c


ቀ/ሚ ኢትዮጵያ ኣብ ግብጺ ወግዓዊ ናይ ስራሕ ምብጻሕ ኣካይዱ

Radio Erena: 11 June 2018

Ethiopia Egypt

ቀዳማይ ሚኒስተር ኢትዮጵያ ዶ/ር ኣብይ ኣሕመድ ኣብ ግብጺ ወግዓዊ ናይ ስራሕ ምብጻሕ ኣካይዱ።

እቲ ቀዳማይ ሚኒስተር ብቀዳም 9 ሰነ ናብ ካይሮ ኣብ ዝኣተወሉ፣ ምስ ፕረዚደንት ግብጺ ዓብደልፈታሕ ኣል ሲሲ ብምርኻብ ኣብ ጉዳያ እቲ መዕለቢ ዘይረኸበ ኣጠቓቕማ ናይልን ኢትዮጵያ እትሃንጾ ዘላ ዲጋን ኣብ ልዕሊ ግብጺ ከስዕቦ ዝኽእል ሃስያን ብዝምልከት ተዘራሪቦም።

ቀዳማይ ሚኒስተር ኢትዮጵያ ናይ ምብራቕ ኣፍሪቃ ዑደቱ ብምቕጻል ኣብ ኡጋናድ ዘካየዶ ናይ ክልተ መዓልታት ምብጻሕ ዛዚሙ'ዩ ብቀጥታ ናብ ግብጺ ኣምሪሑ።

ንተወሳኺ ሓሙሽተ ዓመታት ንግብጺ ንምምራሕ ኣብ 2 ሰነ ቃለ መሓላ ዝፈጸመ ፕረዚደንት ግብጺ ዓብደልፈታሕ ኣል ሲሲ፣ ሓድሽ ቀዳማይ ሚኒስተር ኢትዮጵያ ኣብ ጉዳይ ናይል ሓድሽ ራኢ ክህልዎ ዘለዎ ተስፋ ገሊጹ።

ዑደት ቀዳማይ ሚኒስተር ኢትዮጵያ ናብ ግብጺ፣ ነቲ ድሮ ተጀሚሩ ዝጸንሐ ሰለማውን ዲፕሎማስያውን ዝርርብ ኣብ ጉዳይ ናይል ንምቕጻሉ ብወገን መንግስቲ ኢትዮጵያ ዘሎ ሰናይ ድሌት ንምንጽብራቕ ምዃኑ ዲፕሎማሰኛታት የረድኡ።

መንግስታት ኢትዮጵያን ግብጽን ብጉዳይ እቲ ኢትዮጵያ እትሃንጾ ዘላ፣ ኣብ ኣፍሪቃ ብዕብየቱ ኣብ ቀዳማይ ደረጃ ዝስራዕ ናይ 4 ቢልዮን ዶላር ዲጋ፣ ኣብ ምስሕሓብ ከምዘለዋ ይፍለጥ።

=================

Share this post

Submit to FacebookSubmit to Google PlusSubmit to TwitterSubmit to LinkedIn



Powered by Joomla!®. Designed by: free hosting no ads resell dot me domains Valid XHTML and CSS.