c


ው.ሕ.ሃ.፣ ቀዳማይ ሚኒስተር ኢትዮጵያ ብገዛእ ፍቓዱ ስልጣኑ ከረክብ ምውሳኑ ብሓጎስ ተቐቢሉ

Radio Erena: 25 February 2018

unውድብ ሕቡራት ሃገራት፣ ቀዳማይ ሚኒስተር ኢትዮጵያ ብገዛእ ፍቓዱ ስልጣኑ ከረክብ ምውሳኑ ብሓጎስ ከምዝተቐበሎ ገሊጹ።

እቲ ውድብ ብዕለት 23 ለካቲት ኣብ ዘውጸኦ መግለጺ፣ ኣብ ኢትዮጵያ ተኸሲቱ ብዘሎ ፖለቲካዊ ቅልውላው፣ ንዝያዳ ደሞክራስያዊ መስርሕ ባይታ ንምንጻፍ፣ ቀዳማይ ሚኒስተር ኣቶ ሃይለማርያም ደሳለኝ ዝወሰዶ ስጉምቲ ብእወታ ከምዝርእዮ ኣመልኪቱ።

እቲ መግለጺ ብተወሳኺ፣ ውድብ ሕቡራት ሃገራት ኣብ ቀርኒ ኣፍሪቃ ሰላምን ጸጥታን ንምስፋን፣ ልምዓታዊ መደባት ኣብ ምስሳን፣ ሰብኣዊ መሰላት ኣብ ምርግጋጽ ንኢትዮጵያ ከም ቀንዲ መሻርኽቲ ከምዝርእያ ይገልጽ።

እንተኾነ ኣብ ዝተፈላለየ ዞባታት ኢትዮጵያ ዳግማይ ንዝተጎሃሃረ ሰላማዊ ሰልፍታትን ናዕብታትን ስዒቡ መንግስቲ’ታ ሃገር ኣብ ልዕሊ ዝኣወጆ ናይ ህጹጽ እዋን ኣዋጅ ስክፍታ ከምዘለዎ ድሕሪ ምግላጽ፣ ሓይልታት ጸጥታ ዝወስዱዎ ዝኾነ ስጉምቲ መሰረታዊ ናጽነት ዜጋታት ዘይግህስን፣ ውሕስነት ሰላምን ምርግጋእን ክኸውን ከምዝግባእ ኣተሓሳሲቡ።

======================= 

Share this post

Submit to FacebookSubmit to Google PlusSubmit to TwitterSubmit to LinkedIn



Powered by Joomla!®. Designed by: free hosting no ads resell dot me domains Valid XHTML and CSS.