c


ኣህጉራዊ ዜና

ደቡብ ሱዳን፣ ትግባረ ስምምዕ ሰላም ተደናጕዩ

Radio Erena: 23 October 2018

south sudan soldiersኣብ ደቡብ ሱዳን፣ ኣብዚ ወርሒ'ዚ ናብ ትግባረ ክሰጋገር ዝነበሮ ስምምዕ ሰላም ተደናጕዩ።

መንግስትን ተቓወምትን ደቡብ ሱዳን፣ ኣብ 12 መስከረም ኣብ ካርቱም ዝኸተምዎ ስምምዕ፣ ናብ ትግባረ ከሰጋግርዎ ብዘይምኽኣሎም፣ ኣብታ ሃገር ሻቕሎት ፈጢርሉ ኣብ ዘሎ ግዜ፣ ሚኒስተር ጉዳያት ወጻኢ ሱዳን ኣል ዲርዲሪ ኣሕመድ ምስ ፕረዚደንት ሳልቫኪር ሚያርዲት ኣብ ጁባ ብምርኻብ ብዛዕባ'ቲ ጉዳይ ተዘራሪቦም።

እቲ ዝሓለፈ ሰሙን ዝተኻየደ ርክብ፣ ነቲ ብተቓወምቲ ወገናት ዝቐርብ ዘሎ ምዕዝምዛም ካብ መንግስቲ ደቡብ ሱዳንን ኣውሓስቲ ናይቲ ስምምዕን ሓባራዊ መግለጺ ንምሃብ ዝዓለም ምንባሩ ተሓቢሩ።

Read more...

ብሪጣንያ፣ ን’ልዩ ፖሊስ’ ገንዘባዊ ደገፍ ገይራ ንዝብል ክሲ ነጺጋቶ

Radio Erena: 21 October 2018

kilil somalብሪጣንያ፣ ኣብ ክልል ሶማል ናይ ኢትዮጵያ ንዝርከብ ፍሉይ ኣሃዱ ጸጥታ ፋይናንስያዊ ሓገዝ ለጊሳ ተባሂሉ ንዝወጸ ሓበሬታ ናይ ኣሉታ መልሲ ሂባትሉ።

ሓላፊ ክፍሊ ኣህጉራዊ ምዕባለ ኣብ ኢትዮጵያ ክሪስቲያን ሮግ ኣብ ዝሃቦ መብርሂ፣ እቲ ብ’ልዩ ፖሊስ’ ዝፍለጥ ኣሃዱ ጸጥታ፣ ካብ ብሪጣንያ ሓገዝ ከምዘይረኸበ ገሊጹ።

ኣቐድም ኣቢሉ ‘ብሪጣንያ፣ ነቲ ገበናት ፈጺሙ ተባሂሉ ብኣህጉራውያን ተጣበቕቲ መሰላት ዝኽሰስ ልዩ ፖሊስ፣ ካብ 14 ክሳብ 15 ሚልዮን ፓውንድ ዝበጽሕ ፋይናንስያዊ ሓገዝ ኣበርኪታ ክብል ማዕከን ሓበሬታ ዘ ጋርዲያን ምጥቃሱ፣ ጋዜጣ ዘ ሪፖርተር የመልክት።

Read more...

ኢትዮጵያ፣ ኣብ ማእከል ኣዲስ ኣበባ ዝርከብ 36 ሄክታር መሬት ንሕቡራት ኢማራት ዓረብ ክትህብ'ያ

Radio Erena: 18 October 2018

addis la gareኢትዮጵያ፣ ኣብ ሕምብርቲ ከተማ ኣዲስ ኣበባ ዝርከብ 36 ሄክታር መሬት ንሕቡራት ኢማራት ዓረብ ከተረክብ ምዃና ዘ ሪፖርተር ሓቢሩ።

ብትእዛዝ ቀዳማይ ሚኒስተር ኣብይ ኣሕመድ፣ ንኣውፈርቲ ንጉሳውያን ቤተ ሰብ ሕቡራት ኢማራት ክወሃብ ከምዝተወሰነ ዝተገልጸ ሰፊሕ መሬት፣ ኣብዚ ቀረባ ናብ ኢትዮጵያ ናይ ስራሕ ምብጻሕ ክፍጽም ትጽቢት ዝግበረሉ ወራስ ዓራት ኣቡዳቢ መሓመድ ቢን ኣልናህያን፣ ወግዓዊ ናይ ምርኽኻብ ስነ ስርዓት ክካየድ ምዃኑ ተገሊጹ።

እቲ ኣብ ከባቢ 'ላ ጋር' ዝርከብ ሰፊሕ መሬት፣ ኣስታት 1500 ህዝቢ ዝሰፍረሉ እኳ እንተኾነ፣ እቲ ህዝቢ ከምዘይፈናቐልን፣ ኣካል’ቲ ናይ ወፍሪ መደባት ከምዝኸውንን'ዩ ዝንገር ዘሎ።

Read more...

ሱዳንን ቀጠርን፣ ወትሃደራዊ ዝምድንአን ይግምግማ

Radio Erena: 18 October 2018

sudan_qatar militaryሱዳንን ቀጠርን፣ ዘለወን ወትሃደራዊ ዝምድና ገምጊመን።

ጋልፍ ኒውስ ብዘቕረቦ ሓበሬታ መሰረት፣ ጠቕላሊ ሓለቓ ስታፍ ሰራዊት ቀጠር፣ ሉዩተናንት ጀነራል ጋነም ቢን ሻሂን ኣል ጋነም ምስ ጠቕላሊ ሓለቓ ስታፍ ሰራዊት ሱዳን ሉዩተናትን ጀነራል ከማል ዓብደልማዕሩፍ ኣል ማሂ ተራኺቦም'ዮም ነቲ ዝምድና ገምጊሞሞ።

ርክብ ክልቲኦም ላዕለዎት ኣዘዝቲ ሰራዊት፣ ኣብ ዋሽንግተን ኣብ ዝርከብ ኤምባሲ ቀጠር'ዩ ተኻይዱ።

ብዘይካ'ዚ፣ ቀጠርን ቱርኪን'ውን ተመሳሳሊ ርክብ ምክያደን እቲ ምንጪ ጠቒሱ።

Read more...

ሶማል፣ ኣብ መኪና ቦምብ ብምጽዋድ ኣስታት 600 ሰባት ዝቐተለ ክሱስ ብሞት ተቐጺዑ

Radio Erena: 16 October 2018

somalia car bኣብ ዝሓለፈ ዓመት፣ ኣብ ሶማል ከተማ ሞቛድሾ፣ ኣስታት 600 ሰባት ኣብ ዝቐተለ ሽበራዊ መጥቃዕቲ ተሳቲፍካ ተባሂሉ ተኸሲሱ ዝጸንሐ ሶማላዊ፣ ትማሊ ብሞት ተቐጺዑ።

እቲ ሓሰን ዓደን ኢሳቕ ዝተባህለ ሶማላዊ፣ ንሓንቲ ኣብተን ቦምብ ዝተጻውደን መካይን መሪሑ ናብ ማእክለ ዕዳጋ ብምእታው ነቲ መጥቃዕቲ ካብ ዝፈጸሙ ሓደ'ዩ።

ንሱ ብቅትለት ኣማኢት ሶማላውያን ሰባትን ሽበራዊ ንጥፈታትን ተኸሲሱ ንሓደ ዓመት ኣብ ማእሰርቲ ድሕሪ ምጽንሑ፣ ቀዳማይ ዓመት ዝኽሪ ናይቲ ዕለት ኣብ 14 ጥቅምቲ ኣብ ዝተኻየደሉ ኣብ ቅድሚ ህዝቢ ተረሺኑ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.