c


ኣህጉራዊ ዜና

ሱዳንን ደቡብ ሱዳንን፣ ካብ ወትሃደራዊ ህላዌ ናጻ ዝኾነ ዶብ ንምኽፋት ይዝትያ

Radio Erena: 02 October 2018

 sudanese generalsሱዳንን ደቡብ ሱዳንን፣ ኣብ ዶባተን ክርአ ንዝጸንሐ ጸጥታዊውን ወትሃደራውን ምትፍናን ንምእላይ፣ ካብ ወትሃደራዊ ህላዌ ናጻ ዝኾነ ዞባ ንምኽፋት ይዘራረባ ከምዘለዋ ተሓቢሩ።

ክልቲኤን ሃገራት ነዚ ብመትከል ከምዝድግፍኦ ዝሓለፈ ሰሙን ስምምዕ ድሕሪ ምኽታመን፣ ኣብ ግብሪ ንምውዓሉ፣ ላዕለዎት ኣዘዝቲ ሰራዊት ክልቲኤን ሃገራት ተወሳኺ ዝርርብ የካይዱ ኣለዉ።

ብሰንበት 30 መስከረም ኣብ ዝተኻየደ ቀዳማይ ርክብ ብጠቕላሊ ሓለቓ ስታፍ ሰራዊት ክልቲኤን ሃገራት ዝምርሑ ላዕለዎት ኣዘዝቲ ሰራዊት፣ ብዘይካ'ቲ ኣብ ምኽፋት ካብ ወትሃደራዊ ህላዌ ናጻ ዝኾነ ዶብ፣ ኣብ ጉዳያት ጸጥታ ብሓባር ንምስራሕ ዘኽእሎም ነጥብታት'ውን ዘርዚሮም።

Read more...

ሶማልያ፣ ንልኡኽ ሕብረት ኤውሮጳ ዒላማ ዝገበረ መጥቃዕቲ ተኻይዱ

Radio Erena: 02 October 2018

somalia b att.ኣብ ሶማል፣ ከተማ ሞቛድሾ፣ ልኡኽ ሕብረት ኤውሮጳ ኣብ ልዕሊ ዝጸዓነት መኪና መጥቃዕቲ ተኻይዱ።

በቲ ብሰኑይ፣ 1 ጥቅምቲ ዝተኻየደ መጥቃዕቲ ኣብ ልዕሊ ሰብ ዝወረደ ጉድኣት ከምዘየለ ሮይተርስ ሓቢሩ።

በቲ መጥቃዕቲ፣ ባንዴራ ኢጣልያን ሕብረት ኤውሮጳን ዝተሰቕላ መኪና ገለ ክፋላ ዓንንያ ክትልዓል ከምዝርኣዩ ናይ ዓይኒ መሰኻኽር ይገልጹ።

ነቲ ልኡኽ ዝዓጀባ ድሩዓት መካይን ተመራሪሐን ኣብ ዝጓዓዛሉ ዝነበራ እዋን፣ ነታጕ ዝተጻወዳ መኪና ብምፍንጃር ርእሰ ቅትለታዊ መጥቃዕቲ ንምክያድ ውጥን ከምዝነበሮ ኣልሸባብ ብመንገዲ ኣፈኝኡ ገሊጹ።

Read more...

ፕረዚደንት ደቡብ ሱዳን ፣ ኣብ ሃገሩ ዘለዉ ኩሎም እሱራት ፖለቲካ ናጻ ክወጹ ኣዚዙ

Radio Erena: 30 September 2018

kir2ፕረዚደንት ደቡብ ሱዳን ሳልቫ ኪር ማያርዲት፣ ኣብ ሃገሩ ዘለዉ ኩሎም እሱራት ፖለቲካ ናጻ ክወጹ ኣዚዙ።

እቲ ፕረዚደንት ብሓሙስ 27 መስከረም ናብ ሚኒስተር ምክልኻል ሃገሩ ኣብ ዘመሓላለፎ ትእዛዝ እውን፣ ኩሎም ምሩኻት ኲናት ናጻ ክወጹ ኣዚዙ’ሎ።

ሳልቫ ኪር ነዚ ስጉምቲ’ዚ ዝወስድ ዘሎ፣ ብመሰረት ዝተበጽሐ ሓድሽ ስምምዕ ሰላም ምዃኑ፣ ንጋዜጠኛታት ኣብ ዝሃቦ ቃል ሓቢሩ።

እቶም ምሩኻት ኲናትን ናይ ፖለቲካ እሱራትን፣ ኣብ ከተማ ጁባ ኣብ ዝርከብ ወተሃደራዊ መዓስከር ተኣሲሮም ከምዝጸንሑ ዝፍለጥ ኮይኑ፣ እቲ ውሳኔ ንመስርሕ ሰላም’ታ ሃገር ንምቅልጣፍ ደፋኢ ስጉምቲ ክኸውን ዘለዎ ተስፋ ገሊጹ።

Read more...

ኢትዮጵያ፣ ኣብ መስቀል ኣደባባይ ናይ ቦምባ መጥቃዕቲ ካዪድኩም ዝተባህሉ 5 ጥርጡራት፣ ወግዓዊ ክሲ ቀሪቡሎም

Radio Erena: 30 September 2018

 meskel adebabayንቀዳማይ ሚኒስተር ኢትዮጵያ ንምድጋፍ ኣብ ዝተኻየደ ሰላማዊ ሰልፊ ናይ ቦምባ መጥቃዕቲ ኣካዪድኩም ዝተበሃሉ ሓሙሽተ ጥርጡራት፣ ወግዓዊ ክሲ ቀሪቡሎም።

ኣብቲ ብዕለት 28 መስከረም ዝወዓለ መጋባእያ፣ እቲ መጥቃዕቲ ቦምባ ንቀዳማይ ሚኒስተር ኣብይ ኣሕመድ ንምቕታል ዝተሃንደሰ’ዩ ኔሩ ክብል ኣኽባር ሕጊ ብዝርዝር ገሊጹ።

እቲ ቀዳማይ ሚኒስተር፣ ንህዝቢ ኦሮሞ ከም መሳርሒ ተጠቒሙ፣ ውልቃዊ ስልጣኑ ንምስፍሕፋሕ ጥራይ’ዩ ዕላምኡ እምበር ሓልዮት ህዝቢ ከምዘይብሉን ንኦሮሞ ከምዘይውክልን ብምእማን ነቲ መጥቃዕቲ ክህንድስዎ ከምዝኸኣሉ’ዩ ኣብቲ መጋባእያ ተገሊጹ።

Read more...

ኢትዮጵያ፣ ዝሓለፈ ቅንያት ዝተገፈፉ ልዕሊ ሓደ ሽሕ መንእሰያት ክፍትሑ ኣምነስት ኢንተርናሽናል ጸዊዑ

Radio Erena: 27 September 2018

 eth mass arrestኣብ ኢትዮጵያ፣ ርእሰ ከተማ ኣዲስ ኣበባ፣ ኣብዚ ዝሓለፈ ቅንያት'ዚ ዝተገፈፉ ልዕሊ 1,200 መንእሰያት ክፍትሑ ኣምነትስ ኢንተርናሽናል ጸዊዑ።

እቲ ኣህጉራዊ ትካል ንኮሚሽነር ፖሊስ ኣዲስ ኣበባ ብምጥቃስ ኣብ ዘቕረቦ ሓበሬታ፣ ብድምር ኣስታት 3 ሽሕ ሰባት እኳ እንተተኣስሩ፣ እቶም 174 ክሲ ክምስረተሎም እንከሎ እቶም 1200 ድማ ጦላይ ናብ ዝተባህለ ወትሃደራዊ መዓስከር ተላኢኾም፣ ኣብ ተሃድሶ ክጸንሑ'ዮም።

ኮሚሽነር ፖሊስ ከተማ ኣዲስ ኣበባ ኣብ ዝሃቦ መግለጺ፣ በልማማ ግፋ መንእሰያት ተኻይዱ ንዝብል ሓበሬታ ግጉይ ምዃኑ ብምጥቃስ፣ እቶም ዝተኣስሩ ኣብ ናዕብን ዕግርግርን ክዋፈሩ ዝጸንሑ ምዃኖም ገሊጹ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.