c


ኣህጉራዊ ዜና

ስዑዲ ዓረብ፣ ደቂንስትዮ ግጥማት ስፖርት ንምዕዛብ ስታድዮም ክኣትዋ ክፍቀደለን'ዩ

Radio Erena: 31 October 2017

saudi women

ስዑዲ ዓረብ፣ ደቂንስትዮ እታ ሃገር ኣብ ስታድዮም ብምእታው ስፖርታዊ ንጥፈታት ንኽዕዘባ ዝፈቅድ ሓድሽ ሕጊ ከምዘውጽአት ሮይተርስ ሓቢሩ።

እቲ ማዕከን ዜና ንሰበ ስልጣን እታ ሃገር ብምጥቃስ ኣብ ዘቕረቦ ሓበሬታ፣ ካብ ዝመጽእ ዘሎ ዓመት 2018 ደቂንስትዮ ማዕረ ደቂ ተባዕትዮ ኣብ ስታድዮም ኣትየን ስፖርታዊ ግጥማት ክዕዘባ'የን።

ንግስነት ስዑዲ ዓረብ፣ ስድራቤታት ኣብ ስታድዮም እናኣተዉ ስፖርታዊ ንጥፈታት ንኽዕዘቡ ዘኽእሎም ምድላዋት ይገብር ከምዘሎ ኣገልግሎት ዜና እታ ሃገር ብሰንበት 29 ጥቅምቲ ኣረጋጊጹ።

Read more...

ኣብ ከተማ ናይሮቢ ብዝተላዕለት ናዕቢ ሓያሎ ሰባት ቆሲሎም

Radio Erena: 29 October 2017

adma nayrobiፕረዚደንታዊ ምርጫ ኬንያ ስዒቡ ዝተላዕለ ናዕቢ፣ ኣብ ሓያሎ ከባቢታት’ታ ሃገር ገና ይቕጽል ከምዘሎ ካብታ ሃገር ዝተፈነወ ዜና ኣረዲኡ።

ኣብ ናይ ምርጫ ዕለት ሓሙስ 26 ጥቅምቲ ኣብ ከተማ ናይሮቢ ብዝተላዕለ ናዕቢ፣ ቁጽሮም ገና ብወግዒ ዘይተነግረ ሓያሎ ሰባት ቆሲሎም ከምዘለዉ ይግለጽ።

ንመራሒ ተቓዋሚ ሰልፊ ራይላ ኦዲንጋ ዝድግፉ ናዕበኛታት ምስ ፖሊስ ኣብ ግጭት ድሕሪ ምእታዎም ፖሊስን ሓይልታት ጸጥታን ነቶም ናዕበኛታት ንምብታን ዘንብዕ ጋዝ ከምዝተጠቕሙ ተሓቢሩ።

ኮሚሽን ምርጫ ኬንያ፣ ብሰንኪ’ቲ ዝተላዕለ ናዕቢ፣ ኣብ ገለ ከባቢታት ናይሮቢ ናይ መድመጺ ንቑጣታት ከምዝዕጸዋ ስለዝገበረ፣ ንከድምጽ ዝተመዝገበ ህዝቢ ገና ኩሉ ድምጹ ከምዘይሃበ’ዩ ዝግለጽ።

Read more...

ሕብረት ኤውሮጳ፣ ንሱዳን ልዕሊ 100 ሚልዮን ኤውሮ ለጊሱ

Radio Erena: 27 October 2017

EU official

ሕብረት ኤውሮጳ፣ ንመንግስቲ ሱዳን 106 ሚልዮን ኤውሮ ክልግሰሉ ከምዝወሰነ ካብ ብራስለስ ዝወጸ መግለጺ ኣፍሊጡ።

እቲ ሕብረት ነቲ ገንዘብ ዝልግሶ ዘሎ፣ 60ሚልዮን ኣብ ናይ ልምዓት መደባት እቲ 46 ሚልዮን ከኣ ካብ መነባብርኦም ንምዝተመዛበሉ ንምሕጋዝ ክውዕል'ዩ ብዝብል እምነት'ዩ።

መንግስቲ ሱዳን፣ ድሕሪ'ቲ ካብ ምብራቕ ኣፍሪቃ ዝብገሱ ስደተኛታት ንምግታእ ካብ 2011 ኣትሒዙ ምስ ሃገራት ኤውሮጳ ብዝኣተዎ ውዕላት፣ ዛጊት ናይ ኣስታት ፍርቂ ቢልዮን ዝግመት ሓገዝ ረኺቡ ኣሎ።

እቲ ብ"ካርቱም ፕሮሰስ" ዝፍለጥ ስደተኛታት ናይ ምግታእ መስርሕ፣ መንግስቲ ሱዳን ንኤርትራውያን ስደተኛታት ኩነታቶም ከየጻረየ ንምስጓግ ዘተባብዐ ደኣ'ምበር ዝኾነ ካልእ እወታዊ ውጽኢት ክርከቦ ከምዘይኮነ ሓያሎ ተጣበቕቲ ሰብኣዊ መሰላት ይወቕሱ።

Read more...

ኣብ ኢትዮጵያ ዳግማይ ብዝተወለዐ ናዕቢ ብውሑዱ ሸሞንተ ሰባት ተቐቲሎም

Radio Erena: 29 October 2017

 ambo protestኣብ ኢትዮጵያ ዳግማይ ብዝተወለዐ ናዕቢ ብውሑዱ ሸሞንተ ሰባት ከምዝተቐትሉ ሺን ሁዋ ካብታ ሃገር ኣብ ዘመሓላለፎ ዜና ኣመልኪቱ።

ኣብቲ ብሓሙስ 26 ጥቅምቲ ኣብ ከተማ ኣምቦ ዝተኻየደ ናዕቢ፣ ህዝቢ መንገድታት ብምዕጻው ተቓውሞኡ ከምዘርኣየ ይግለጽ።

መንቀሊ ናይዚ ብሓሙስ ዝተኻየደ ናዕቢ፣ መንግስቲ ኢትዮጵያ ኣብ ዞባ ኦሮምያ ዝፈረየ ሽኮር ናብ ካልኦት ዞባታት ይወስድ ኣሎ ተባሂሉ ከምዝተላዕለ በዓል መዚ መራኸቢታት’ቲ ዞባ ኣቶ ኣዲሱ ኣረጋይ ንጋዜጠኛታት ኣብ ዝሃቦ ቃል ሓቢሩ።

ሓይልታት ፖሊስን ሰራዊትን፣ ነቲ ናዕቢ ንምህዳእ ኣብ ዝተዋፈሩሉ፣ ናይ ሓቂ ጠያይት ናብ ህዝቢ ክትኩሱ ብምጅማሮም ዝተቖጡዑ ናዕበኛታት ሰለስተ ናይ ጽዕነት መካይን ብምቅጻል ነቲ ምህርቲ ሽኮር ዘጎዓዕዝ ዝነበረ ቃፍላይ ደው ከምዘበልዎ ተገሊጹ።

Read more...

ብላዕለዋይ ቤት ፍርዲ ዳግማይ ክትግበር ዝተወሰነ ምርጫ ኬንያ ተኻይዱ

Radio Erena: 27 October 2017

uhuru kenyata

ላዕለዋይ ቤት ፍርዲ ኬንያ ዳግማይ ክትግበር ዝወሰነሉ ምርጫ ኬንያ፣ ትማሊ 26 ጥቅምቲ ክካየድ ውዒሉ።

ኣብዚ ኣስታት 19 ሚልዮን ኣድመጽቲ ዘሳተፈ ምርጫ ኬንያ፣ ውጽኢቱ ብወግዒ እኳ እንተዘይተነግረ፣ ፕረዚደንት እታ ሃገር ኡሁሩ ኬንያታ ደጊሙ ከምዝተዓወተ ይዝረብ ኣሎ።

ኣብዚ ዳግማይ ክካየድ ዝተወሰነ ምርጫ ኬንያ፣ ቀንዲ መወዳድርቲ ፕረዚደንት ኬንያ ዝነበረ ራይላ ኦዲንጋ፣ ቅድሚ ክልተ ሰሙን ኣቢሉ ከምዘይሳተፍ ኣፍሊጡ'ዩ።

ራይላ ኦዲንጋ ካብቲ ምርጫ ዝሰሓበሉ ምኽንያት፣ ኣባላት ቦርድ ምርጫ ስለዘይተቐየሩ፣ ኣብ መስርሕ ምርጫ ካብቲ ኣቐዲሙ ዝተኻየደ ዝፍለ ነገረ ኣይክልህልዎን'ዩ ብምባል'ዩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.