c


ኣህጉራዊ ዜና

ኢትዮጵያ፣ ብዶባት ዝኣቱ ዘሎ ጠበናጁ ጸጥታዊ ስግኣት ይፈጥር

Radio Erena: 06 November

ethi_gun controlብዶባት ኤርትራ፣ ሱዳን፣ ጅቡቲ፣ ሶማልን ኬንያን ናብ ኢትዮጵያ ይውሕዝ ኣሎ ዝተባህለ ጠበናጁ ኣብ ኢትዮጵያ ጸጥታዊ ሻቕሎት ይፈጥር ከምዘሎ ተገሊጹ።

ፖሊስ እታ ሃገር ብዝሃቦ ሓበሬታ መሰረት፣ ኣብዚ ቀረባ እዋን ጥራይ ልዕሊ ክልተ ሸሕ ጠበናጁን ሸጉጥን ከምኡ ድማ ኣርፒጂ ዝርከቦ ዝተፈላለየ ኣጽዋር ተታሒዙ ኣሎ።

ኣብዚ ዝሓለፈ ቅንያት፣ ብመንገዲ ዶብ ሱዳን፣ ብመተማ ኣቢሉ፣ ኣብ ቦጣት ተሓቢኡ ናብ ኢትዮጵያ ዝኣተወ ኣማኢት ፈኮስቲ ኣጽዋር (ካላሽናትን ሸጓጉጥን) ሓደ መርኣያ ናይዚ ምዃኑ ተሓቢሩ።

ፈደራል ፖሊስ ኢትዮጵያ ንማዕከን ዜና ሃገሩ ኣብ ዝሃቦ ሓበሬታ፣ እቲ ዝኣቱ ዘሎ ብመተማ ጥራይ ዘይኮነ፣ ብሞያለ፣ ብጅጂጋ፣ ብጋምቤላን ብሑሞራን ኣቢሉ'ውን ተመሳሳሊ ዘይሕጋዊ ጠበናጁ ይኣቱ ከምዘሎ ኣረጋጊጹ።

Read more...

ፕረዚደንት በሺር ናብ ግብጺ ይበጽሕ

Radio Erena: 06 November

bashir_alsisiፕረዚደንት ሱዳን ዑመር ሓሰን ኣልበሽር፣ ከም መቀጸልታ ናይቲ ምስ ግብጺ ተጀሚሩ ዘሎ ስሩዕ ርክባት መራሕቲ፣ ኣብ ግብጺ ወግዓዊ ናይ ስራሕ ምብጻሕ ከካየድ'ዩ።

እቲ ፕረዚደንት ሎሚ ሰሉስ 6 ሕዳር ናብ ካይሮ ድሕሪ ምእታው፣ ምስ ፕረዚደንት ግብጺ ዓብደልፈታሕ ኣል ሲሲ፣ ኣብ ክልትኣዊን ዞባውን ጉዳያት ክዘራረብ'ዩ።

ብዘይካ'ዚ፣ ንሱ ኣብ መዛዘሚ ናይቲ ካብ 3 ክሳብ 6 ሕዳር፣ አብ ሻርም ሸኽ ዝተኻየደ ኣህጉራዊ ዋዕላ መንእሰያት ክሳተፍ'ዩ።

ፕረዚደንት ዓብደልፈታሕ ኣል ሲሲ ኣቐዲሙ፣ ካብ 23 ክሳብ 25 ጥቅምቲ ናብ ሱዳን ወግዓዊ ናይ ስራሕ ምብጻሕ ድሕሪ ምክያዱ፣ ፕረዚደንት በሺር ኣብ ልዕሊ እታ ሃገር ኣጽንዕዎ ዝጸንሐ ናይ ንግዲ እገዳታት ክልዓል ወሲኑ'ዩ።

Read more...

ኣውፈርቲ ቱርኪ፣ ኣብ ክልል ትግራይ ናይ ልዕሊ 750 ሚልዮን ኤውሮ ኢንዱስትርያዊ ፓርክ ክሃንጹ'ዮም

Radio Erena: 01 November 2018

tigray indu_parkኣውፈርቲ ቱርኪ፣ ኣብ ክልል ትግራይ ናይ 750 ሚልዮን ኤውሮ ኢንዱስትርያዊ ፓርክ ክሃንጹ ምዃኖም ምስ መንግስቲ ቅርበት ዘለወን ማዕከናት ዜና ካብ ኣዲስ ኣበባ ሓቢረን።

እቲ ኣብ 500 ሄክታር ዝህነጽ ኢንዱስትርያዊ ፓርክ፣ ብዘመናዊ ኣገባብ ከምዝህነጽ ዝሓበረ ማዕከን ዜና ፋና ድማ፣ እቲ ስራሕ ንምጅማሩ ሰበ ስልጣን ክልል ትግራይን ቱርካውያን ኣውፈርትን ምስ ነበርቲ እቲ ፓርክ ዝህነጸሉ ከባቢታትን ከምዝተረዳድኡ ኣፍሊጡ።

ምህናጽ ኢንዱስትርያዊ ፓርክ ትግራይ ኣብ ወርሒ መጋቢት 2019 ጀሚሩ ኣብ ውሽጢ ክልተ ዓመታት ክዛዘም ትጽቢት ይግበረሉ።

እቲ ናብ ከተማ መቐለ ቅርበት ከምዝህልዎ ዝተገልጸ ኢንዱስትርያዊ ፓርክ፣ ንኣሽሓት ሰባት ናይ ስራሕ ዕድላት ክፈጥር'ዩ።

Read more...

ሱዳንን ኢትዮጵያን ኣብ ዶባተን ብዛዕባ ዘሎ ጉዳያት ክዝትያ’የን

Radio Erena: 04 November 2018

ethio_sudan borሱዳንን ኢትዮጵያን ብዛዕባ ኣብ ዶባተን ዘሎ ጉዳያት ክዝትያ፣ ኣብዚ ዝመጽእ መዓልታት ክራኸባ ምዃነን ተገሊጹ።

ማዕከናት ዜና ሱዳን ኣብ ዝህቦኦ ዘለዋ ጸብጻብ፣ እቲ ኣብ ከተማ ጎንደር ክካየድ ዝተወጠነ ርክብ፣ ምድላዋቱ ወዲኡ ከምዘሎ ድሕሪ ምሕባር፣ ብዑስማን መሓመድ ኣሕመድ ዝምራሕ ጉጅለ ሰበስልጣን ዞባ ገዳርፍ፣ ኣብዚ ዝመጽእ ሒደት መዓልታት ናብታ ከተማ ክኣቱ ምዃኑ ገሊጸን።

ኢትዮጵያን ሱዳንን ጥቡቕ ዝምድና ከምዘለወን ዝግለጻ ሃገራት እኳ እንተኾና፣ ኣብ ዶባተን ብሰንኪ ዘይሕጋዊ ምስግጋር ደቂሰብ፣ ናይ መጋሃጫ መሬትን ካልእን ጉዳያት ዜጋታተን ክሰሓሓቡ ጸኒሖም’ዮም።

Read more...

መራሕ ተቓወምቲ ደቡብ ሱዳን ሬክ ማቻር ናብ ጁባ ተመሊሱ

Radio Erena: 01 November 2018

Machar back homeመራሒ ተቓወምቲ ደቡብ ሱዳን ሬክ ማቻር ናብ ከተማ ጁባ ከምዝተመልሰ ማዕከናት ዜና ካብታ ከተማ ሓቢረን።

ንሱ ናብታ ርእሰ ከተማ ዝምለስ ዘሎ፣ መስርሕ ሰላም እታ ሃገር ግብራዊ ዝኾነሉ ዕለት ስለዝተቓረበ ምዃኑ ዝተፈላለዩ ወገናት እታ ሃገር የመልክቱ።

ትግባረ ናይቲ ኣብ ወርሒ መስከረም፣ ኣብ ካርቱም ዝተኸተመ ስምምዕ ሰላም ደቡብ ሱዳን ተደናግዩ ከምዘሎ'ዩ ክግለጽ ጸኒሑ።

ይኹን'ምበር፣ ምምላስ ሬክ ማቻር ናብ ጁባ፣ ነቲ ሻቕሎት ቀንጢጥዎ ይርከብ።

ኣቐዲሙ ዝተኸተመ ስምምዕ ድሕሪ ምፍሻሉ፣ ንክልተ ዓመታት ካብ ጁባ ርሑቑ ዝጸንሐ ሬክ ማቻር፣ ሓድሽ ምክትል ፕረዚደንት ደቡብ ሱዳን ኮይኑ ስልጣን ክርከብ ትጽቢት ኣሎ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.