c


ኣህጉራዊ ዜና

መበል 29 ስሩዕ ዋዕላ ማሕበር ሃገራት ዓረብ ኣብ ስዑዲ ተኻይዱ

Radio Erena: 17 April 2018

Arab league

መበል 29 ስሩዕ ዋዕላ ማሕበር ሃገራት ዓረብ ብ15 ሚያዝያ ኣብ ስዑዲ ዓረብ ከተማ ድሃህራን ተኻይዱ።

እዚ መራሕቲ 16 ሃገራት ዓረብ፣ ወከልቲ ሕብረት ኣፍሪቃ፣ ሕብረት ኤውሮጳን ሕቡራት ሃገራትን ዝተሳተፍዎ ዋዕላ፣ ኣብ ጉዳያት ፍልስጤም፣ ሶርያ፣ ሊብያን ብምትኳር ዘትዩ።

ኣብ ዞባ ወሽመጥ ብዘሎ ምስሕሓብን ካልእ ዝተፈላለየ ጉዳያትን፣ ኣብዚ ዋዕላ መራሕቲ ቀጠር እትርከበን ሽዱሽተ ኣባላት ሃገራት ኣይተሳተፉን።

ኣብቲ ዋዕላ፣ ጉዳይ'ቲ ምስ ቀጠር ተፈጢሩ ዘሎ ምስሕሓብ ከምዘይልዓል'ውን ኣቐዲሙ መግለጺ ተዋሂብሉ እዩ።

ማሕበር ሃገራት ዓረብ ኣኼብኡ ዘካየድ ዘሎ፣ ኣመሪካ ፈረንሳን ብሪጣንያን ኣብ ልዕሊ ሶርያ ዝተወሃሃደ መጥቃዕቲ ድሕሪ ምክያደን'ዩ።

Read more...

ሕ/ኢ/ዓረብ ንሶማል እትገብሮ ወትሃደራዊ ሓገዝ ደው ኣቢላ

Radio Erena: 17 April 2018

somal

ሕቡራት ኢማራት ዓረብ ንሶማል እትገብሮ ዝነበረት ወትሃደራዊ ሓገዝ ደው ከምዘበለት ኣፍሊጣ።

እታ ሃገር ነቲ ካብ 2014 ኣትሒዙ ኣብ ስልጠና ዘተኮረ ወትሃደራዊ ሓገዝ ደው ከምዘበለት ትገልጽ ዘላ፣ ክልትኤን ሃገራት ብጉዳይ እቲ ኣብ ሚያዝያ 8 ኣብ መዓርፎ ነፈርቲ ሞቛድሾ ዝተታሕዘ ኣስታት 10 ሚልዮን ዶላር ኣብ ዝሰሓሓባሉ ዘለዋ እዋን'ዩ።

መንግስቲ ሶማል እቲ ብፍልይቲ ነፋሪት ተላኢኹ ኣብ መዓርፎ ነፈርቲ ዝተታሕዘ ገንዘብ ናብ መንን ንምንታይ ዕላማን ከምዝተመደበ ዘይተፈልጠ ዘይሕጋዊ'ዩ ክብሎ እንከሎ፣ ሕቡራት ኢማራት ዓረብ ከኣ ንስልጠና ሰራዊት መንግስቲ ሶማል ዝተላእከ'ዩ 'ያ ትምጉት ዘላ።

Read more...

ሕብረት ኣፍሪቃ፣ ቁጽሪ ኣብ ሶማልያ ናይ ዘሎ ዓቃብ ሰላም ከጉድል እዩ

Radio Erena: 15 April 2018

amisonሕብረት ኣፍሪቃ፣ ቁጽሪ ናይቲ ኣብ ሶማል ዓስኪሩ ዘሎ ዓቃብ ሰላም ዝጎድለሉ መደብ ከምዝሓንጸጸ ኣፍሊጡ።

እቲ ሕብረት ትማሊ ቀዳም 14 ሚያዝያ ኣብ ዝዘርገሖ ሓበሬታ ከምዘመልክቶ፣ ብመሰረት ባይቶ ጸጥታ ኣብ 2017 ዝኣተዎ መብጽዓ፣ ዓቃብ ሰላም ሕብረት ኣፍሪቃ ቁጽሩ በብቁሩብ እንዳጉደለ ንሓይልታት ጸጥታ መንግስቲ ሶማልያ ከረክብ ንዝብል ስምምዕ ተግባራውነቱ ክጅምር ምዃኑ ኣፍሊጡ።

ኣቐድም ኣቢሉ ተመሳሳሊ ፈተነ ተኻዪዱ’ኳ እንተነበረ፣ ትካላት ጸጥታ መንግስቲ ሶማል ብግቡእ ስለዘይቆማን፣ ካብ ኣልሸባብ ንዝመጽእ መጥቃዕቲ ውሕስነት ሰላም ክህባ ብዘይምኽኣለንን፣ ዓቃብ ሰላም ሕብረት ኣፍሪቃ ኣብታ ሃገር ዘለዎ ህላዌ ክናዋሕ ከምዝተገብረ ይዝከር።

Read more...

ሱዳን፣ ሓድሽ ቅዋም ክትነድፍ’ያ

Radio Erena: 15 April 2018

sudanese consመንግስቲ ሱዳን፣ ኣብ መወዳእታ’ዚ ሒዝናዮ ዘለና ወርሒ፣ ሓድሽ ቅዋም ንምንዳፍ ዝምዘዝ ኮሚቴ ከቕውም ከምዝኾነ ኣፍሊጡ።

ሚኒስተር ዜና ሱዳን ኣሕመድ ቢላል ዑስማን ብዓርቢ 13 ሚያዝያ ኣብ ዝሃቦ መግለጺ፣ እቲ ሓድሽ ቅዋም ንምንዳፍ ዝምዘዝ ኮሚቴ ኣብ ቀዳማይ ኣኼብኡ ምስ ፕረዚደንት ኣልበሽር ክራኸብ ምዃኑ ኣፍሊጡ።

ንሱ ኣብ መግለጺኡ፣ ምፍታሕ ናይ ፖለቲካ እሱራትን፣ ዘተ ሰላም ምስ ተቓወምቲ ዳርፉርን፣ ነቲ ሰላም ንምምጻእን ቅዋማዊ ምምሕዳር ንምስፋንን ዝግበር ጻዕሪ ሓጋዚ ምዃኑ ኣስሚሩሉ።

Read more...

ላዕለዋይ ልኡኽ ሕ/ኢ/ዓረብ ኣብ ሱዳን ምብጻሕ ፈጺሙ

Radio Erena: 13 April 2018

UAE Sudan

ብሚኒስተር ጸዓት ሱሀይል ኣል ማዝሩኢ ዝምራሕ ላዕለዋይ ልኡኽ ሕቡራት ኢማራት ዓረብ ኣብ ሱዳን ምብጻሕ ፈጺሙ።

እቲ ልኡኽ ኣብ ሱዳን ኣብ ዝጸንሓሉ ሰለስተ መዓልታት ምስ ፕረዚደንት ዑመር ሓሰን ኣልበሽርን ካልኦት ሰበ ስልጣንን ብምርኻብ፣ ኣብ መንጎ ክልትኤን ሃገራት ብዛዕባ ዘሎ ምትሕግጋዝ ተዘራሪቡ።

ፕረዚደንት ዑመር ሓሰን ኣል በሽር፣ ምስቲ ልኡኽ ኣብ ዝተራኸበሉ፣ ዝምድና ሃገሩን ሕቡራት ኢማራት ዓረብን ኣብ ዝልዓለ ደረጅኡ ከምዝርከብ ሓቢሩ።

ሕቡራት ኢማራት ዓረብ ኣቐዲማ፣ ንቁጠባ ሱዳን ንምብርባር 1.4 ቢልዮን ዶላር ናብ ሃገራዊ ባንክ ሱዳን ከምዘሰጋገረት ይዝከር።

Read more...




Powered by Joomla!®. Designed by: free hosting no ads resell dot me domains Valid XHTML and CSS.