c


ዜና ኤርትራ

ሱዳንን ኣመሪካን ኣብ ወትሃደራዊ ምትሕግጋዝ ዘትየን

Radio Erena: 07 December 2018

Sudan US generals

ሱዳንን ኣመሪካን ኣብ ወትሃደራዊ ምትሕግጋዝ ዘተኮረ ዘተ ከምዘካየዳ ሚኒስትሪ ምክልኻል ሱዳን ብሰሉስ 4 ታሕሳስ ኣብ ዘውጽኦ መግለጺ ኣፍሊጡ።

ክልትኤን ሃገራት ነዚ ዘተ ዘካየዳ፣ ኣዛዚ ሓባራዊ ሓይሊ ዕማም ኣብ ቀርኒ ኣፍሪቃ ሜጀር ጀነራል ጄምስ ክሬግ፣ ምስ ጠቕላሊ ሓለቓ ስታፍ ሰራዊት ሱዳን ጀነራል ከማል ዓብደል ማሩፍ፣ ኣብ ካርቱም ኣብ ዝተራኸበሉ እዋን'ዩ።

ላዕለዎት ኣዘዝቲ ሰራዊት ሱዳንን ኣመሪካን፣ ኣብ ወትሃደራዊ ምትሕግጋዝ ዘተኮረ ዘተ ዘካይዱ ዘለዉ፣ ንልዕሊ 20 ዓመታት ተበቲኹ ዝጸንሐ ዝምድና ክልትኤን ሃገራት ንምምሕያሻ ጻዕርታት ኣብ ዘካየደሉ ዘሎ ግዜ'ዩ።

ኣመሪካ ኣብ ልዕሊ ሱዳን ኣጽኒዓቶ ዝነበረት እገዳ ገለ ክፋሉ ድሕሪ ምልዓላ፣ ኣብ 2017'ውን ሱዳንን ኣመሪካን ርክብ ላዕለዎት ኣዘዝቲ ሰራዊት ኣካይደን ምንባረን ይዝከር።

Read more...

እስራኤል፣ ኣብ ልዕሊ ደቂንስትዮ ዝፍጸም ዘቤታዊ ጎነጽ ደው ክብል ዝጽውዕ ሰልፊ ተኻይዱ

Radio Erena: 06 December 2018

israel women demoኣብ እስራኤል ኣብ ልዕሊ ደቂንስትዮ ዝፍጸም ዘሎ ዘቤታዊ ጎነጽ ደው ክብል ዝውጽዕ ሰፊሕ ሰለማዊ ሰልፊ ተኻይዱ።

እቲ 10ታት ኣሽሓት ደቂንስትዮ ዝተሳተፍኦ፣ ብደረጃ ሃገር ተወዲቡ፣ ብሰሉስ 04 ታሕሳስ ኣብዝ ተፈላለየ ከተማታት ዝተኻየደ ሰለማዊ ሰልፊ፣ ጓል 12 ዓመት ኤርትራዊት ቆልዓ ሶልያና ጸጋይ፣ እትርከበን ክልተ ደቂንስትዮ፣ ዝሓለፈ ቅንያት ብተመሳሳሊ ጎነጽ ድሕሪ ምቕታለን'ዩ ዝካየድ ዘሎ።

ኣብ እስራኤል ኣብዛ ዓመት እዚኣ ጥራይ 24 ደቂንስትዮ ብዘቤታዊ ጎነጽን ዓመጽን ህይወተን ከምዝሓለፈ ጸብጻባት ካብታ ሃገር የመልክቱ።

ጸብጻብ ክነሰት ከምዘመልክቶ ድማ ካብ 2011 ኣትሒዙ፣ ኤርትራውያን ዝርከብአን 127 ደቂንስትዮ ግዳያት ዘቤታዊ ጎነጽ ኮይነን።

Read more...

ምክትል ሚኒስተር ጉዳያት ወጻኢ ኢጣልያ ኤርትራ ናብ እትርከበን ሃገራት ቀርኒ ኣፍሪቃ ትበጽሕ

Radio Erena: 05 December 2018

Emmanuella Del Re

ብምክትል ሚኒስተር ጉዳያት ወጻኢን ኣህጉራዊ ምትሕግጋዝን ኤማኑኤላ ዴል ረ ዝምራሕ ልኡኽ መንግስቲ ኢጣልያ ኣብ ኤርትራ፣ ኢትዮጵያን ጅቡትን ምብጻሕ የካይድ ኣሎ።

ዕላማ ዑደት 'ቲ በታ ምክልትል ሚኒስተር ዝተመርሐ ልኡኽ፣ መንግስቲ ኢጣልያ ምስ 'ዘን ሃገራት ክገብሮ ብዛዕባ ዝኽእል ምትሕግጋዝ ንምዝታይ ዘተኮረ'ዩ።

ምክትል ሚኒስተር ኤማኑኤል ትማሊ 4 ታሕሳስ ናብ ኣስመራ ዝኣተወትሉ፣ ምስ ሰበ ስልጣን መንግስቲ ኤርትራ ድሕሪ ምዝርራብ ኣብ ዝተፈላለየ ንጥፈታት ተሳቲፋን ዑደት ኣካይዳን።

ብመሰረት ዜና ኣጃንዝያ ኖቫ፣ ንሳ ናብ ኢትዮጵያ ቅድሚ ምብጋሳ፣ ሎሚ 5 ታሕሳስ ኣብ ኤርትራ ምስ ዝነብሩ ማሕበረ ሰብ ኢጣልያን ወነንቲ ኢጣልያውያን ትካላትን ክትዝቲ'ያ።

Read more...

ምስ ኤርትራ ኣብ ዘዳውብ ከባቢታት ክልል ትግራይ ተዋፊሩ ዝጸንሐ ሰራዊት ኢትዮጵያ ስሒቡ

Radio Erena: 05 December 2018

 Ethiopian army withdraws from Eritrea borderምስ ኤርትር ኣብ ዘዳውብ ከባቢታት ክልል ትግራይ ተዋፊሩ ዝጸንሐ ሓደ ክፍለሰራዊት ከምዝተሳሕበ ምንጭታት ሬድዮ ኤረና ሓቢሮም።

እቲ ምስ ምሉእ ከበድቲ ኣጽዋሩ፣ ኣብ መንጎ ሸራሮን ሽረ እንዳስላሴን ካብ እትርከብ ከባቢ ዓዲ ዳዕሮ ስሒቡ ዘሎ ሰራዊት ኢትዮጵያ፣ ዝተንቀሳቀሰሉ ዕላማ እኳ እንተዘይተነጸረ፣ ኣብ ካልእ ክልላት እታ ሃገር ብፍላይ ድማ ኣብ ክልላት ሶማልን፣ ቤንሻንጉል ጉምዝን ኦሮሞን ተጎሃሂሩ ንዘሎ ናይ ብሄር ግጭታት ንምርግጋእ ይዋፈር ኣሎ ዝብል ጽንጽንታ ከምዘሎ እቶም ምንጭታት ብተወሳኺ ሓቢሮም።

ኤርትራን ኢትዮጵያን ናብ ሰላም ካብ ዝመለሳ፣ ካብቲ ኣብ ዶባተን ዓስኪሩ ዝጸንሐ ክፍላተ ሰራዊት ኢትዮጵያ ዝስሕብ ዘሎ እዚ ካልኣይ'ዩ።

ይኹን'ምበር ሰራዊት ኢትዮጵያ ካብታ ናይ ኤርትራ ምዃና ብኮሚሽን ዶብ ዝተረጋገጸ፣ ባድመን ከባቢኣን ዛጊት ኣይሰሓበን።

Read more...

ኢትዮጵያ፣ ኣብ ማእከል ጎንደር ብዝተወልዐ ግጭት ኣብ ሰብን ንብረትን ጉድኣት ከምዘውረደ ተገሊጹ

Radio Erena: 05 December 2018

Gondar clashes

ኢትዮጵያ ብናይ ብሄር ግጭታት ኣብ እትሕመሰሉ ዘላ እዋን፣ ኣብ ክልል ኣምሓራ ማእከል ጎንደር፣ ብዝተወልዐ ቶኵሲ ኣብ ሰበን ንብረትን ጉድኣት በጺሑ።

ማዕከናት ዜና ኢትዮጵያ ትማሊ ብዝዘርግሐኦ ሓበሬታ፣ ዕጡቓት ብዝኸፈትዎ ቶዅሲ፣ ሓደ ሰብ ክመውት እንከሎ ሸሞንተ ድማ ቆሲሎም ኣለው።

ብዘይካ'ዚ፣ ሓያሎ ኣባይትን ትካላትን ኣበቲ ግጭት ተቓጺሎም።

ምስቲ ግጭት ብዝተሓሓዝ 49 ሰባት ኣብ ቀይዲ ኣትዮም ከምዘለው ዝሓበራ እተን ማዕከናት ዜና፣ እቲ ናዕቢ ናብ ካልእ ከባቢታት ከይልሕም ሓይልታት ጸጥታ ብዝልዓለ ይሰርሑ ከምዘለዉ ገሊጹ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.