c


ዜና ኤርትራ

ካብ ትግራይ ዝኣቱ ዘሎ ባኒ፣ ኣብ ኤርትራን ንሓያሎ ዓመታት ንዝጸንሐ ዋሕዲ ብመጠኑ ፈቲሑ

Radio Erena: 15 October 2018

Bani St Asmara

ዶባት ኤርትራን ኢትዮጵያን ምኽፋቱ፣ ኣብ ኤርትራ ንሓያሎ ዓመታት ዝጸንሐ ዋሕዲ ከም ባኒ ናይ ዝኣመሰለ መሰረታዊ መግብታት ብመጠኑ ፈቲሕዎ ኣሎ።

ዶባት ካብ ዝኽፈት፣ ከም ባኒ ፓስታ፣ እንቋቁሖ፣ ሽኮር፣ በርበረ፣ ዘይትን ካልእ መግብታትን ብመንገዲ ትግራይ ናብ ከተማታት ኤርትራ ይጓረት ከምዘሎ ዝተፈላለዩ ምንጭታት ይሕብሩ።

ብፍላይ፣ መሰረታዊት ዕለታዊ መግቢ እናተባህለት እትግለጽ ባኒ፣ ኣብ ኤርትራ መጀመርያ ብኩፖን፣ ደሓር ድማ ጠቕሊላ ጠፊኣ ድሕሪ ምንባራ፣ ካብዚ ቀረባ ዓመታት ከኣ ንሓንቲ ባኒ ካብ 3 ክሳብ 6 ናቕፋ ብደገ ደገ ክትሽየጥ ጸኒሓ'ያ።

Read more...

ወሰኽ ደሞዝ ንምጥላብ፣ ናብ ቤት መንግስቲ ንዝኸዱ ኣባላት ሰራዊት ኢትዮጵያ፣ ደፋፊእኩም ዝተባህሉ ሰባት ይእሰሩ

Radio Erena: 15 October 2018

General SeAre

ኣስታት 200 ዝኾኑ ኣባላት ሰራዊት ኢትዮጵያ፣ ናይ ደሞዝ ወሰኽ ንምጥላብ ናብ ቤት መንግስቲ ንክኸዱ ዝደፋፍኡ ኣልት እባ ትሕቲ ቁጽጽር ይኣትዉ ከምዘለዉ ጠቕላሊ ሓለቓ ስታፍ ሰራዊት እታ ሃገር ጀነራል ሰዓረ መኮነን ሓቢሩ።

እቲ ጀነራል፣ እቶም ወትሃደራት፣ ናይ ደሞዝ ወሰኽ ንምጥላብ ተኣኪቦም ናብ ቤት መንግስቲ ምዃዶም፣ ካብ ወትሃደራዊ ስነ ስርዓትን ሕገ መንግስትን ወጻኢ ምዃኑ ኣስሚርሉ።

እቶም ወትሃደራት፣ በቲ ዝፈጸምዎ ተግባር ከምዝተጣዕሱን ይቕሬታ ከምዝሓተቱን ዝሓበረ ጀነራል ሰዓረ፣ ብድሕሪት ኮይኖም ዝደፋፍእዎም ሰባት ግና ይእሰሩ ምህላዎም ኣረጋጊጹ።

Read more...

ንምኽፋት ዶባት ኤርትራን ኢትዮጵያን ተኸቲሉ፣ ኣብ ትግራይ ሕጽረት ነዳዲ የጋጥም

Radio Erena: 14 October 2018

mekeleምስ ምኽፋት ዶባት ኤርትራን ኢትዮጵያን፣ ኣብ ሓያሎ ከተማታት ትግራይ ሕጽረት ነዳዲ ኣጋጢሙ ከምዘሎ ካብታ ሃገር ዝተፈነወ ዜና ኣመልኪቱ።

ኣብዚ ብፍኑው ዝካየድ ዘሎ ንግዳዊ ምልውዋጥን፣ ምንቅስቓስ ህዝብን፣ ናብ ትግራይ ብሰንኪ ዝኣትዋ ዘለዋ መካይን፣ እቲ ሕጽረት ነዳዲ ከምዘጋጠመ፣ ንቤት ምኽሪ ንግዲን ኢንዱስትሪን’ቲ ዞባ ብምጥቃስ ጋዜጣ ዘ ሪፖርተር ኣመልኪቱ።

ወነንቲ’ዘን ካብ ኤርትራ ዝኸዳ ናይ ጽዕነት፣ ናይ ህዝቢ መጎዓዝያ፣ ናይ ውልቂ መካይን፣ ዋጋ ነዳዲ ካብ ኣብ ኤርትራ፣ ዝያዳ ኣብ ትግራይ ስለዝሓስረሎም፣ መካይኖም መሊኦም ጥራይ ዘይኮነ፣ ጽዒኖም’ውን ስለዝምለሱ፣ ብፍላይ ኣብ ከተማታት መቐለ፣ ዓዲ ግራት፣ ኣኽሱም፣ ውቕሮን ዓድዋን፣ ሕጽረት ነዳዲ ምግጣሙ’ዩ ዝግለጽ።

Read more...

ኤርትራ ኣባል ባይቶ ሰብኣዊ መሰላት ኮይና ምምራጻ፣ ካብ ሓያሎ ኣህጉራውያን ትካላት ተቓውሞታት ይስማዕ ኣሎ

Radio Erena: 14 October 2018

unhrcኤርትራ ኣባል ባይቶ ሰብኣዊ መሰላት ውድብ ሕቡራት ሃገራት ክትከውን ምምራጻ፣ ሓያሎ ኣህጉራውያን ተጣበቕቲ መሰላት ተቓውሞታት የስምዑ’ለዉ።

ሓልዮት ንሰብኣዊ መሰላት ኤርትራን ህዩማን ራይትስ ዎችን ዝርከብዎም ተጣበቕቲ መሰላት ኣብ ዘቕረብዎ ተቓውሞ፣ ከም ኤርትራ፣ ፊሊፒንስ፣ ባሕረይንን ካሜሩንን ዝኣመሰላ ሃገራት ኣብ ባይቶ ሰብኣዊ መሰላት ክጽምበራ ኣይግባእን ክብሉ ጸዊዖም።

ኣብቲ ብዓርቢ 12 ጥቅምቲ ኣብ ከተማ ጀኔቫ ዝተኻየደ ዋዕላ ባይቶ ሰብኣዊ መሰላት ውድብ ሕቡራት ሃገራት፣ ኤርትራ እትርከበን 18 ሃገራት ንሰለስተ ዓመት ዝጸንሕ ወንበር ተዋሂቡወን ኣሎ።

Read more...

ገደም፣ ማእከል መሰልጠኒ ሓይሊ ባሕሪ ኤርትራ፣ ኣባላት ሓይሊ ባሕሪ ኢትዮጵያ ንምስልጣን ይዳሎ ከምዘሎ ተገሊጹ

Radio Erena: 12 October 2018

Eritrean Navy

ኣብ ሰሜናዊ ቀይሕ ባሕሪ ዝርከብ፣ ገደም ማእከል መሰልጠኒ ሓይሊ ባሕሪ ኤርትራ፣ ኣባላት ሓይሊ ባሕሪ ኢትዮጵያ ንምስልጣን ይዳሎ ከምዘሎ ምንጭታት ኤረና ሓቢሮም።

እቲ ካብ ሕርጊጎ ንደቡብ 10ታት ኪሎሜተር ርሒቑ ዝርከብ፣ ገደም ማእከል መሰለጠኒ ሓይሊ ባሕሪ ኤርትራ፣ ካብ ግዜ ናብ ግዜ ክዳኸም ከምዝጸንሐ ዝሓበሩ እቶም ምንጭታት፣ ኣብዚ እዋን ዳግመ ስርርዕን ምሕዳስን ይካየደሉ ከምዘሎ ኣገንዚቦም።

ኢትዮጵያ፣ ድሕሪ ምውድቕ ስርዓት ደረግ ዝተበተነ ሓይሊ ባሕራ ዳግም ከተቑሞ ምዃና'ያ ትገልጽ።

እታ ሃገር፣ ስልጠና ኣባላት ሓይሊ ባሕሪ ኣበይ ከምእተካይዶ ኣየነጸረትን።

Read more...




Powered by Joomla!®. Designed by: free hosting no ads resell dot me domains Valid XHTML and CSS.