c


ዜና ኤርትራ

ኢጣልያ፣ ናይ ዑቕባ መሰሎም ንዝነጸገቶም ዜጋታት ኤርትራን ኢትዮጵያን ንምስጓጎም ትሕልን

Radio Erena: 12 October 2018

Roma migrants

ኢጣልያ፣ ዘቕረብዎ ናይ ዑቕባ መሰል ንዝተነጽጉን ሕጋዊ መንበሪ ፍቓድ ዘይብሎምን ዜጋታት ኤርትራን ኢትዮጵያ ንምስጓግ መደብ ከምዘለዋ ተገሊጹ።

እዚ ዝግለጽ ዘሎ፣ ቀዳማይ ሚኒስተር እታ ሃገር ጁሰፐ ኮንተ ኣብዘን ሃገራት ዑደት ኣብ ዘካይደሉ ዘሎ ግዜ'ዩ።

እቲ ቀዳማይ ሚኒስተር ናይ ኢትዮጵያ ዑደቱ ዛዚሙ ሎሚ 12 ጥቅምቲ ናብ ኤርትራ ክኣቱ'ዩ።

እቲ ቀዳማይ ሚኒስተር ኣብ ኤርትራን ኢትዮጵያን ኣብ ዘካየዶ ምብጻሕ፣ ምስ መራሕቲ ክልቲኤን ሃገራት ኣብ ልምዓታዊ ሓገዝን ምግታእ ዋሕዚ ስደተኛታትን ዘተኮረ ዝርርባት ከካይድ ምዃኑ ኣቐዲሙ ክግለጽ ጸኒሑ'ዩ።

Read more...

ሶማል፣ ናይ ዝኾነት ሃገር ምትእትታው ከምዘይትደሊ ኣብ ስዑዲ ምብጻሕ ዘካይድ ዘሎ ቀዳማይ ሚኒስተራ ገሊጹ

Radio Erena: 12 October 2018

Somali PM in Saudia

ኣብ ስዑዲ ዓረብ ወግዓዊ ናይ ስራሕ ምብጻሕ ዘካየድ ዘሎ ቀዳማይ ሚኒስተር ሶማል ዓሊ ኻይረ፣ ዝኾነት ሃገር ኣብ ውሽጣዊ ጉዳይ ሃገሩ ክትኣቱ ከምዘይትፈቅድ ገሊጹ።

ቀዳማይ ሚኒስተር ዓሊ ኻይረ፣ ኣብዚ ሳልስቲ'ዚ ምስ ንጉስ ሳልማን ዓብደልዓዚዝ ኣል ስዑድን ወራሲ ዓራት ወዱ መሓድ ቢን ሳልማንን ኣብ ዝገበሮም ርክባት፣ ኣብ ህልዉ ኩነታት ሶማልን እቲ ዞባን ተመያይጡ።

እቲ ቀዳማይ ሚኒስተር ብ9 ጥቅምቲ ናብ ሪያድ ዘምርሐ፣ ምንግስቲ ሶማል ምስ ቀጠርን ቱርኪን ዘለዎ ጥቡቕ ዝምድና ከምዘይበትኽ ድሕሪ ምርግጋጹ'ዩ።

Read more...

ሱዳን፣ ሕጋዊ መንበሪ ወረቀት ዘይብሎም ዜጋታት ኤርትራን ኢትዮጵያን ይግፈፉ

Radio Erena: 11 October 2018

 sudan gifaኣብ ሱዳን፣ ከተማ ካርቱም ብዘይሕጋዊ መንበሪ ፍቓድ ንዝንቐሳቐሱ ዜጋታት ኤርትራን ኢትዮጵያን ዒላማ ዝገበረ ጽዑቕ ግፋ ይካየድ ኣሎ።

ምንጭታት ሬድዮ ኤረና ካብታ ከተማ ብዝልኣኽዎ ሓበሬታ መሰረት፣ እዚ ዝካየድ ዘሎ ግፋ ካብቲ ቅድሚ እዚ እዋን'ዚ ዝተኻየደ ግፋታት ዝፍለ ከምዘይኮነ ኣስሚሮም።

ነቲ ግፋ ዘካይዱ ዘለዉ ኣባላት ፖሊስ ሱዳን፣ ግቦ ክኸፍልዎም ንዝኽእሉ ዜጋታት ኤርትራን ኢትዮጵያን ይፍንውዎም ምህላዎም'ውን ጠቒሶም።

ሱዳን፣ ሕጋዊ መንበሪ ፍቓድ ዘይብሎም ዜጋታት ኤርትራን ኢትዮጵያን ብተደጋጋሚ እዋን ነናብ ዓዶም ከምዝሰጎጎት ይፍለጥ።

Read more...

ብስም ሚሊሻ ዓጢቖም ዝጸንሑ ልዕሊ 65 ዓመት ዝዕድሚኦምን ካልኦት ዜጋታትን፣ ጠበናጅኦም ከረከቡ'ዮም

Radio Erena: 11 October 2018

ekurserawitብስም ህዝባዊ ሚሊሻ፣ ካብ 65 ዓመት ዝዕድሚኦም ንላዕሊን ካልኦት ዜጋታትን ዓጢቖሞ ዝጸንሑ ብረት ከረክቡ ምዃኖም መግለጺታት ይሃቦም ከምዘሎ ምንጭታት ሬድዮ ኤረና ሓቢሮም።

ኣብ ገለ ምምሕዳራት፣ ጠበነጅኦም ንሎሚ ሓሙስ 11 ጥቅምቲ ከረክቡ ተነጊርዎም ምህላዉ'ውን እቶም ምንጭታት ብተወሳኺ ይጠቕሱ።

እዞም ብስም ሚሊሻ ንልዕሊ 6 ዓመታት ብረት ዝዓጠቑ ወለድን ሰራሕተኛታት ትካላትን፣ ብረቶም ከውርዱ እኳ ተኣዚዞም እንተለዉ፣ ተመዲቦምሉ ዝጸንሑ መሳርዕ ኣሃዱታት ግና ክቕጽል ምዃኑ'ዩ ተነጊርዎም ዘሎ።

Read more...

"ኤርትራን ኢትዮጵያን ዝኸተምኦ ስምምዕ፣ ስደተኛታት ንምስጓግ ክሕግዘና'ዩ፣" ቀ/ሚ እስራኤል

Radio Erena: 11 October 2018

netanyahuኤርትራን ኢትዮጵያን ዝኸተምኦ ስምምዕ ሰላም፣ ኣብ እስራኤል ንዝርከቡ ስደተኛታት ንምስጓግ ክሕግዘና'ዩ ክብል ቀዳማይ ሚኒስተር እስራኤል ምግላጹ ማዕከን ዜና ሃረጽ ሓቢሩ።

እቲ ቀዳማይ ሚኒስተር፣ ብሰሉስ 9 ጥቅምቲ፣ ኣብ ከተማ ቴልኣቪቭ ኣብ ዝተኻየደ ዋዕላ ሰልፊ ሊኵድ'ዩ ነዚ ገሊጹ።

ንሱ ብተወሳኺ፣ ምስ ግብጺ ኣብ ዘዳውብ ዞባ ሲና፣ ሓጹር እንተዘይህነጽ፣ ኣብዚ 10 ዓመታት ሓደ ሚልዮን ስደተኛታት ምወረሩና ክብል ገሊጹ።

መንግስቲ እስራኤል፣ መብዛሕቶም ኤርትራውያን ንዝኾኑ ልዕሊ 45 ሽሕ ስደተኛታት ናብ ርዋንዳን ኡጋንዳን ንምስጓጎም መደባት ምንባሩ ይፍለጥ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.