c


ኣህጉራዊ ዜና

ኣብ የመን ኣብ ልዕሊ ናይ ህዝቢ ኣውቶቡስ ዝተኻየደ መጥቃዕቲ ናይ ዝሞቱ ሰባት መርመራ ክግበር ጻውዒት ቀሪቡ

Radio Erena: 12 August 2018

yemen victብስዑዲ ዓረብ ዝምራሕ ልፍንቲ፣ ኣብ ልዕሊ ናይ ህዝቢ ኣውቶቡስ ብዘካየዶ መጥቃዕቲ ናይ ዝሞቱ ተመሃሮን ህጻናትን፣ መርመራ ክግበር ውድብ ሕቡራት ሃገራት ጸዊዑ።

ኣብቲ ብሓሙስ 9 ነሓሰ ኣብ ዳህያን ዝተባህለ ከባቢ ዕሙር ዕዳጋ፣ ዝተኻየደ መጥቃዕቲ ነፈርቲ፣ 43 ዝበዝሑ ትሕቲ 10 ዓመት ዝዕድሚኦም ተመሃሮ ክሞቱ እንከለዉ፣ 64 ከኣ ከምዝቖሰሉ ሺን ሁዋ ኣብ ዝዘርገሖ ሓበሬታ ይገልጽ።

እቲ ፍጻሜ ኣቓልቦ ኣህጉራዊ ማሕበረሰብ ዓለም ስሒቡሉ ኣብ ዘሎ እዋን፣ ልፍንቲ ሃገራት ዓረብ፣ ‘ግቡእ ወተሃደራዊ ስጉምቲ’ ክብል ገሊጹዎ እኳ እንተነበረ፣ ትማሊ ኣብ ዘውጽኦ መግለጺ ግና፣ ነቲ ፍጻሜ መርመራ ክግበረሉ ብሕቡራት ሃገራት ንዝወጸ መጸዋዕታ ምቕባሉ ገሊጹ።

Read more...

ጅቡትን ሕቡራት ኢማራት ዓረብን ብጉዳይ ስምምዕ ወደብ ይሰሓሓባ

Radio Erena: 09 August 2018

port djiboutiጅቡቲ፣ ብጉዳይ እቲ ምስ ሕቡራት ኢማራት ዓረብ ዝተፈጥረ ምስሕሓብ ስምምዕ ወደብ ኣመልኪቱ ኣብ ብሪጣንያ ዝመደበሩ ቤት ፍርዲ ዝሃቦ ብይን ነጺጋቶ።

ሚኒስስትሪ ጉዳያት ወጽኢ ጅቡቲ ኣብ ዘውጽኦ መግለጺ፣ ናይ ዱባይ DP world ምስ መንግስቲ ጅቡቲ ኣብ ዝኣተዎ ውዕል ኣርባሒ ከምዘይኮነ ድሕሪ ምውሳኑ ኣህጉራዊ ሕግታት ተኸቲሉ ከቛርጾ ከምዝወሰነ ብምጥቃስ፣ ኣብዚ ቅነ'ዚ ኣብ ለንደን ዝርከብ ቤት ፍርዲ ዝሃቦ ብይን ኣፍልጦ ከምዘይህቦ ኣረጋጊጹ።

ኣብ ኣገልግሎታት ወደብ ዝነጥፍ DP World ናይ ዱባይ፣ ምስ መንግስቲ ጅቡቲ ዝተፈተነ ናይ ዕርቅን ሽምግልናን መስርሓት ክዕወት ብዘይምኽኣሉ፣ ነቲ ጉዳይ ኣብ ለንደን ናብ ዝርከብ ቤት ፍርዲ ኣምሪሕዎ።

Read more...

ኢትዮጵያ፣ ኣብ ክልል ሶማል ኣገልግሎት ኢንተርነት ተቛሪጹ

Radio Erena: 09 August 2018

gijigaመንግስቲ ኢትዮጵያ፣ ኣብ ክልል ሶማል ተፈጢሩ ምስ ዘሎ ጸጥታዊ ኩነታት ብምትእስሳር፣ ኣብቲ ዞባ ኣገልግሎት ኢንተርነት ኣቋሪጽዎ ከምዘሎ ኣብ ፓሪስ ዝመደበሩ ኣህጉራዊ ትካል፣ ጋዜጠኛታት ብዘይ ዶብ ገሊጹ።

እቲ ብቀዳማይ ሚኒስተር ኣብይ ኣሕመድ ዝምራሕ መንግስቲ፣ ኣብ ኢትዮጵያ ዝኾነ ይኹን መርበብ ሓበሬታ ከይዕፈንን ኣብ ወጻኢ ሃገር ዝርከባ ማዕከናት ዜና ኢትዮጵያ ከኣ ናብ ሃገርን ኣትየን ክሰርሓ ክፈቅድን እንከሎ፣ ድሕሪ'ቲ ካብ ዝሓለፈ ዓርቢ ኣብ ክልል ሶማል ዝተኸስተ ናዕቢ ግና ኣገልግሎት ኢንተርነት ከምዝቋረጽ ጌርዎ ኣሎ።

ቅድሚኡ ንዝነበሩ መራሕቲ፣ ንህዝቢ ካብ ሓበሬታ ምግላሎም ክወቅስ ዝጸንሐ ሓድሽ መንግስቲ ኢትዮጵያ፣ ጸጥታዊ ስግኣት ብምምኽናይ፣ ኣገልግሎት ኢንተርነት ብምዕጻው ብትካላት ተጣበቕቲ ሰብኣዊ መሰላት ይንቀፍ ኣሎ።

Read more...

ሱዳንን ግብጽን ሓባራዊ ወትሃደራዊ ዘተ የካይዳ

Radio Erena: 09 August 2018

egypt and sudan chiefsሱዳንን ግብጽን፣ ኣብ ካርቱም፣ ሓባራዊ ወትሃደራዊ ዘተ የካይዳ ከምዘለዋ ሚኒስትሪ ምክልኻል ሱዳን ኣፍሊጡ።

ኣብቲ ካብ ሰሉስ 7 ነሓሰ ዝጀመረ ወትሃደራዊ ዘተ፣ ብወገን ግብጺ፣ ጠቕላሊ ሓለቃ ስታፍ ሰራዊት፣ ለተናንት ጀነራል መሓመድ ፋሪድን ሜጀር ጀነራል ኻሊድ ላቢብን ዝመርሕዎ ወትሃደራዊ ልኡኽ ክሳተፍ እንከሎ፣ ለተናንት ጀነራል ሒሻም ዓብደልሙጣላብ ኣሕመድ ከኣ ንሱዳን ዝወከለ ሰራዊት ይመርሕ ከምዘሎ ተሓቢሩ።

ዕላማ'ቲ ዘተ፣ ንክልቲኤን ሃገራት ጸጥታ ዶባተንን ዘዋስነን ክሊ ማያት ቀይሕ ባሕርን ብሓባር ናይ ምውሓሱ ተኽእሎታት ንምንዳይ'ዩ።

ፕረዚደንት ግብጺ ዓብደልፈታሕ ኣል ሲሲ ዝሓለፈ ወርሒ ናብ ካርቱም ኣብ ዘካየዶ ምብጻሕ፣ ኣብ ወተሃደራውን ጸጥታን መዳይ ብሓባር ክሰርሑ ዘኽእሎም ስምምዕ ምስ ፕረዚደንት ኣልበሽር ከምዝኸተመ ኣይርሳዕን።

Read more...

ኢትዮጵያ፣ ኣብ ክልል ሶማል ብዝተጎሃሃረ ግጭት ብውሕዱ 30 ሰባት ተቐቲሎም

Radio Erena: 07 August 2018

diredawa demoኣብ ኢትዮጵያ፣ ክልል ሶማል ብዝተጎሃሃረ ግጭት ብውሕዱ 30 ሰባት ከምዝተቐትሉን ሓያሎ ከምዝቖሰሉን ምንጭታት ዜና እታ ሃገር ሓቢረን።

እቲ ካብ ዓርቢ 3 ነሓሰ ኣትሒዙ ዝተጎሃሃረ ግጭት፣ ኣብ መንጎ ሰራዊት ኢትዮጵያ ሓይልታት ጸጥታን ፖሊስን ናይ ክልል ሶማልን'ዩ ተኻይዱ።

ብሰንኪ እቲ ግጭት ኣብ ከተማ ጅጅጋ ሸውዓተ ኣብያተ ክርስትያን ክቓጸላ እነከለዋ ብኣሽሓት ዝቑጸር ህዝቢ ካብ መነባብርኡ ተመዛቢሉ ኣሎ።

ነቲ ዕግርግር ተጠቒሞም ሓያሎ ሰባት ኣብያተ ሸቐጥን ዱኳናትን ክዘምቱ ከምዝወዓሉ ናይ ዓይኒ መሰኻኽር ንማዕከናት ዜና ሓቢሮም።

Read more...




Powered by Joomla!®. Designed by: free hosting no ads resell dot me domains Valid XHTML and CSS.