c


ዜና ኤርትራ

ኢትዮጵያ፣ ኣብ ክፍሊትን ናይ ሎጂስቲክ ኣቅርቦትን ወደባት ኤርትራ መጽናዕቲ ኣዳልያ

Radio Erena: 10 October 2018

Massawa

መንግስቲ ኢትዮጵያ፣ ወደባት ኤርትራ ኣብ ዝጥቀመሉ እዋን፣ ብዛዕባ ዝህሉ ናይ ኣገልግሎታት ክፍሊትን ናይ ሎጂስቲክ ኣቕርቦትን ብዝምልከት መጽናዕቲ ከምዘዳለወ ማዕከናት ዜና እታ ሃገር ሓቢረን።

ብወገን መንግስቲ ኤርትራ'ውን መጽናዕቲ ይካየድ ከምዘሎን ክልቲኡ መጽናዕታት ተራእዩ ኣብ መደብደምታ ክብጻሕ ምዃኑን እቲ ሓበሬታ ብተወሳኺ ይጠቕስ።

ኢትዮጵያ፣ ንወደባት ባጽዕን ዓሰብን፣ ክትጥቐመሉ ቅድሚ ምጅማራ፣ ቅድሚኡ ክምለሱ ዘለዎም ጉዳያት ይጽንዑ ምህላዎም'ውን ጸብጻብ ማዕከን ዜና ፋና ይጠቕስ።

Read more...

ኢትዮጵያ፣ ዜጋታት ኩለን ሃገራት ኣፍሪቃ ብዘይቪዛ ክኣትዉ ፈቐዳ

Radio Erena: 10 October 2018

Addis Abeba Bole

ኢትዮጵያ፣ ዜጋታት ኩለን ሃገራት ኣፍሪቃ ብዘይቪዛ ክኣትዉ ዘፍቅድ ኣዋጅ ኣዊጺኣ።

እታ ሃገር ነዚ ኣዋጅ ተውጽኢ ዘላ፣ ሕብረት ኣፍሪቃ ኣቐዲሙ ብዘቕረቦ እማመ መሰረት፣ ዜጋታት እዛ ኣህጉር ካብን ናብን ብዘይ ዕንቅፋት ክንቀሳቐሱ ንክኽእሉ'ዩ።

ናይ ዝኾነት ኣፍሪቃዊት ሃገር ፓስፖርት ዝሓዙ ተጓዓዝቲ፣ ኣቐዲሞም ቪዛ ከይሓተቱ ናብ ኣዲስ ኣበባ ክብገሱ ይኽእሉ።

መእተዊ ቪዛ ኣብ መዓርፎ ነፈርቲ ቦሌ ይህረመሎም።

Read more...

ካብን ናብን ኣስመራ-መቐለ ዝመላለሱ ነጋዶ፣ ባጤራ ናቕፋ ብብዝሒ ይደልዩ

Radio Erena: 09 October 2018 

Birr Nakfa

ካብ መቐለን ካልእ ከባቢታት ኢትዮጵያን ናብ ኤርትራ ዝኣትዉ ነጋዶ፣ ባጤራ ናቕፋ ብብዝሒ ይደልዩ ከምዘለዉ ምንጭታት ሬድዮ ኤረና   ካብቲ ቦታ ሓቢሮም።

ካብ መጀመርታ ወርሒ ጥቅምቲ ኣትሒዙ፣ ኣብ መቐለን ዓዲግራትን ን1000 ናቕፋ፡ ብ1600 ብር ክግዛእ ከምዝቐነየ ዝሓበሩ እቶም ምንጭታት፣ ናብ ትግራይ ንዝኣተዋ ናይ ኤርትራ መካይንን ተጓዓዝትን እናተኸታተሉ ሸርፊ ከምዝሓቱ ጠቒሶም።

ናብ ኤርትራ ዝኣትዉ ዘለዉ ኢትዮጵያውያን ነጋዶን በጻሕቲ ሃገርን፣ ኣብ ኤርትራ ኣብ ዝጸንሕሉ እዋን ዋሕዲ ባጤራ ናቕፋ የሸግሮም   ከምዘሎ'ዮም ዘመልክቱ።

ኣብ ኤርትራ፣ ካብ 5 ሽሕ ናቕፋ ንላዕሊ ጥረ ገንዘብ ምሓዝ፣ ዘይሕጋዊ ምዃኑ'ዩ መንግስቲ ዘጠንቕቕ።

Read more...

ኤርትራ ዝመደበሮም ተቓወምቲ ትግራይ ናብ ዓዶም ተፋንዮም

Radio Erena: 10 October 2018

TPDM

ኣብ ኤርትራ ዝመደበሮም፣ ኣንጻር መንግስቲ ኢትዮጵያ ብረት ዝዓጠቑ ኣስታት 2 ሽሕ ኣባላት ደምህት ወይ ደሞክራስያዊ ምንቅስቓስ ህዝቢ ትግራይ ብ8 ጥቅምቲ ናብ ዓዶም ተፋንዮም።

ንሳቶም ብመንገዲ ዛላምበሳ ናብ ኢትዮጵያ፣ ክልል ትግራይ ኣብ ዝኣተውሉ፣ ህዝቢ ድሙቕ ኣቐባብላ ጌርሎም።

ኣብ መንጎ ፕረዚደንት ኢሳይያስ ኣፈወርቂን መንግስቲ ኢትዮጵያን ድሕሪ ዝተኻየደ ስምምዕ፣ ኣብ ኤርትራ ዝመደበሮም ተቓወምቲ ኣምሓራ፣ ኦሮሞን ኣቐዲሞም መምስ ወኪላት ክልላቶም ድሕሪ ምርድዳእ ናብ ዓዶም ክፋነዉ እንከለዉ፣ ሎሚ ድማ ናይ ትግራይ ተፋንዮም ኣለዉ።

Read more...

ፕረዚደንት ኢሳይያስ፣ ንወዱ ኣብ ቤት ጽሕፈቱ ኣማኻሪ ስትራቴጅያውያን ጉዳያት ክኸውን መዚዝዎ

Radio Erena: 08 October 2018

Abraham Issaias

ፕረዚደንት ኢሳይይሳ ኣፈወርቂ ንወዱ ኣብርሃም፣ ኣብ ቤት ጽሕፈት ፕረዚደንት ከም ሓላፊ መጽናዕቲ ስትራትራቴጅያውያን ሰነዳትን ኣማኻሪ ኣብዚ ጉዳይን ኮይኑ ክሰርሕ ከምዝመዘዞ ዲፕሎማስያውያን ምንጭታት ሓቢሮም።

እቲ ፕረዚደንት ነቶም ምስ ኢትዮጵያን ሃገራት ዓረብ ዝኸተሞም ሰነዳት፣ ወዱ ኣብርሃም ኢሳይያስ ምስ ኣማኻሪ ፕረዚደንት ኣቶ የማነ ገብርኣብን ሚኒስተር ጉዳያት ወጻኢ ኣቶ ዑስማን ሳልሕን ብምዃን ይከታተልዎ ከምዘለዉ እቶም ምንጭታት ጠቒሶም።

ዶባት ኤርትራን ኢትዮጵያን ኣብ ዝተኸፍተሉ ይኹን ስምምዕ ኤርትራን ኢትዮጵያን ኣብ ስዒዲ ዓረብ ኣብ ዝተኸተመሉ፣ ኣብርሃም ኢሳይያስ፣ ብደረጃ ጽፍሒ፣ ኣማኻሪ ፕረዚደንት ኣብ ስትራቴጅያውይን ጉዳያት ኮይኑ ከምዝተሳተፈ እቲ ሓበሬታ ብተወሳኺ ኣረጋጊጹ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.