዞ ምዃኑ መንግስቲ ኤርትራ ከምዘፍለጠ ናሽናል የመኒ ዝተባህለ ማዕከን ዜና እታ ሃገር ኣፍሊጡ።

እቲ ናይ ብሪጣንያ ዜግነት ዘለዉ ዋና ጸሓፊ ናይቲ ግንቦት 7 ተባሂሉ ዝጽዋዕ ናይ ኢትዮጵያ ተቓዋሚ ውድብ፣ ኣንዳርጋቸው ጽገ ካብ ዱባይ ብመንገዲ ኣየር የመን ናብ ኤርትራ እናምርሐ እንከሎ፣ ኣብ ብ23 ሰነ ኣብ ትራንዚት ኣብ መዓርፎ ነፈርቲ የመን ከምዝተታሕዘ ሬድዮ ኤረና ምግላጻ ዝዝከር'ዩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.