c


ኣህጉራዊ ዜና

ኢትዮጵያን ኩባን ዝምድንአን ንምሕያል ይሰማምዓ

Radio Erena: 11 Januray 2018

cuba and ethiopiaኢትዮጵያን ኩባን ዝጸንሐ ዝምድንአን ንምሕያሉ ስምምዕ ከቲመን።

እዘን ሃገራት ነዚ ስምምዕ ዝኸተማ ናብ ኩባ ወግዓዊ ናይ ስራሕ ምብጻሕ ዝፍጽም ዘሎ ፕረዚደንት ኢትዮጵያ ዶክተር ተሾመ ሙላቱ
ምስ ፕረዚደንት እታ ሃገር ራውል ካስትሮ ድሕሪ ምርኻቡ'ዩ።

ፕረዚደንታት ኩባን ኢትዮጵያን ኣብ ከተማ ሃቫና ድሕሪ ዘካየድዎ ርክብ ኣብ ዝሃብዎ ወግዓዊ መግለጺ፣ ዝምድና ክልቲኤን ሃገራት ሕውነታዊ'ዩ ድሕሪ ምባል፣ ኣብ ክልትኣዊ ፖለቲካዊን ኣብ ምትሕግጋዝን ዘድሃበ ዝምድና ንምዕቛማቑ ክሰርሑ ከምዝተሰማምዑ ኣፍሊጦም።

Read more...

ካብ ሱዳን ናብ ሕቡራት ኢማራት ዓረብ ዝተበገሰት ነፋሪት፣ ኣብ ውሽጣ ባርዕ ኣጋጢሙ

Radio Erena: 11 Januray 2018

arabia airlineካብ ሱዳን ናብ ሕቡራት ኢማራት ዓረብ ዝተበገሰት ናይ መጓዓዝያ ነፋሪት መንገዲ ኣየር ዓረብያ፣ ኣብ ውሽጣ ብዘጋጠመ ባርዕ ብሃንደበት ክትዓልብ ተገዲዳ።

እታ ነፋሪት፣ 103 ገያሾ ጽዒና ብ9 ጥሪ፣ ኣብ ሰዓታት ናይ ንግሆ ካብ ካርቱም ድሕሪ ምብጋሳ ድሕሪ ሒደት ደቓይቕ'ዩ፣ ኣብ ውሽጣ ባርዕ ኣጋጢሙ።

ኣብራሪ እታ ነፋሪት ብዘመሓላለፍዎ ሓበሬታ፣ ብኣቭየሽን መዓርፎ ነፈርቲ ካርቱም ተሓጊዞም ሃንደበታዊ ምዕላብ ከምዝገበሩ ዘረጋገጹ ኣካየድቲ ስራሕ እቲ መንገዲ ኣየር ኣብ ገያሾ ዝበጽሐ ጉድኣት ከምዘየለ ኣፍሊጦም።

Read more...

ወተሃደራዊ ኣዛዚ ሑቲ፣ ናብ ሰራዊት መንግስቲ የመን ኢዱ ሂቡ

Radio Erena: 07 January 2018

alHutiሓደ ወተሃደራዊ ኣዛዚ ዕጡቕ ሓይሊ ሑቲ ምስ ሓምሳ ኣባላቱ፣ ናብ ሰራዊት መንግስቲ የመን ኢዱ ከምዝሃበ፣ ማዕከን ሓበሬታ ኣል ዓረቢያ ኣፍሊጡ።

እቲ ብቀዳም 6 ጥሪ ኣብ ወደባዊት ከተማ ሖደይዳ ኢዱ ዝሃበ ወተሃደራዊ ኣዛዚ፣ በቲ ብስዑዲ ዓረብ ተደጊፉ ዝዋጋእ ዘሎ ሰራዊት መንግስቲ የመን ኣብ ፍጹም ከበባ ኣትዩ ከምዝነበረ እቲ ሓበሬታ ብተወሳኺ የመልክት።

ኣል ሑቲ ካብ ኢራን ንዝረኽቦ ወተሃደራዊ ደገፍ መስመሩ ንምቑራጽ፣ ሰራዊት መንግስቲ ኣብ ሖዴይዳ ተኸታታሊ መጥቃዕታት የካይድ ኣሎ ክብሉ’ዮም ሰበስልጣን’ቲ መንግስቲ ዝገልጹ።

Read more...

መንግስቲ ኢትዮጵያ ናይ ፖለቲካ እሱራት ናብ ፍርዲ ከቕርብ ጻውዒት ቀሪቡ

Radio Erena: 07 January 2018

PM haylemariaመንግስቲ ኢትዮጵያ ናይ ፖለቲካ እሱራት ከምዘለዉዎ ካብ ተኣመነ፣ ናብ ቅድሚ ሕጊ ከቕርቦም ይግባእ ክብሉ ኣህጉራውያን ተጣበቕቲ መሰላት ጸዊዖም።

ቀዳማይ ሚኒስተር ኢትዮጵያ፣ ብረቡዕ 3 ጥሪ፣ ኩሎም ናይ ፖለቲካ እሱራት ክፍትሑ’ዮም ዝብል መግለጺ ሂቡ፣ ተባሂሉ ዝወጸ ሓበሬታ፣ ናይ ትርጉም ጌጋ እዩ፣ እቲ ቀዳማይ ሚኒስተር ‘ንገለ ናይ ፖለቲካ እሱራት ምሕረት ክግበረሎም’ዩ’ እዩ ኢሉ ዝብል ዜና ካብታ ሃገር ኣብ ዝፍነወሉ ዘሎ እዋን’ዩ እዚ ጻውዒት’ዚ ዝቐርብ ዘሎ።

ኢትዮጵያ፣ ነቲ ግኑን ስም ዘለዎ ኣብ ኣዲስ ኣበባ ዝርከብ ቤት ማእሰርቲ ማእከላዊ ክዓጽዎ ምዃኑ ድሕሪ ምግላጹ፣ መተካእታኡ ካልእ ኣህጉራዊ መዐቀኒታት ዘማለአ ቤት ማእሰርቲ ክሰርሕ ምዃኑ’ዩ ሓቢሩ።

Read more...

ኣብ ዩጋንዳ ዝርከቡ ኤርትራውያን፣ኣስታት 20 ሚልዮን ዶላር ወፍሪ ከምዘለዎም ተሓቢሩ

Radio Erena: 04 January 2018

kamኣብ ኡጋንዳ ዝነብሩ ኤርትራውያን ነጋዶን ኣውፈርትን ክሳብ መወዳእታ 2016 ኣብ ዝነበረ ግዜ ኣስታት 20 ሚልዮን ዶላር ወፍሪ ከምዘለዎም በዓል መዚ ወፍሪ ኡጋንዳ ኣፍሊጡ።

እቲ መንግስታዊ ትካል ኣብ ዘቕረቦ ጸብጻብ፣ ወፍሪ ኤርትራውያን ኣብ ኡጋንዳ ኣብ 2013 ዓመት ምሕረት 1.7 ሚልዮን ዶላር ጥራይ ከምዝነበረ ብምዝኽካር፣ ኣብ ዝቐጸለ ሓደ ዓመት እቲ ወፍሪ ብዕጽፊ ብምዝያድ 4.2 ሚልዮን ዶላር ከምዝበጽሐ ኣረዲኡ።

ኣብ 2014፣ ኣስታት 10 ሚልዮን ዶላር ዝተገመተ ን17 ኤርትራውያን ኣውፈርቲ ናይ ንግዲ ፍቓድ ከምዝሃበ ዝሓበረ በዓል መዚ ወፍሪ ኡጋንዳ፣ እዚ ድማ ኣብዘን ዝሓለፋ ሓሙሽተ ዓመታት እቲ ዝበዝሐ ምንባሩ ኣገንዚቡ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.