c


ኣህጉራዊ ዜና

ህንዲን ፓኪስታንን፣ ኣብ ጉዳይ 'ቲ ን70 ዓመታት ዘይተፈትሐ ዋንነት ዞባ ካሽሚር ንምዝርራብ ይሰማምዓ

Radio Erena: 21 August 2018

 india pakistanፕረዚደንት ህንዲ ናሪንድራ ሞዲ፣ ብሓድሽ ቀዳማይ ሚኒስተር ፓኪስታን ኢምራን ካሃን ንዝቐረበሉ ናይ ዘተ ሰላም እማመ ከምዝተቐበለ ኣፍሊጡ።

ሚኒስትሪ ጉዳያት ወጻኢ ፓኪስታን ኣብ ዝዘርግሖ መግለጺ፣ እቲ ፕረዚደንት ናብቲ ቀዳማይ ሚኒስተር ኣብ ዝልኣኾ ደብዳቤ፣ ዘተ ሰላም እንኮ መፍትሒ ምዃኑ ከምዝኣምን ብምጥቃስ፣ ንኽዘራረብ ቅሩብ ከምዘሎ ኣፍሊጡ።

ሓድሽ ቀዳማይ ሚኒስተር ፓኪስታን ኣብ ስልጣን ኣብ ዝመጻሉ ኣብ ዝሃቦ መግለጺ፣ "ምስ ህንዲ ዘሎና ምስሕሓብ ኣወጊድና፣ ሰናይ ጉርብትና ክንምስርት ኢና" ክብል ኣስሚርሉ።

Read more...

ሱዳንን ኢትዮጵያን፣ ኣብ ዶባተን ዝጸንሐ ሰራዊት ክስሕባ ኣብ ስምምዕ በጺሐን

Radio Erena: 19 August 2018

ethio_sudan borderሱዳንን ኢትዮጵያን፣ ኣብ ዶባተን ዝጸንሐ ሰራዊት ክስሕባ ኣብ ስምምዕ ከምዝበጽሓ ካብ ካርቱም ዝተመሓላለፈ ዜና ኣመልኪቱ።

ኣዘዝቲ ሰራዊት ክልቲኤን ሃገራት ኣብ ዝተረኽቡሉ ኣብቲ ብሓሙስ 16 ነሓሰ ዝተኻየደ ናይ ምፍርራም ስነስርዓት፣ ካብ ክልቴን ሃገራት ብዝዋጻእ ናይ ሓባር ሰራዊት ንዶባተን ክሕሉ ምዃኑ ተሰማሚዐን።

ብናይ መጋሃጫ መሬት ኣል ፋሽጋ፣ ከምኡ’ውን ተቓወምቲ ሓይልታት ኢትዮጵያ ካብ ኤርትራ ብሱዳን ኣቢሎም ይሶልኩ ኣለዉ ተባሂሉ ኣብ ወጥሪ ዝጸንሐ ዶባት’ዘን ክልተ ሃገራት ንምህድኡ፣ ወተሃደራውያን ክኢልታተን ኣብ ተኸታታሊ ኣኼባታት ከምዝጸንሑ ይግለጽ።

Read more...

ሕቡራት ኢማራት ዓረብ፣ ኣብ ሱዳን ኣብ ዕደና ንምውፋር ትውጥን

Radio Erena: 14 August 2018

sudan gold mineሕቡራት ኢማራት ዓረብ፣ ኣብ ሱዳን፣ ኣብ ናይ ዕደና ወፍሪ ንምክያድ ብዛዕባ ዘሎ ተኽእሎታት ዘትያ።

ሚኒስተር ማዕድን ሱዳን መሓመድ ኣሕመድ ዓሊ ኢብራሂምን ኣምባሳደር ሕቡራት ኢማራት ዓረብ ኣብ ሱዳን ሓማድ መሓመድ ሑመድ ኣል ጁናይቢን ኣብ ካርቱም ኣብ ዝገበርዎ ርክብ'ዮም ፣ ብዛዕባ ተኽእሎታት ወፍሪ ዕደና ዝተመያየጡ።

ሕቡራት ኢማራት ዓረብ ኣብ ምብራቕ ኣፍሪቃ፣ ኣብ ወፍሪ ወደባትን ዕደናን ብዝልዓለ ንምውሳእ ትሰርሕ ከምዘላ ዝፍለጥ'ዩ።

እታ ሃገር ኣብ ወደባት ሶማል፣ ጅቡቲ፣ ኤርትራን ሱዳንን ወፍሪ ንምክያድ ዝተፈላለየ ተበግሶታት ክትወስድ እንከላ፣ ጎኒ ጎኑ'ውን ኣብ ዕደና'ን ካልእ ጽላታትን ተተኩር ከምዘላ ይግለጽ።

Read more...

ኢትዮጵያ፣ ኣብ ዝተፈላለየ ከባቢታት ግጭታት ይብእስ

Radio Erena: 16 August 2018

diredኣብ ኢትዮጵያ፣ ክልል ኦሮሞ፣ ኣብ ዝተፈላለየ ዞባታት ዝተጎሃሃረ ግጭታት እናበኣሰ ይመጽእ ከምዘሎ ተገሊጹ።

ቴሌቪዥን ኢትዮጵያ ብዘቕረበቶ ዜና መሰረት፣ ብ12 ነሓሰ፣ ኣብ ምብራቕ ሃረርጌ፣ ኣብ ዝተወልዐ ግጭት 41 ሰባት ክቕተሉ እንከለዉ 26 ከኣ ቆሲሎም።

በቲ ካብ ክልል ሶማል ብዝተበገሱ ሓይልታት ፖሊስን ዕጡቓትን ከምዝተጎሃሃረ ዝተገልጸ ግጭት፣ ኣብ ንብረት'ውን ዕንወትን ዘረፋን ኣጋጢሙ ኣሎ።

ጠንቂ እቲ ግጭት ዛጊት ንጹር ምኽንያት ኣይተዋህቦን።

ይኹን'ምበር መቐጸልታ ናይቲ ኣብ መንጎ ክልላት ኦሮሞን ሶማልን ክርአ ዝጸንሐት ምስህሓባትን ግርጭታትን ምዃኑ’ዩ ዝግለጽ ዘሎ።

Read more...

ኣብ ኢትዮጵያ ዝጸንሑ ጂቡታውያን ናብ ሃገሮም ይምለሱ

Radio Erena: 12 August 2018

djibouti evacቁጽሪ ናይቶም ንከተማ ድሬዳዋን ከባቢኣን ገዲፎም ናብ ሃገሮም ዝምለሱ ዘለዉ ጂቡታውያን በብዕለቱ ይውስኽ ከምዘሎ፣ ዘ ሪፖርተር ካብ ኣዲስ ኣበባ ሓቢሩ።

ምንጭታት ዜና ካብ ቆንስል ጂቡቲ ኣብ ድሬዳዋ ከምዝሓበርዎ፣ ዛጊት 2 ሽሕ ጂቡታውያን ናብ ሃገሮም ክምለሱ እንከለዉ፣ ገና ብቑጽሪ ሓያሎ ሰባት ከኣ ብቕጽበት ንክምለሱ ሓቲቶም ከምዘለዉ የመልክቱ።

ዝሓለፉ መዓልታት ኣብታ ከተማ ብዝተላዕለ ናዕቢን ሕንፍሽፍሽን፣ ሽዱሽተ ጂቡታውያን ክሞቱ እንከለዉ 15 ከኣ ከምዝቖሰሉ ይንገር። ካብቶም ሽዱሽተ ህይወቶም ዝሰኣኑ እቶም ሰለስተ ህጻናት ኮይኖም፣ ዝነበሩዎ ገዛ መንነቶም ብዘይተፈልጠ ሰባት ሓዊ ብምቅጻሉ እዮም ሞይቶም።

ካብ 2 ነሓሰ ጀሚሩ ዝተጎሃሃረ ናዕቢ ድሬዳዋ፣ ፈደራል ፖሊስ’ታ ሃገርን፣ ሰራዊትን ብሓባር ብዘካዪዱዎ ዘለዉ ጸጥታ ናይ ምኽባር መስርሕ፣ እታ ከተማ ኣብ ተዛማዲ ሰላም ትርከብ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.