c


ኣህጉራዊ ዜና

መራሕቲ ኢትዮጵያን ሕቡራት ኢማራት ዓረብን ኣብ ህሉው ኩነታት ዞባና ዘትዮም

Radio Erena: 22 May 2018

Ethiopia UAE

መራሕቲ ኢትዮጵያን ሕቡራት ኢማራት ዓረብን ኣብ ህሉው ኩነታት ዞባና ዘትዮም ኣገልግሎት ዜና ኢማራት ሓቢሩ።

ናይ ስዑዲ ዓረብ ዑደቱ ዛዚሙ ናብ ሕቡራት ኢማራት ዓረብ ዘቕንዐ ቀዳማይ ሚኒስተር ኢትዮጵያ፣ ብ19 ግንቦት ምስ ወራሲ ኣቡ ዳቢ ሸኽ መሓመድ ቢን ዛይድ ኣል ናህያን ኣብ ዝተራኸበሉ እዋን'ዩ፣ ኣብ ክልትኣዊ ዝምድናን ሓፈሻዊ ኩነታት ዞባናን ዘተኮረ ዝርርብ ዝተኻየደ።

ሕቡራት ኢማራት ዓረብ ኣብ ዞባ ቀርኒ ኣፍሪቃ ብፍላይ ድማ ኣብ ከባቢ ወደብ ዓሰብ እተካይዶ ወትሃደራዊ ምንቅስቓስ ንኢትዮጵያ ስግኣት ከምዝፈጠረላ ምግላጻ ይዝከር።

Read more...

ሶማል፣ ህቦብላዊ ዝናብ 25 ሰባት ቀቲሉ

Radio Erena: 22 May 2018

somal

ኣብ ምብራቕ ኣፍሪቃ፣ ዘይንቡር ተርእዮ ህቦብላዊ ዝናብ ኣብ ሶማል 25 ሰባት ከምዝቐተለ ሰበ ስልጣን እታ ሃገር ገሊጾም።

እቲ ካብ ህንዳዊ ውቅያኖስ ዝተበገሰ ህቦብላዊ ዝናብ ንሶማልያን ጅቡትን ከጥቅዕ ምዃኑ ኣቐዲሞም ክኢላታት ሜትዮሮሎጂ ከጠንቅቑ ጸኒሖም'ዮም።

እቲ ህቦብላ፣ ኣብ ቀዳመ ሰንበት፣ ናብ ቀርኒ ኣፍሪቃ ድሕሪ ምጽግዑ፣ ብፍላይ ኣብ ርእሰ ምምሕዳራት ፑንትላንድን ሶማሊላንድን ኣብ ንብረት ከቢድ ጉድኣት ኣውሪዱ።

Read more...

ደቡብ ሱዳን፣ በስገዳድ ተዓስኪሮም ዝጸንሑ 210 ትሕቲ ዕድመ ህጻናት ናብ ሰላማዊ መነባብሮኦም ተፋንዮም

Radio Erena: 20 May 2018

child soldiersኣብ ደቡብ ሱዳን በስገዳድ ተዓስኪሮም ዝጸንሑ 210 ትሕቲ ዕድመ ህጻናት ናብ ሰላማዊ መነባብሮኦም ከምዝተፋነዉ ውድብ ሕቡራት ሃገራት ገሊጹ።

እቶም ብዓርቢ 18 ግንቦት ዝተፋነዉ ትሕቲ ዕድመ ህጻናት፣ ኣብ ተቓወምቲ ሓይልታት ብረት ዓጢቖም ክዋግኡ ዝጸንሑ ምዃኖም ተሓቢሩ።

ወኪል ዩኒሴፍ ኣብ ደቡብ ሱዳን ኣብ ዝሃቦ መግለጺ፣ እቶም 210 ትሕቲ ዕድመ ብወግዒ ብረቶም ድሕሪ ምርካብ ናብ ሲቪላዊ ህይወት ተመሊሶም፣ ናይ ሰለስተ ወርሒ ቀለብን ናይ ሞያ ስልጠናታትን ክወሃቦም ምዃኑ ገሊጹ።

ኣብ ደቡብ ሱዳን ኣብዚ ዓመት’ዚ ጥራይ ንሳልሳይ ግዚኡ ዝተኻየደ እዚ ትሕቲ ዕድመ ካብ ሰራዊት ናይ ምፍናው ስነስርዓት ን806 ህጻናት ናይ ምጥያስ ዕድል ሂቡ ኣሎ።

Read more...

ሕ.ኣፍሪቃን ኤ.ሕብረትን ንትሕተ ቅርጺ ብዝምልከት ናይ ክልተ መዓልታት ኣኼባ ኣካዪዶም

Radio Erena: 20 May 2018

au headquarterssሕብረት ኣፍሪቃን ኤውሮጳዊ ሕብረትን ንትሕተ ቅርጺ ብዝምልከት ናይ ክልተ መዓልታት ኣኼባ ኣካዪዶም።

ኣብቲ ብሓሙስ 17 ግንቦት ዝጀመረ ኣኼባ ወከልቲ ክልቲኡ ሕብረታት ኣዲስ ኣበባ ኣብ ዝርከብ ቤት ጽሕፈት ሕብረት ኣፍሪቃ እዩ ተኻዪዱ።

ኣብቲ ኣኼባ ንምዕባለ ትሕተ ቅርጺ ኣብ ኣፍሪቃ ብፍላይ ከኣ ኣብ ጽላታት ጸዓት፣ መጎዓዝያ፣ ዝርጋሐ ማይን ኮምፕዩተር ተክኖሎጂን ብዝምልከት ኣብ ሕብረት ኤውሮጳ ወፍርታት ወጻኢ ዘሎ ተኽእሎ ዘትዮም።

Read more...

ሱዳን፣ ካብ ቻይና ነፈርቲ ውግእ ትሽምት

Radio Erena: 18 May 2018

Sudan Jet fighter

ሱዳን፣ ሽዱሽተ ነፈርቲ ውግእ ካብ ቻይና ከምዝሸመተት ወትሃደራውያን ምንጭታት ሱዳንን ቻይናን ኣፍሊጦም።

እተን FTC-2000 ዝዓይነተን ነፈርቲ ውግእ ብ16 ግንቦት ካርቱም ኣብ ዝኣተዋሉ፣ ኣዛዚ ሓይሊ ኣየር እታ ሃገር ሜጀር ጀነራል ዓዋድ ኻልፋላህ ማራዊንን ኣብ ካርቱም ናይ ዝርከብ ኤምባሲ ቻይና ወትሃደራዊ ኣታሸን ተረኺቦም ኔሮም።

ሱዳን ነተን ነፈርቲ ንምሽማተን ኣብ መወዳእታ 2016 ምስ ቻይና ውዕል ከምዝኸተመት ይዝከር።

እዘን ወትሃደራውያን ነፈርቲ፣ ክልተ ኣብረርቲ ዝሓዛ ኮይነን፣ ብዝያዳ ኣብ ልምምድን ቀለልቲ ወትሃደራዊ ስርሒታትን ከምዘገልግላ'የን ዝግለጻ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.