c


ኣህጉራዊ ዜና

ሩስያ፣ ኣብ ሱዳን መናሃርያ ሓይሊ ባሕሪ ከተቕውም ትሓትት

Radio Erena: 14 June 2018

bashir and putinሩስያ፣ ኣብ ሱዳን መናሃርያ ሓይሊ ባሕሪ ንኽወሃባ ትሓትት ከምዘላ ተገሊጹ።

ኣምባሳደር ሩስያ ኣብ ሱዳን ቭላድሚር ጊልቶቭ ኣብዚ ሳልስቲ'ዚ ንማዕከን ዜና 'ስፑትኒክ' ኣብ ዝሃቦ ሓበሬታ፣ መንግስታት ሃገሩን ሱዳንን ብዛዕባ'ዚ ጉዳይ ይዘራረቡ ከምዘለዉ ኣረጋጊጹ።

እንተኾነ እቲ ሩስያ እትሓቶ ዘላ መናሃርያ፣ ቀዋሚ ወትሃደራዊ መዓስከር ዘይኮነ ንቀረባት ባሕርያ ዘገልግል ጥራይ'ዩ ክብል እቲ ኣምባሳደር ገሊጹ።

ሩስያን ሱዳንን ብዛዕባ'ዚ ዘካይድኦ ዘለዋ ዝርርብ ኣብ ናይ መወዳእታ ስምምዕ እንተተበጺሑ ብወግዓዊ መንገዲ ክሕበር ምዃኑ እቲ ሩስያዊ ዲፕሎማሰኛ ኣፍሊጡ።

Read more...

ግብጺ፣ ተኣሲሮም ዝጸንሑ 32 ኢትዮጵያውያን ብምሕረት ተፈቲሖም

Radio Erena: 12 June 2018

Ethiopian prime minister

ግብጺ ብዝተፈላለየ ገበናት ኣሲራቶም ዝጸንሐት 32 ኢትዮጵያውያን ብምሕረት ከምዝፈትሐት ኣፍሊጣ።

እታ ዓረባዊት ሃገር፣ ነቶም 32 ኢትዮጵያውያን ብምሕረት ትፈትሕ ዘላ ከም መርኣያ ጽቡቕ ድሌት ናይቲ ምስ ሓድሽ ቀዳማይ ሚኒስተር ኢትዮጵያ ጀሚራቶ ዘላ ኣብ ጉዳይ ኣጠቓቕማ ናይል ዝምልከት ዘተ'ዩ።

ቀዳማይ ሚኒስተር ኢትዮጵያ ዶ/ር ኣብይ ኣሕመድ፣ ፕረዚደንት ግብጺ ዓብደልፈታሕ ኣል ሲሲ ብዝገበረሉ ዕድመ መሰረት'ዩ ካብ 9 ክሳብ 11 ሰነ ኣብ ካይሮ ወግዓዊ ናይ ስራሕ ምብጻሕ ኣካይዱ።

Read more...

‘’ኣብ ዳርፉር ዓስኪሩ ዘሎ ዓቃብ ሰላም፣ ዝወጻሉ ግዜ ኣኺሉዩ’’ ሰልፊ ሃገራዊ ባይቶ ሱዳን

Radio Erena: 10 June 2018

unamid sudanኣብ ሱዳን ዞባ ዳርፉር ዓስኪሩ ዝጸንሐ ዓቃብ ሰላም ሰራዊት፣ ጠቕሊሉ ዝወጻሉ እዋን ኣኺሉ’ዩ ክብል ኣብ ስልጣን ዘሎ ሰልፊ ሃገራዊ ባይቶ መግለጺ ኣውጺኡ።

ኤን.ሲ.ፒ. ብሓሙስ 7 ሰነ ኣብ ዘውጸኦ መግለጺ፣ ኣብ ዞባ ዳርፉር ተራእዩ ዘሎ ምዕባለታት ሰላምን ጸጥታን፣ ንህላዌ’ቲ ዓቃብ ሰላም ኣገዳስነት ከምዘይብሉ ዘነጽር’ዩ ድሕሪ ምባል፣ ብመሰረት ዝወጸ ናይ ግዜ መቓን፣ እቲ ዓቃብ ሰላም ክወጽእ ምዃኑ ኣፍሊጡ።

እቲ ብውድብ ሕቡራት ሃገራት፣ ሕብረት ኣፍሪቃን መንግስቲ ሱዳንን ዝተማእከለ ዓቃብ ሰላም ዞባ ዳርፉር፣ ካብ ወርሒ ታሕሳስ ናይ 2007 ኣትሒዙ ተዋፊሩ ከምዘሎ ይፍለጥ።

Read more...

ሶማል፣ ሓደ ኣመሪካዊ ወትሃደር ተቐቲሉ፣ ኣርባዕተ ቆሲሎም

Radio Erena: 12 June 2018

US in somal

ኣመሪካ፣ ኣብ ሶማል ኣብ ዘካየደቶ ፍሉይ ወትሃደራዊ ስርሒት ሓደ ወትሃደራ ክቕተል እንከሎ ኣርባዕተ ከኣ ከምዝቖሰሉ ንኣዘዝቲ ሰራዊት እታ ሃገር ብምጥቃስ ወትህደራውያን ምንጭታት ሓቢሮም።

እቲ ብዓርቢ 8 ሰነ፣ ኣብ ደቡባዊ ምዕራብ ሶማል ዝተኻየደ ፍሉይ ወትሃደራዊ ስርሒት ኣመሪካ፣ ላዕለዎት ኣዘዝቲ ኣልሸባብ ንምጥቃዕ ምንባሩ ተገሊጹ።

ምስ ወትሃደራት ፈደራላዊ መንግስቲ ሶማል ብሓባር ናብቲ ስርሒት ዝወፈሩ እቶም ኣመሪካውያን፣ ካብ ዕጡቓት ብዝተፈነወሎም ናይ ሞርታርን ፈኮስቲ ጠበናጁን መጥቃዕቲ፣ እቲ ሞትን መውጋእትን ከምዘጋጠመ ሰበ ስልጣን ፔንታጎን ይጠቕሱ።

Read more...

ፕ. ዩጋንዳ፣ ኣብ ሃገሩ ዑደት ንዘካየደ ቀ.ሚ. ኢትዮጵያ ዝለዓለ ናይ ክብሪ ሽልማት ሂቡ

Radio Erena: 10 June 2018

abiy in ugandaፕረዚደንት ዩጋንዳ ዮወሪ ሙሰቨኒ፣ ኣብ ሃገሩ ዑደት ንዘካየደ ቀዳማይ ሚኒስተር ኢትዮጵያ ዝለዓለ ናይ ክብሪ ሽልማት ሂቡ።

ኣብቲ ኣብ ዩጋንዳ ዓመታዊ ዝካየድ ሃገራዊ መዓልቲ ሓርበኛታት ነቲ ናይ ክብሪ ስልማት ድሕሪ ምቕባሉ ቀዳማይ ሚኒስተር ኢትዮጵያ ኣብይ ኣሕመድ ኣብ ዝሃቦ መደረ፣ ዝምድና ኢትዮጵያን ዩጋንዳን ኣብ ሓድሕድ ምክብባር ዝተሰረተ ደኣምበር ኣብ ውሽጣዊ ጉዳያት ሃገር ኢድ ብምትእትታው ኣይኮነን ኢሉ።

ኣብቲ ኣጋጣሚ 250 ውልቀ ሰባት ኣበርክቶኦም ኣብ ሰላምን ክብርን ዩጋንዳ ብወግዒ ንምፍላጥ መዳልያ ክቕበሉ እንከለዉ፣ ፕረዚደንት ኢኳቶርያል ጒኒ ተዮዶር ኦቢያን ባሰጎ ከኣ ከም ቀዳማይ ሚኒስተር ኢትዮጵያ ተመሳሳሊ ናይ ክብሪ ስልማት ተቐቢሉ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.