c


ሱዳንን ግብጽን ዘሰሓሕበን ኣብ ዘሎ ጉዳይ ገያሾን ቪዛን ብዝምልከት ዘትየን

Radio Erena: 09 November 2017

sudan and egyptሓባራዊ ቆንስላዊ ኮሚቴ ሱዳንን ግብጽን ንክልቲኤን ሃገራት ዘሰሕሕብ ዘሎ ጉዳይ ገያሾን ቪዛን ብዝምልከት ዘትዩ።

ኣብቲ ብተሓጋገዝቲ ሚኒስተራት ጉዳያት ወጻኢ ክልትኤን ሃገራት ተመሪሑ፣ ካብ 4 ክሳብ 7 ሕዳር ዝተኻየደ ኣኼባ፣ ሱዳን ኣብ ልዕሊ ግብጻውያን ኣንቢራቶ ዘላ ናይ ቪዛን መንበሪ ፍቓድን መሰናኽላት ክትኣልዮ ኣብ ዝብል ነጥቢ ተዘራሪቦም።

 

ግብጺ ንተቓወምቲ ሱዳን ትድግፍ ኣላ ክብል ዝወቐሰ መንግስቲ ሱዳን፣ ግብጻውያን ናብ ሃገሩ ብዘይቪዛ ክኣትዉ ዝፈቅድ ንዝነበረ ሕጊ ከምዘቐየሮ ይዝከር።

ድሕሪ'ዚ ሓድሽ ሕጊ፣ ግብጺ'ውን ንሱዳናውያን ገያሾ ኣብ ካይሮ ተከላብት ከምዘላ'ዩ ክግለጽ ጸኒሑ።

ክልቲኦም መንግስታት ዘሰሓሕቦም ጉዳያት ብምእላይ፣ ዝምድንኦም ናብ ንቡር ንምምላሱ ድሕሪ ዝወሰድዎ ተበግሶ፣ ሓባራዊ ቆንስላዊ ኮሚተ ብምቛም ነቲ ናይ ገያሾን ቪዛን ጉዳይ ንምፍታሕ ቀዳምነት ሂቦም ይሰርሕሉ ኣለዉ።

ዓመታዊ 10ታት ኣሽሓት ገያሾ ካብን ናብን ሱዳንን ግብንጽ ብንግድን ካልእን ምኽንያታትን ከምዝንቀሳቀሱ ጸብጻባት ካብ ካይሮ ይሕብሩ።

Share this post

Submit to FacebookSubmit to Google PlusSubmit to TwitterSubmit to LinkedIn



Powered by Joomla!®. Designed by: free hosting no ads resell dot me domains Valid XHTML and CSS.