c


ዜና ኤርትራ

ኢትዮጵያ፣ ኣብ ክልል ሶማል ዝተዋፈራ ኩባንያታት ዕደና ነዳዲ፣ ንጥፈታተን ደው ከምዘበላ ተገሊጹ

Radio Erena: 13 August 2018

Oil Ogaden

ኣብ ኢትዮጵያ፣ ክልል ሶማል ብሰንኪ ኣጋጢሙ ዘሎ ጸጥታዊ ሓደጋታት፣ ኣብቲ ዞባ ዝተዋፈራ ኩባንያታት ዕደና ነዳዲ፣ ንጥፈታተን ደው ኣቢለን ከምዘለዋ ዘ ሪፖርተር ሓቢሩ።

ብመሰረት እቲ ማዕከን ዜና ዘቕረቦ ዜና፣ ኣብቲ ክልል ነዳዲ ብ ምድላይ ዝጸንሓ ክልተ ዓብይቲ ናይ ቻይና ኩባንያታት፣ ናይ ዳህሳስ ንጥፈታተን ብምቁራጽ፣ ሰራሕተኛታተን ብናይ ብሕሪ ናይ ክራይ ነፋሪት ናብ ኣዲስ ኣበባ ኣግዒዘን ኣለዋ።

ብሰንኪ'ቲ ኣብ መንጎ ሰራዊት ኢትዮጵያን ፍሉይ ሓይሊ ክልል ሶማልን ዘጋጠመ ግጭት፣ ካብ ናብን ኣዲስ ኣበባን ናብ ከተማ ጂግጂጋን ዝካየድ ዝነበረ በረራታት መንገዲ ኣየር ኢትዮጵያ ተሰናኺሉ ከምዘሎ ይፍለጥ።

Read more...

ጀርመን፣ ኣብ ምብራቕ ሱዳን ንዝርከቡ ስደተኛታት ንምሕጋዝ 32 ሚልዮን ዶላር ሰሊዓ

Radio Erena: 13 August 2018

Kassala

መንግስታት ጀርመንን ሱዳንን፣ ኣብ ምብራቕ ሱዳን ንዝርከቡ ስደተኛታት ንምሕጋዝ ዝውዕል ናይ 32 ሚልዮን ዶላር ናይ ሓገዝ ስምምዕ ከቲመን።

እቲ 30 ሚልዮን ብመንግስቲ ጀርመን ዝተመወለ ክኸውን እንከሎ እቲ ክልተ ሚልዮን ከኣ ሕብረት ኤውሮጳ ዘበርከቶ'ዩ።

እቲ ብ10 ሓምለ ዝተኸተመ ስምምዕ፣ ኣብ ከባቢታት ከሰላ፣ ገዳርፍን ደቡብ ዳርፉርን ንዝርከቡ መብዛሕቶም ኤርትራውያን ዝኾኑ ስደተኛታት፣ ምስ ናይቲ ዞባ ሕብረተሰብ ንምውህሃዶምን ንምጽንባሮም ሞያዊ ስልጠና ንምህሃብ ዝሕግዝ'ዩ።

Read more...

ኤውሮጳ፣ ዑቕባ ካብ ዝተዋህቡ ስደተኛታት፣ ብዝሒ ኤርትራውያን ኣብ ካልኣይ ደረጃ ተሰሪዑ

Radio Erena: 10 August 2018

Migrants in Europe

ኣብዘን ዝሓለፋ ሽዱሽተ ኣዋርሕ፣ ኣብ ሃገራት ሕብረት ኤውሮጳ ዑቕባ ካብ ዝተዋህቡ ስደተኛታት፣ ብዝሒ ኤርትራውያን ኣብ ካልኣይ ደረጃ ከምዝተሰርዐ ቤት ጽሕፈት ድጋፍ ስደተኛታት ኤውሮጳ ኣፍሊጡ።

እቲ ቤት ጽሕፈት ኣብ ዝዘርግሖ መግለጺ፣ ካብ ጥሪ ክሳብ ሰነ 2018 ኣብ ዝነበረ ግዜ፣ ኣብ ሃገራት ኤውሮጳ ዑቕባ ናይ ዝሓተቱ ብዝሒ ስደተኛታት 301, 390 ምዃኑ ብምምልካት፣ ምስ ናይ ዝሓለፈ ዓመት ክነጻጸር እንከሎ ብ15% ከምዝጎደለ ኣረዲኡ።

ኣብ ዝሓለፈ ወርሒ ሰነ ብግሪኽ፣ ኢጣልያ፣ ስጳኛን ኣቢሎም ዝኣተዉ፣ ልዕሊ 51 ሽሕ ስደተኛታት ኣብ ሃገራት ኤውሮጳ ዑቕባ ከምዝሓተቱ ዝጠቐሰ እቲ ቤት ጽሕፈት፣ ብብዝሒ ኣብ ቅድሚት ዝተሰርዑ ዜጋታት ሶርያ፣ ኣፍጋኒስታን፣ ዒራቕ፣ ፓኪስታንን ናይጀርያን ምዃኖም ኣስሚርሉ።

Read more...

ሕ/ኢ/ዓረብ ካብ ወደብ ዓሰብ ናብ ኢትዮጵያ ናይ ነዳዲ ሻምብቆ ንምዝርጋሕ ውጥን ተዳሉ

Radio Erena: 10 August 2018

Assab

ሕቡራት ኢማራት ዓረብ፣ ካብ ወደብ ዓሰብ ተበጊሱ ናብ ውሽጢ ኢትዮጵያ ዝኣቱ ናይ ነዳዲ ሻምብቖታት ንምዝርጋሕ  መዲባ ከምዘላ ምዃኑ ማዕከናት ዜና ኢትዮጵያ ሓቢረን።

እተን ማዕከናት ዜና ነዚ ዝሕብራ ዘለዋ፣ ሚኒስተር ኣህጉራዊ ዝምድናታት ሕቡራት ኢማራት ዓረብ ሪም ኣል ሓሽሚ፣ ሎሚ 10 ነሓሰ ኣብ ኢትዮጵያ ምብጻሕ ብምክያድ ምስ ቀዳማይ ሚኒስተር ኣብይ ኣሕመድ ድሕሪ ዝኸተመቶ ስምምዕ'ዩ።

ኣብዚ ካብ ወደብ ዓሰብ ናብ ኢትዮጵያ ዝርርጋሕ ናይ ነዳዲ ሻምብቖታት፣ ኣውፈርቲ ሕቡራት ኢማራት ዓረብ ኣማኢት ሚልዮናት ዶላራት ከውፍርሉ ትጽቢት ኣሎ።

ይኹን'ምበር ዝጅመረሉን ዝዛዘመሉን ናይ ግዜ መቓን ኣይተሓበረን።

Read more...

ፕረዚደንት ደቡብ ሱዳን፣ ንተቓወምቲ እታ ሃገር ምሕረት ኣዊጁ

Radio Erena: 10 August 2018

Salva kir

ፕረዚደንት ደቡብ ሱዳን ሳልቫኪር ሚያርዲት ፣ ሬክ ማቻር ንዝርከቦም ኩሎም ተቓወምቲ ምሕረት ከምዝኣወጀ መንግስታዊ ማዕከናት ዜና እታ ሃገር ገሊጸን።

እቲ ፕረዚደንት፣ ነዚ ናይ ምሕረት ኣዋጅ፣ ትማሊ 9 ነሓሰ ዘቕረበ፣ ድሕሪ'ቲ ምስ መራሒ ተቓዋሚ ሬክ ማቻርን ካልኦት ጉጅለታትን፣ ምቁራጽ ቶኽሲን ስልጣን ምምቕራሕን ዝርከቦም ስምምዓት ምኽታሞም'ዩ።

ኣብ 2011 ካብ ሱዳን ተፈልያ ናጽነታ ዝኣወጀት ደቡብ ሱዳን፣ ካልኣይ ዓመት ናጽነታ ከይጸንበለት ኣብ ኵናት ሓድሕድ ከምዝተጸምደት ይዝከር።

ኣብ መንጎ ካብ ዓሌት ዲንካ ዝኾነ ፕረዚደንት ሳልቫኪርን ካብ ዓሌት ኑዌር ዝኾነ ምክትሉ ሬክ ማቻርን ዝተወልዐ ግጭት፣ ዓሌታዊ መልክዕ እናሓዘ ክመጽእ ብምጽንሑ፣ 10ታት ኣሽሓት ሰባት ኣህሉቑን ኣስትትታት ሓደ ሚልዮን ህዝቢ ከኣ ኣመዛቢሉን'ዩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.