c


ዜና ኤርትራ

ሚ/ጉ/ወ ስዑዲ ዓረብ ምስ ፕረዚደንት ኢሳይያስ ድሕሪ ምዝርራብ ናብ ኣዲስ ኣበባ ኣምሪሑ

Radio Erena: 09 August 2018

Saudi FM

ሚኒስተር ጉዳያት ወጻኢ ስዑዲ ዓረብ ዓድል ኣል ጁቤር፣ ምስ ፕረዚደንት ኤርትራ ኣቶ ኢሳይያስ ኣፈወርቂ ኣብ ኣስመራ ድሕሪ ምዝታይ፣ ሎሚ ሓሙስ 9 ነሓሰ ናብ ኢትዮጵያ ኣትዩ።

እቲ ሚኒስተር ብ 5 ነሓሰ ንሚኒስተር ጉዳያት ወጻኢ ኤርትራ ኣቶ ዑስማን ሳልሕ፣ ኣብ ጅዳ ኣብ ዝርከብ ኣብ ቤት ጽሕፈቱ ከምዘዘራረበ ይዝከር።

ንሱ፣ ኣብ ኣዲስ ኣበባ ኣብ ዝጸንሓሉ ምስ ቀ/ሚ ኢትዮጵያ ኣብይ ኣሕመድን ሚኒስተር ጉዳያት ወጻኢ ኢትዮጵያ ዶክተር ወርቅነ ገበየሁ ዝርከብዎም ላዕለዎት ሰበ ስልጣን ኢትዮጵያ ኣብ ጉዳይ ሓድሽ ምዕባለታት ሰላም ኤርትራን ኢትዮጵያን ከምኡ ድማ ህሉው ኩነታት ዞባ ቀርኒ ኣፍሪቃን ብዝምልከት ክዘራረብ'ዩ።

Read more...

ሱዳንን ኢትዮጵያን ብዛዕባ ምምልካት ዶብ ተዘራሪበን

Radio Erena: 08 August 2018

Sudan Ethio Vice

ብምክትል ቀዳማይ ሚኒስተር ኢትዮጵያ ኣቶ ደመቀ መኮነን ዝምራሕ ላዕለዋይ ልኡኽ መንግስቲ ኢትዮጵያ፣ ብ5 ነሓሰ ኣብ ሱዳን ምብጻሕ ኣካይዱ።

እቲ ልኡኽ፣ ምስ ምክትል ፕረዚደንት ሱዳን ሓሰቦ ዓብዱራሕማን ኣብ ዘካየዶ ዘተ፣ ብዛዕባ'ቲ ሱዳን ዝሓለፈ ሰሙን ዘቕረበቶ ጻውዒት ምምልካት ምስ ኢትዮጵያ ዘዋስን ዶብ ዘተኮረ ምንባሩ ተሓቢሩ።

ምክትል ፕረዚደንት ሱዳን ድሕሪ'ቲ ርክብ ኣብ ዝሃቦ መግለጺ፣ እቲ ናይ ዶብ ምምልካት ጉዳይ ብሓባራዊ ናይ ቴክኒክ ኮሚቴ ክፍታሕ ዘለዎ መርገጺ ኣስሚርሉ።

ኣብ ዝሓለፈ ሰሙን፣ ሚኒስተር ጉዳያት ወጻኢ ኤል ዲርዲሪ መሓመድ ኣሕመድ፣ ንኣምባሳደር ኢትዮጵያ ኣብ ሱዳን፣ ኣብ ካርቱም ኣብ ዝርከብ ቤት ጽሕፈቱ ኣብ ዘዘራረበሉ፣ ሱዳን ምስ ኢትዮጵያ ዘዋስና ዶባታ ክምልከት ከምእትደሊ ምሕታቱ ኣይርሳዕን።

Read more...

ጃፓን፣ ዘይቀዋሚት ኣባል ባይቶ ጸጥታ ንምዃን ናይ ኤርትራ ደገፍ ትሓትት

Radio Erena: 08 August 2018

Japan state ministerሚኒስተር ዴ'ታ ኣብ ሚኒስትሪ ጉዳያት ወጻኢ ጃፓን ማሳሂሳ ሳቶ ኣብ ኤርትራ ምብጽሕ ኣካይዱ።

ዕላማ ዑደት እቲ ላዕለዋይ በዓል ስልጣን ኣብ ሚኒስትሪ ጉዳያት ወጻኢ፣ ጃፓን ንዝመጽእ ዓመት ዘይቀዋሚት ኣባል ባይቶ ጸጥታ ንምዃን ዘቕረበቶ ጠለብ ደገፍ ኤርትራ ንምርካብ'ዩ።

ብዘይካ'ዚ እቲ ጃፓናዊ በዓል ስልጣን ኣብ ኤርትራ ኣብ ዘካይዶ ምብጻሕ ዝመጽእ ዓመት ንዝካየድ መበል ሻብዓይ ቶክዮ ኣህጉራዊ ዋዕላ ንልምዓት ኣፍሪቃ (TICAD ) ብዝምልከት ምስ ፕረዚደንት ኢሳይያስ ተዘራሪቡ።

Read more...

ኢጣልያ፣ ዋሕዚ ስደተኛታት ንምግታእ 10 ጀላቡን ክልተ መራኽብን ንሊብያ ትህብ

Radio Erena: 08 August 2018

Libya boats

መንግስቲ ኢጣልያ፣ ብማእከላይ ባሕሪ ንዘጋጥም ዘሎ ዋሕዚ ስደተኛታት ንምግታእ፣ 10 ጀላቡን ክልተ መራኽን ንሓለዋ ገማግም ባሕሪ ሊብያ ብሓገዝ ክህብ ምዃኑ ኣፍሊጡ።

ኣገልግሎት ዜና እታ ሃገር (ኣንሳ) ብዝሃቦ ሓበሬታ መሰረት፣ እተን ጀላቡን መራኽብን ኣብ መወዳእታ ናይ ነሓሰ ናብ ሊብያ ክርከባ'የን።

ኢጣልያ፣ ኣብ ሓለዋ ገማግም ባሕርን ምድሓን ህይወት ስደተኛታትን ዝዋፈራ ጀላቡን መራኽብን ንሊብያ ትህብ ዘላ፣ ኣብታ ሃገር ኣማኢት ኣሽሓት ስደተኛታት ማእከላይ ባሕሪ ንምስጋር ኣብ መዝርዓታት ተታሒዞም ከምዘለዉ ኣብ ዝግለጸሉ ዘሎ እዋን'ዩ።

Read more...

ስዑዲ ዓረብ፣ ሕቡራት ኢማራት፣ ግብጽን ኣመሪካን ኣብ ቀይሕ ባሕሪ ሓባራዊ ወትሃደራዊ ልምምድ ኣካይደን

Radio Erena: 08 August 2018

Egypt military training

ስዑዲ ዓረብ፣ ሕቡራት ኢማራት፣ ግብጽን ኣመሪካን ኣብ ቀይሕ ባሕሪ ሓባራዊ ወትሃደራዊ ልምምድ ኣካይደን።

እቲ ብ5 ነሓሰ ዝተዛዘመ ሓባራዊ ወትሃደራዊ ልምምድ፣ ን11 መዓልታት ዝጸንሐ ኮይኑ፣ ሓይልታት ባሕርን ኣየርን ዘጠቓለለ'ዩ።

ብዘይካ'ዚ ግብጺ፣ ምስ ፈረንሳን ብሪጣንያን'ውን ኣብ ቀይሕ ባሕርን ማእከላይ ባሕርን ተመሳሳሊ ወትሃደራዊ ልምምዳት ተካይድ ከምዘላ ወትሃደራውያን ምንጭታት ሓቢሮም።

ብፍላይ ሕቡራት ኢማራትን ስዑዲ ዓረብን፣ ንቀይሕ ባሕሪ ናይ ምቁጽጻርን ህላወ ኢራንን ቀጠርን ካብቲ ዞባ ንምእላን ይሰርሓ ከምዘለዋ ይፍለጥ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.