c


ኣህጉራዊ ዜና

‘’ኣብ ሰላማዊ ሰልፊ ኣዲስ ኣበባ ዝተኻየደ መጥቃዕቲ ቦምባ፣ ፍሹል ጸረ ሰላም’ዩ’’ ቀ.ሚ. ኣብይ

Radio Erena: 24 June 2018 Updated

 ethio_bomb attak 2ኣብ ኣዲስ ኣበባ ኣብ መንጎ ሰላማዊ ሰልፊ ዘካይድ ዝነበረ ህዝቢ ብዝተሰንደወ ቦምባ፣ ሓደ ሰብ ክመውት እንከሎ ሓያሎ ከኣ ብከቢድን ፎኪስን ከምዝቖሰሉ፣ ካብታ ሃገር ዝተመሓላለፈ ዜና ኣመልኪቱ።

ኣብቲ ንቀዳማይ ሚኒስተር ኣብይ ኣሕመድ ንምድጋፍ ትማሊ ዕለት 23 ሰነ ዝተኻየደ ሰፊሕ ሰላማዊ ሰልፊ፣ ቀዳማይ ሚኒስተር ኣብይ መደርኡ ድሕሪ ምዝዛሙ መንነቶም ካብ ዘይተፈልጠ ብዝተሰንደወ ቦምባ ኢድ እዩ እቲ መጥቃዕቲ ተኻዪዱ።

እቲ ቀዳማይ ሚኒስተር ድሕሪ’ቲ መጥቃዕቲ ኣብ ዝሃቦ ቃል፣ ሓያሎ ሰባት ህይወቶም ከምዝሰኣኑ’ኳ እንተገለጸ፣ ሚኒስትሪ ጥዕና’ታ ሃገር፣ ሓደ ሰብ ክመውት እንከሎ ልዕሊ ሚእቲ ዝኾኑ ከኣ ከምዝቖሰሉ ገሊጹ። 15 ካብኣ’ቶም ብከቢድ ዝቖሰሉ ኮይኖም ብኡ ንብኡ ናብ ሆስፒታል ከምዝተወስዱ ብተወሳኺ ሓቢሩ።

Read more...

ፕ.ኣልበሽር፣ ጉዳይ ደ.ሱዳን ንምፍታሕ ተበግሶ ይወስድ

Radio Erena: 24 June 2018

beshir and his FMጉዳይ ደቡብ ሱዳን ንምፍታሕ ተበጊሱ ዘሎ ፕረዚደንት ኣልበሽር፣ ምስ ፕረዚደንት ሙሰቨኒ ንምምኻር፣ ላዕለዋይ ጉጅለ ልኡኽ ናብ ዩጋንዳ ሰዲዱ።

እቲ ሚኒስተር ጉዳያት ወጻኢ ሱዳን ዝመርሖ ልኡኽ፣ ምስ ፕረዚደንት ሙሰቨኒ ኣብ ዝራኸበሉ እዋን፣ ብዛዕባ ኣብ መንጎ ሳልቫ ኪርን ሪክ ማቻርን ዘሎ ጋግ ንምጽባብ ኣብ ካርቱም ንዝግበር ኣኼባ መርሓ ሕንጻጽ ንምስፋር ምዃኑ ካብታ ሃገር ዝተፈነወ ዜና የመልክት።

ነዞም ክልተ ተቐናቐንቲ ደቡብ ሱዳን ንምቅርራብ፣ መራሕቲ ኣባል ሃገራት ኢጋድ ንፕረዚደንት ኣልበሽር ሓላፍነት ከምዝሃብዎ ዝዝከር’ዩ።

ኣብ ደቡብ ሱዳን ንኽካየድ ተወጢኑ ዘሎ ሃገራዊ ዘተን ዕርቅን፣ ሪክ ማቻር ንኽሳተፍ ዘቕረቦ ጠለብ፣ ብፕረዚደንት ሳልቫ ኪር ተቐባልነት ዘይምርካቡ፣ ሓደ ካብቲ ንክልቲኦም መራሕቲ ኣተፋኒኑዎም ዘሎ ጉዳይ ምዃኑ ብተደጋጋሚ ክግለጽ ጸኒሑ’ዩ።

Read more...

20 ሰነ ኣህጉራዊ መዓልቲ ስደተኛታት ብደረጃ ዓለም ተዘኪሩ

Radio Erena: 21 June 2018

wrday20 ሰነ ኣህጉራዊ መዓልቲ ስደተኛታት፣ ትማሊ ብደረጃ ዓለም ተዘኪራ ውዒላ።

እዛ ዕለት ትዝከር ዘላ፣ ካብ ማእከላይ ባሕሪ ዝደሓኑ ልዕሊ 60 ኤርትራውያን ዝርከብዎም 629 ስደተኛታት ዝጸዓነት መርከብ፣ ናብ ኢጣልያ ከይትጽጋዕ ተኸልኪላ ድሕሪ ምቕናያ፣ ናብ ስጳኛ ወደብ ቫሌንሽያ ኣብ ዝኣተወትሉ ኣጋጣሚ'ዩ።

ኣብዚ እዋን'ዚ ብደረጃ ዓለም 68 ሚልዮን ሰባት ካብ መነባብርኦም ተመዛቢሎም ከምዘለዉ ዘመልክተ ጸብጻብ ሕቡራት ሃገራት፣ እቶም ኣስታት 10 ሚልዮን ካብዚኣቶም ዶብ ሰጊሮም ኣብ ካልኦት ሃገራት ዑቕባ ዝሓተቱ'ዮም።

Read more...

ዚምባብወ፣ ንፕረዚደንት’ታ ሃገር ንምቕታል ዝተኻየደ ፈተነ ፈሺሉ

Radio Erena: 24 June 2018

assa_atempt mengaguaኣብ ዚምባብወ ንፕረዚደንት’ታ ሃገር ንምቕታል ዝተኻየደ ፈተነ ከምዝፈሸለ፣ ካብታ ሃገር ዝተፈነወ ዜና ኣረዲኡ።

ፕረዚደንት ኤመርሰን መንጋጓ፣ ንምርጫ ጎስጓስ ኣብ ዘካዪደሉ ዝነበረ እዋን፣ መንነቶም ዛጊት ካብ ዘይተፈልጡ ሰባት ናይ ቦምባ መጥቃዕቲ ከምዝተፈጸመሉ ዝገለጸ ኣፈኛ መንግስቲ ዚምባብወ፣ እቲ ፕረዚደንት ብዘይወላሓንቲ መጉዳእቲ ከምዝወጸ ኣብሪሁ።

ወሃብ ቃል ፕረዚደንት ጆርጅ ካራምባ ኣብ መግለጺኡ፣ ምኽትል ፕረዚደንት ዝርከቦም ገለ ሰበስልጣናት መንግስቲ፣ ፈኲስ መጉዳእቲ ወሪዱዎም ኣሎ።

ንሱ ብተወሳኺ ኣብ ዝሓለፈ እዋን ተደጋጋሚ ፈተነ ቅትለት ኣብ ልዕሊ ፕረዚደንት ኤመርሰን ከምዝተኻየደ ገሊጹ።

Read more...

ኣመሪካ፣ C-130E ዝዓይነታ ወትሃደራዊት ናይ መጓዓዝያ ነፋሪት ንኢትዮጵያ ለጊሳ

Radio Erena: 19 June 2018

C 130

ምምሕዳር ትራምፕ፣ ኣስታት 11 ሚልዮን ዶላር ዝዋግኣ፣ C-130E ሄርኩለስ ዝዓይነታ ወትሃደራዊት ናይ መጓዓዝያ ነፋሪት ንመንግስቲ ኢትዮጵያ ብሓገዝ ሂቡ።

እታ ኣብ ምጉዕዓዝ ወትሃደራትን ንብረትን እተገልግል፣ ገዛፍ ነፋሪት፣ ዝሓለፈ ሰሙን ናብ ኢትዮጵያ ከምዝተረከበት ኤምባሲ ኣመሪካ ካብ ኣዲስ ኣበባ ኣረጋጊጹ።

ኣመሪካ፣ ኣብ 2014'ውን ተመሳሳሊ ነፋሪት ንኢትዮጵያ ብሓገዝ ምሃባ ይዝከር።

እዘን ኣመሪካ ብሓገዝ ሂባተን ዘላ ወትሃደራውያን ናይ ጽዕነት ነፈርቲ፣ ኢትዮጵያ ኣብ ሶማል ኣብ እተካይዶ ዘላ ወትሃደራዊ ተልእኾ ኣብ ምምልላስ ሰራዊትን ንብረትን ክሕግዛ ምዃነን እቲ ሓበሬታ ይጠቅስ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.