c


ኣህጉራዊ ዜና

ላዕለዋይ ልኡኽ ሩስያ ናብ ሱዳን ምብጻሕ ኣካይዱ

Radio Erena: 14 November 2018

Bogadnov in Russia

ብምክትል ሚኒስተር ጉዳያት ወጻኢ ሩስያ ሚኻይል ቦጋድኖቭ ዝተመርሐ ላዕለዋይ ልኡኽ መንግስቲ ሩስያ፣ ከም መቀጸልታ ናይ ሃገራት ቀርኒ ኣፍሪቃ ርክባቱ፣ ኣብ ሱዳን ምብጻሕ ኣካይዱ።

ምክትል ሚኒስተር ቦጋድኖቭ ብ10 ሕዳር ናብ ካርቱም ድሕሪ ምእታው፣ ምስ ፕረዚደንት ሱዳን ዑመር ሓሰን ኣልበሽር ብምርካብ፣ ኣብ መንጎ ክልቲኤን ሃገራት ተጀሚሩ ዘሎ ኣብ ጸዓት፣ ንግዲንን ወትሃደራዊ ምትሕግጋዝን ዘተኮረ ርክባት ተዘራሪቦም።

ንሱ ብተወሳኺ፣ ኣብቲ ናይ ካርቱም ዑደቱ፣ ምስ ፕረዚደንት ደቡብ ሱዳን ሳልቫኪር ሚያርዲትን ጁባ ኣትዩ ዘሎ ተቓዋሚ ሬክ ማቻርን ብምርኻብ፣ ብዛዕባ'ቲ ብመንጎኝኘት ፕረዚደንት ኣልበሽር ዝካየድ ዘሎ መስርሕ ሰላምን፣ ሩስያ ክትገብሮ እትኽእል ምድግጋፍን፣ ሓሳብ ንሓሳብ ከምዝተለዋወጡ መግለጺ ሚኒስትሪ ጉዳያት ወጻኢ ሩስያ ኣፍሊጡ።

Read more...

ሶማል፣ መጥቃዕቲ ቦምብ ልዕሊ 50 ሰባት ተቐቲሎም

Radio Erena: 14 November 2018

somalia boኣብ ሶማል፣ ከተማ ሞቛድሾ ብዝተኻየደ መጥቃዕቲ ልዕሊ 50 ሰባት ተቐቲሎም።

በቲ ብ9 ሕዳር ዝተኻየደ መጥቃዕቲ ብውሕዱ ሓደ ሚእቲ ሰባት'ውን ብከቢድን ፎኵሲን ቆሲሎም ከምዘለዉ ወኪል ኣገልግሎት ዜና ፈረንሳ ካብታ ከተማ ኣረጋጊጹ።

ሆስፒታል ከተማ ሞቛድሾ ብግዳያት ናይቲ መጥቃዕቲ ኣዕለቕሊቑ ከምዘሎ ዝሓበሩ ሓካይም ከኣ፣ ቁጽሪ ምውታት ካብዚ ዘለዎ ክውስኽ ከምዝኽእል ገሊጾም።

ኣልሸባብ፣ ናይቲ ኣብ ሰለስተ መካይን ቦምብ ብምጽዋድ ኣብ ኣፍደገ ሓደ ሆቴል ዝተኻየደ መጥቃዕቲ፣ ሓላፍነት ወሲዱሉ ኣሎ።

Read more...

የመን፣ ኲናት ሖደይዳ ይቕጽል

Radio Erena: 11 November 2018

hodeidahንወደባዊት ከተማ ሖደይዳ ንምቁጽጻር ዝካየድ ዘሎ ኲናት ገና ይቕጽል ከምዘሎ ምንጭታት ዜና ካብ የመን ሓቢሮም።

ኣብቲ ብቀዳም 10 ሕዳር ዝቐጸለ ውግእ፣ ዝዓበየ ሆስፒታል’ታ ከተማ ኣብ ትሕቲ ቁጽጽር’ቲ ብልፍንቲ ሃገራት ዓረብ ዝድገፍ ሰራዊት የመን ኣትዩ ከምዘሎ ይግለጽ።

ስዑዲ ዓረብ ካብ ሕቡራት መንግስታት ኣመሪካ ብዝረኸበቶ ደገፍ ተሓጊዛ ኣብ እተካዪዶ ዘላ መጥቃዕቲ ነፈርቲ፣ ንከተማ ሖደይዳን 600 ሽሕ ዝኣኽሉ ነበርታን ኣናዊጹዎም ከምዝቐነየ ናይ ዓይኒ መሰኻኽር ሓቢሮም።

ሚኒስትሪ ምክልኻል ኣመሪካ ነዚ ብዝምልከት ኣብ ዝሃቦ መግለጺ፣ ኣመሪካ ሰላማዊ ህዝቢ ከይጉዳእ ኣብ ምክልኻልን፣ ሰብኣዊ ረዲኤት ኣብ ምሃብን ጥራይ ተሓጺራ ከምዘላ የመልክት።

ዕጡቓት ሓይልታት ሑቲ፣ ነቲ ሆስፒታል ከም መዋግኢ ድፋዕ ክጥቀሙሉ ምፍታኖም፣ ኣብ ልዕሊ’ቲ ሆስፒታል ዕንወት ከምዝወርድ ገይሮም ክትብል ስዑድያን መሻርኽታን ይኸሳ።

Read more...

ካብ ኣቡኡ ስልጣን ዝተረከበ ፕረዚደንት ጋቦን ብጽኑዕ ሓሚሙ

Radio Erena: 14 November 2018

ali bongoድሕሪ ሞት ኣቡኡ ኣብ 2009 ስልጣን ዝተረከበ ፕረዚደንት ጋቦን ዓሊ ቦንጎ ብጽኑዕ ሓሚሙ ከምዘሎ ቤተ መንግስቲ እታ ሃገር ኣረጋጊጹ።

እቲ ወዲ 59 ዓመት ዓሊ ቦንጎ፣ ኣቡኡ ካብ 1967 ክሳብ 2009 ኣብ ስልጣን ኣብ ዝነበረሉ እዋን ን42 ዓመታት፣ ካብ ንኡስ ዕድሚኡ ኣትሒዙ፣ ከም ሚኒስተር ምክልኻል፣ ሚኒስተር ጉዳያት ወጻኢ ኣብ ዝኣመሰሉ ዝተፈላለየ ጽፍሕታት መንግስቲ ሰሪሑ'ዩ።

ፕረዚደንት ነበር ዑመር ቦንጎ ኣብ 72 ዓመት ዕድሚኡ ኣብ 2009 ድሕሪ ሙማቱ፣ ፕረዚደንት ጋንቦን ኮይኑ ዝተረከባ ወዱ ድማ፣ ኣብዚ እዋን'ዚ ብጽኑዕ ሓሚሙ ስለዝርከብ ስልጣኑ ናብ ወዱ ከሰጋግር ይኽእል ዶ? እናተባህለ ይዝርበሉ ኣሎ።

Read more...

ቱርኪ፣ ኣብ ሱዳን ወትሃደራዊ መዓስክር ንምኽፋት ትዘራረብ

Radio Erena: 08 November 2018

sudan_turkeyቱርክን ሱዳንን፣ ጀሚረንኦ ዘለዋ ወትሃደራዊ ዝምድናን በጺሕዎ ዘሎ ደረጃታትን ብዝምልከት ተዘራሪበን።

ሚኒስተር ምክልኻል ቱርኪ ሕሉሲ ኣካር፣ ብሰሉስ 6 ሕዳር ኣብ ካርቱም ኣብ ዘካየዶ ወግዓዊ ናይ ስራሕ ምብጻሕ ምስ ፕረዚደንት ዑመር ሓሰን ኣልበሽር ኣብ ዝተራኸበሉ’ዩ ነቲ ዘተ ኣካዪዱ።

ብዘይካ'ዚ እቲ ሚኒስተር ምስ ሱዳናዊ መዘንኡ ኣሕመድ ዓዋድ ኢብን ዓውፍን ጠቕላሊ ሓለቓ ስታፍ ሰራዊት ሱዳን ጀነራል ከማል ዓብደል ማዕሩፍ ኣል ማሂን ኣብ ዘካየዶ ሓባራዊ ዘተ፣ ኣብ ሱዋኪን ናይ ምሕዳስን ምስፋሕን መደብ ዝካየደሉ ብዛዕባ ዘሎ ወደብ ስዋኪን ገምጊሞም።

ንሳቶም፣ ኣብ ክልትኤን ሃገራት ዝካየድ ዘሎን ብሕጂ ክካየዱ ዝተመደቡን ወትሃደራዊ ምትሕግጋዛት ብዝምልከት ተመያይጦም።

ምቛም ንወትሃደራዊ ስልጣና ዘገልግል መዓስከር ሓደ ካብ ኣውራ ዝተዘርበሉ ኣጀንዳታት ምንባሩ ኣገልግሎት ዜና ቱርኪ፣ ኣናዶሉ ሓቢሩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.