c


ኣህጉራዊ ዜና

ፕ. ደቡብ ሱዳን ምቅይያር ሚኒስተራት ኣካዪዱ

Radio Erena: 26 August 2018

 gathothፕረዚደንት ደቡብ ሱዳን ሳልቫ ኪር ማያርዲት፣ ሚኒስተር ዕዮን ሰብኣዊ ዓቕምን ንዝነበረ ጀነራል ጋቶዝ ሆትንያንግ ካብ ስልጣኑ ኣውሪዱዎ።

እቲ ፕረዚደንት ብዓርቢ 24 ነሓሰ ሓለቓ ስታፍ ሰራዊት ኤስ.ፒ.ኤል.ኤ ንዝነበረ ጀነራል ሆዝ ማይ ሓድሽ ሚኒስተር ዕዮን ሰብኣዊ ዓቕምን ገይሩ ሸይሙዎ ኣሎ።

ካብታ ሃገር ዝተፈነወ ዜና ከምዘመልክቶ፣ እቲ ፕረዚደንት ነዚ ናይ ሚኒስተራት ምቅይያር ዝገበረሉ ምኽንያት ወግዓዊ መብርሂ ኣይሃበን። እንተኾነ እዚ ካብ ስልጣኑ ወሪዱ ዘሎ ሚኒስተር ነበር፣ ኣቐድም ኣቢሉ ኣብ ልዕሊ ቀዳማይ ምኽትል ፕረዚደንት ፖለቲካዊ መጥቃዕቲ ክገብር ሓገዝ ገለ ወገናት ክሓትት ምጽንሑ ይግለጽ።

እቲ ሚኒስተር ነበር፣ ምኽትል ፕረዚደንት ታባን፣ ኣብ ዙርያኡ ካብ ዓሌቱ ዝኾኑ ተወላዶ ጥራይ ብምትእኽኻብ፣ ኣብ 2022 ንዝካየድ ፕረዚደንታዊ ምርጫ ክዕወት ባይታ የጣጥሕ ኣሎ ክብል’ዩ ክኸስስ ጸኒሑ።

Read more...

ቤጂንግ፣ ዋዕላ ሃገራት ኣፍሪቃን ቻይናን ክካየድ'ዩ

Radio Erena: 23 August 2018

china africa forumዋዕላ ሃገራት ኣፍሪቃን ቻይናን ካብ 3 ክሳብ 4 መስከረም፣ ኣብ ከተማ ቤጂንግ ክካየድ'ዩ።

ኣብዚ ኩለን ሃገራት ኣፍሪቃ ብመራሕተንን ወከልተንን ክሳተፍኦ ምዃነን ተሓቢሩ ዘሎ ዋዕላ፣ ኣብ ወፍሪን ቁጠባዊ ምትሕግጋዝን ዘተኮረ'ዩ።

ኣብቲ ዋዕላ፣ ካብ 2019 ክሳብ 2021 ንዝህሉ ናይ ትግባረ ውጥናት ክዳሎ ምዃኑ ሚኒስትሪ ጉዳያት ወጻኢ ቻይና ሓቢሩ።

ኣብዚ ዋዕላ'ዚ መብዛሕትኦም መራሕቲ ሃገራት ኣፍሪቃ ክሳተፉ ምዃኖም ከረጋግጹ እንከለዉ፣ ንኣስታት 3 ዓመታት ካብ ዞባና ወጻኢ ዘይተንቀሳቕሰ ፕረዚደንት ኤርትራ ኣቶ ኢሳይያስ ኣፈወርቂ ግና ክሳተፍ ምዃኑን ዘይምዅኑ ኣይተፈልጠን።

Read more...

ሱዳን፣ ወትሃደራዊ መኮንናት ቀጠር ተሰልጥን

Radio Erena: 21 August 2018

 albeshr militaryኣብ ሱዳን ክስልጥኑ ዝጸንሑ ወትሃደራዊ መኮንናት ቀጠር ከምዝተመረቑ ኣገልግሎት ዜና ቀጠር ሓቢሩ።

እቶም ዝሓለፈ ሰሙን ዝተመረቑ 108 መኮንናት ቀጠር፣ ኣብ ኣጋርን መካናይዝድን ዘተኮረ ፍሉይ ታዕሊም ከምዝወሰዱ እቲ ሓበሬታ ይጠቅስ።

ንልዕሊ ሓደ ዓመንት መንፈቕን ንዝተዋህቦም ጽዑቕ ወትሃደራዊ ስልጠና ዛዚሞም፣ ኣብ ወትሃደራዊ ኣካዳሚ ኡምዱርማን ኣብ ዝተመረቕሉ፣ ፕረዚደንት ሱዳን ዑመር ሓሰን ኣልበሽር ዝርከቦም ላዕለዎት ሰበ ስልጣን ወትሃደራውያን ኣዘዝቲን ሱዳንን ቀጠርን ተረኺቦም።

ሱዳን፣ ምስ ቀጠር ዘለዋ ዝምድና ክትበትኽ ብስዑዲ ዓረብ ጸቕጢ ይግበረላ ከምዘሎ ይፍለጥ።

Read more...

ኣመሪካ፣ ኣብ ሶማል ናይ ነፈርቲ ደብዳብ ኣካይዳ

Radio Erena: 23 August 2018

shebab somኣመሪካ፣ ኣብ ሶማል ናይ ነፈርቲ ደብዳብ ከምዘካየደት፣ ሰራዊት ኣመሪካ እዚ ኣፍሪቃ ኣብ ዘውጽኦ መግለጺ ኣፍሊጡ።

እቲ 48 ኪሎሜተር ንሰሜናዊ ምብራቕ ካብ ወደብ ኪስማዮ ርሒቑ ኣብ ዝርከብ ቦታ ዝተኻየደ ናይ ነፈርቲ ደብዳብ፣ ዕጡቓት ኣልሸባብ ንምህዳን ምዃኑ'ዩ ተሓቢሩ።

በቲ ብሰሉስ 21 ነሓሰ ዝተኻየደ ደብዳብ፣ ክልተ ዕጡቓት ከምዝተቐትሉ ሰራዊት ኣመሪካ እኳ እንተገለጸ፣ ኣብ ሰለማውያን ሰባት ዝወረደ ጉድኣት ኣይተሓበረን።

ኣመሪካ፣ ኣብዚ ዓመት'ዚ ጥራይ፣ ኣብ ሶማል ልዕሊ 20 ግዜ ናይ ነፈርቲ ደብዳብ ኣካይዳ ኣላ።

Read more...

ስዑዲ ዓረብ፣ ካብ ሶማል ዝተሸመታ 27 ሽሕ ጤለ-በጊዕ መሊሳ

Radio Erena: 21 August 2018

somali sheepsስዑዲ ዓረብ፣ ካብ ሶማል ዝሸመተተን 27 ሽሕ ጤለ-በጊዕ ከምዝመለሰት ተሓቢሩ።

እታ ሃገር ነዘን መርከብ ምሉእ ጤለ በጊዕ፣ ዝሓለፈ ሰሙን ዝመለሰትሉ ምኽንያት፣ ሪፍት ቫለ ዝተባህለ ረስኒ ኣለወን ብዝብል'ዩ።

እዘን ካብ ስዑዲ ተመሊሰን ብወደብ ቦሳሶ ናይ ሶማል ዝኣተዋ ጤለ-በጊዕ፣ ኣብ ዕዳጋታት እታ ሃገርን መነባብሮ ሓረስቶትን ኣሉታዊ ጽልዋ ከይፈጥራ ተሰጊኡ ኣሎ።

ስዑዲ ዓረብ ብዘይካ'ዚ ካብ ሱዳን'ውን ክትሽምተን ዝጸንሐት ኣባጊዕ፣ ኣጣልን ኣግማልን ብተመሳሳሊ ምኽንያት ደው ከምዘበለቶ ይግለጽ እኳ እንተሎ፣ መንግስቲ ሱዳን ነቲ ሓበሬታ ነጺግዎ ኣሎ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.