c


ዜና ኤርትራ

ባይቶ ጸጥታ ሕቡራት ሃገራት ኣብ ልዕሊ ኤርትራ ዘንበሮ እገዳ ንተወሳኺ ሓደ ዓመት ኣናዊሑ

Radio Erena: 15 November 2017

UNSC Er Sanction

ባይቶ ጸጥታ ሕቡራት ሃገራት ኣብ ልዕሊ መንግስቲ ኤርትራ ዘንበሮ እገዳ ንተወሳኺ ሓደ ዓመት ከምዘናውሖ ተገሊጹ።

እዚ ባይቶ ነቲ ንሸሞንተ ዓመታት ዝጸንዐ እገዳ ንተወሳኺ ሓደ ዓመት ክናዋሕ ዝዝስን ዘሎ፣ ንጸብጻብ ተቖጻጻሪት ጉጅለን ኮሚተ እገዳ ኤርትራን ሶማልን ንምስማዕ ብ14 ሕዳር ድሕሪ ድሕሪ ዘካየዶ ዘካየዶ ኣኼባ'ዩ።

11 ካብተን 15 ኣባላት ባይቶ ጸጥታ፣ እገዳ ክናዋሕ ክድግፋ እንከለዋ፣ ሩሲያ፣ ቻይና ግብጽን ቦሊቭያን ግና ድምጺ ካብ ምሃብ ተቖጢበን።

Read more...

ሰራዊት ዚምባብዌ፣ ንፕረዚደንት ሙጋበን ስድራቤቱን ምእንቲ ድሕነቶም ናብ ውሑስ ቦታ ከምዘግዓዘ ኣፍሊጡ

Radio Erena: 15 November 2017

Zimbabwe army

ሰራዊት ዚምባብዌ፣ ንፕረዚደንት ሮበርት ሙጋበን ስድራቤቱን ምእንቲ ድሕነቶም ናብ ውሑስ ቦታ ከምዘግዓዘ ኣፍሊጡ።

ሰራዎት ዚምባብዌ ነዚ ዝገለጸ፣ ናብ 15 ሕዳር ኣብ ዘውግሐ ለይቲ ንመደበራት ቴሌቪዥንን ሬድዮን እታ ሃገር ድሕሪ ምቁጽጻሩ'ዩ።

ኣፈኛ ሰራዊት ዚምባብዌ ሜጀር ጀነራል ሞዮ፣ ኣብ ቴሌቪዥን ቀሪቡ ኣብ ዘመሓላለፎ መልእኽቲ፣ ሰራዊት ዝወስዶ ዘሎ ስጉምቲ፣ ኣብ ውሻጠ መንግስቲ ተሓቢኦም ንዘለዉ ገበነኛታት ንምህዳን ምዃኑ ብምጥቃስ፣ ንፕረዚደንት ሙጋበን ስድራቤቱን ምእንቲ ድሕነቶም ናብ ውሑስ ቦታ ከምዘግዓዘ ሓቢሩ።

Read more...

ፕረዚደንት ሱዳን ዑመር ሓሰን ኣልበሽር፣ ኣብ ኡጋንዳ ምብጻሕ ፈጺሙ

Radio Erena: 15 November 2017

Uganda Sud

ፕርዚደንት ሱዳን ዑመር ሓሰን ኣልበሽር ኣብ ኡጋንዳ ናይ ክልተ መዓልታት ናይ ስራሕ ምብጻሕ ኣካይዱ።

እቲ ፕረዚደንት፣ ብ13 ሕዳር ናብታ ሃገር ድሕሪ ምእታዉ ምስ ኡጋንዳዊ መዘንኡ ፕረዚደንት ዩዌሩ ሙሰቬኒ ብምርኻብ፣ ኣብ መስርሕ ሰላም ደቡብ ሱዳን፣ ጉዳያት ጸጥታን ንግድን ከምዝዘተየ ማዕከናት ዜና ሓቢረን።

መራሕቲ ሱዳንን ኡጋንዳን ካብ 2015 ኣትሒዞም ብጉዳይ ደቡብ ሱዳንን ካልእ ጸጥታዊ ጉዳያትን ርክባት ከካይዱ ምጽንሖም ይፍለጥ።

ፕረዚደንት ሱዳን፣ ኣብዚ ሎሚ ዘካየዶ ናይ ኡጋንዳ ምብጻሕ ሓያሎ ላዕለዎት ሰበ ስልጣንን ሱዳናውያን ነጋዶም'ዮም ኣሰንዮሞ።

Read more...

መራሕቲ ኢትዮጵያን ቀጠርን ኣብ ዞባዊ ጉዳያት ቀርኒ ኣፍሪቃን ምትእትታው ሃገራት ወሽመጥ ፈጢርዎ ዘሎ ጽልዋን ዘትዮም

Radio Erena: 15 November 2017

Qatar Ethio

መራሕቲ ኢትዮጵያን ቀጠርን ኣብ ዞባዊ ጉዳያት ቀርኒ ኣፍሪቃን ምትእትታው ሃገራት ወሽመጥ ፈጢርዎ ዘሎ ጽልዋን ዘከምዝዘተዩ ማዕከናት ዜና ዓረብ ሓቢረን።

እቶም መራሕቲ ነዚ ዝዘተዩ ቀዳማይ ሚኒስተር ኢትዮጵያ ኣቶ ሃይለማርያም ደሳለኝ ኣብ ቀጠር ወግዓዊ ናይ ስራሕ ምብጻሕ ኣብ ዝፍጽመሉ ዘሎ እዋን'ዩ።

እቲ ቀዳማይ ሚኒስተር ብ13 ሕዳር ናብ ከተማ ዶሓ ኣብ ዝኣተወሉ፣ ኣሚር ቀጠር ሸኽ ታሚም ቢን ሓማድ ኣልታኒ ድሙቕ ኣቐባብላ ከምዝገበረሉ ዝሓበራ ማዕከናት ዜና፣ ዝምድና ኢትዮጵያን ቀጠርን ኣብዚ እዋን'ዚ ኣብ ዝሓሸ ኩነታት ከምዝርከብ ኣገንዚበን።

Read more...

ላዕለዋይ ወትሃደራዊ ኣዛዚ ዚምባብዌ፣ ንፕረዚደንት ሙጋበ ኣጠንቒቑ

Radio Erena: 15 November 2017

Zimbabwe

ፕረዚደንት ዙምባብዌ ሮበርት ሙጋበን ንሱ ዝመርሖ ሰልፊ ዛኑ ፒኤፍን ተፈጢሩ ዘሎ ፖለቲካዊ ኩነታት ብደሞክራስያዊ ኣገባብ ክፈትሑ እንተዘይክኢሎም፣ ሰራዊት እታ ሃገር ምትእትታው ክገብር ምዃኑ ላዕለዋይ ወትሃደራዊ ኣዛዚ እታ ሃገር ጀነራል ኮንስታንቲን ቺዌጋ ኣጠንቒቑ።

እቲ ጀነራል ነዚ መጠንቐቕታ ብጽሑፍ ዘመሓላለፈ፣ ፕረዚደንት ሙጋበ፣ ንበዓልቲ ቤቱ ስልጣን ንምጥጣህ፣ ምክትሉ ንዝነበረ በዓል ስልጣን ካብ መዝነቱ ድሕሪ ምስጓጉ'ዩ።

ንዝበዝሐ ምምሕዳራዊ ጉዳያት ቤት ጽሕፈት ፕረዚደንት እተካይድ ዘሎ በዓልቲ ቤት ፕረዚደንት ሙገበ፣ ስልጣን እቲ ብእርጋን ተሰኒፉ ዘሎ በዓል ቤት ንምውራስ፣ ንሓያሎ ገዳይም ተጋደልቲ ነበር ካብ ስልጣን ናይ ምብራርን ምእሳርን ስጉምታት ተካይድ ከምዘላ ክጥቐስ ጸኒሑ'ዩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.