c


ኮሚሽነር ሕብረት ኣፍሪቃ፣ ኣብ ቀጠር ወግዓዊ ናይ ስራሕ ምብጻሕ የካይድ

Radio Erena: 14 January 2019

Mousa Faki

ብኮሚሽነር ሙሳ ፋኪ መሃመት ዝምራሕ ላዕለዋይ ልኡኽ ሕብረት ኣፍሪቃ ኣብ ቀጠር ናይ ክልተ መዓልታት ምብጻሕ የካይድ ኣሎ።

ትማሊ 13 ጥሪ ናብ ቀጠር ዝኣተወ እቲ ኮሚሽነር፣ ምስ ኣሚር እታ ሃገር ሸኽ ታሚም ቢን ሓማድ ኣል ታኒን ካልኦት ላዕለዎት ሰበ ስልጣን እታ ሃገርን ክዘራረብ'ዩ።

ዕላማ ዑደት ኮሚሽነር ሕብረት ኣፍሪቃ ናብ ቀጠር ብዝርዝር እኳ እንተዘይተጠቕሰ፣ እታ ሃገር፣ ኣብ ሊብያ፣ ሱዳን (ብፋላይ ዞባ ዳርፉር) ሶማልን ካልኦት ሃገራት ኣፍሪቃን ዝጸንሓ ጉዳያት ብዝምልከት ክመያየጥ ምዃኑ ዲፕሎማስያውያን ምንጭታት የረድኡ።

 

ሕብረት ኣፍሪቃ፣ ኣባላት እቲ ሕብረት ዘይኮና ሃገራት ኣብ ጉዳይ ሶማልን ካልኦት ጉዳያት ሃገራት ኣፍሪቃን ጣልቃ ካብ ምእታው ክቁጠባ ብተደጋጋሚ ከጠንቕቕ ጸኒሑ'ዩ።

ብፍላይ ኣብ ሊብያ እናተጋደደ ዝመጽእ ዘሎ ምግምማዕ ዝተፈላለዩ ሚሊሻታት፣ ኢድ ቀጠር ከምዘለዎ ግብጺ እትርከበን ሓያሎ ሃገራት እቲ ሕብረት ይወቕሳ።

===========================

Share this post

Submit to FacebookSubmit to Google PlusSubmit to TwitterSubmit to LinkedIn



Powered by Joomla!®. Designed by: free hosting no ads resell dot me domains Valid XHTML and CSS.