c


ኣህጉራዊ ዜና

ኣመሪካ ኣብ ሶማል ዝርከብ ኤምባሲኣ ዳግማይ ትኸፍት

Radio Erena: 09 December 2018

mogadishu2ሕቡራት መንግስታት ኣመሪካ ኣብ ሶማል ዝርከብ ኤምባሲኣ ዳግማይ ከፊታቶ።

ምንጭታት ዜና ካብ ከተማ ሞቓድሾ ኣብ ዝፈነዉዎ ሓበሬታ፣ እዚ ድሕሪ 28 ዓመታት ዝኽፈት ዘሎ ኤምባሲ ኣመሪካ፣ ሓያል ዲፕሎማስያዊ ዕማም ይጽበዮ ከምዘሎ ኣመልኪቶም።

ኣቐዲሙ ኣብ ናይሮቢ፣ ኬንያ ቤት ጽሕፈቱ ሰሪቱ ዝነበረ ኣምባሳደር ዶናልድ ያማሞቶ፣ ናብ ከተማ ሞቓድሾ ብምግዓዝ ነቲ ኤምባሲ ክመርሖ’ዩ።

ቤት ጽሕፈት ጉዳያት ኣመሪካ ኣብ ዘውጸኦ መግለጺ፣ ምኽፋት’ዚ ኤምባሲ ኣብ ሞቓድሾ፣ መንግስቲ’ታ ሃገር ሰላምን ጸጥታን ኣብ ምስፋን ንዘካየዶ ጻዕርን ዓወታትን ምልክት እዩ ክብል ገሊጹዎ።

Read more...

ከባቢታት ጎንደር ብናይ ብሄር ግጭት ይሕመስ ከምዘሎ ተገሊጹ

Radio Erena: 06 December 2018

benshangኣብ ኢትዮጵያ ከባቢታት ጎንደር፣ ኣብዚ ሳልስቲ'ዚ ዝተጎሃሃረ ናይ ብሄር ግጭታት እናበሰ ይመጽእ ከምዘሎ ተሓቢሩ።

ማዕከናት ዜና መንግስቲ ኢትዮጵያ ግጭት ከምዝተጎሃሃረን ኣብ ሰብን ንብረትን ዕንወት ከምዝወረደን እኳ እንተረጋገጻ፣ እቲ ግጭት ናይ ብሄር ምዃኑ ግና ኣይሓበራን።

ይኹን'ምበር ዝተፈላለዩ ምንጭታት ካብቲ ከባቢ ብዝህብዎ ዘለዉ ሓበሬታ፣ እቲ ግጭት ኣብ መንጎ ተወለድቲ ኣምሓራን ቅማንትን ይካየድ ከምዘሎ ኣረጋጊጾም።

ኣብ ከባቢ ጎንደር ዝርከባ ዓድታት በቲ ግጭት ተጸልየን ከምዘለዋ ዝሓበሩ ምንጭታት፣ ብፍላይ ጭልጋ ዝተባህለት ዓዲ፣ ከቢድ ናይ ቶኽሲ ምልውዋጥ ይካየደላ ከምዘሎ ኣመልኪቶም።

Read more...

ስድራቤት ፕረዚደንት ጅቡቲ፣ ኣብ ፈረንሳ ዘለዎም ሃብቲ ምጽራይ ይካየደሉ ኣሎ

Radio Erena: 04 December 2018

Guelles wifeስድራቤት ፕረዚደንት ጅቡቲ እስማዒል ዑመር ገለ ኣብ ፈረንሳ ዝርከብ ሃብቶም ምጽራይ ይካየደሉ ኣሎ።

ፖሊስ ፈረንሳ ነቲ ምጽራይ ከካይዶ ምዃኑ ዝሓበረት ጋዜጣ ለ ሞንድ፣ ኣብ ፈረንሳ ዝርከብ ሸርፓ ዝተባህለ ትካል ተጣበቒ ሰብኣዊ መሰላት ምስ ማሕበር ኣብ ወጻኢ ናይ ዝርከቡ ጅቡታውያን ብምዃን ድሕሪ ዘቕረብዎ ክሲ'ዩ እቲ መስርሕ ተጀሚሩ ዘሎ።

በዓልቲ ቤት ናይቲ ን19 ዓመታት ኣብ ስልጣን ዘሎ ፕረዚደንት ጅቡቲ፣ ካድራ ሃይድን ሰብኣይ ጓሉ ቶሚ ታያሮ ኒኮስን ኣብ ማእከል ከተማ ፓሪስ፣ ብውሕዱ ሰለስተ ውቁብ ቪላታትን ካልእ ሃብትን ከምዝውንኑ'ዩ ብመርትዖ ቀሪቡ ዘሎ።

Read more...

ናይጀርያ፣ "በዓልቲ ቤት ፕረዚደንት'የ" እናበለት ከተታልል ዝጸንሐት ሰበይቲ ተኣሲራ

Radio Erena: 06 December 2018

buharis wifeኣብ ናይጀርያ፣ በዓልቲ ቤት ፕረዚደንት መሓመድ ቡሃሪ'የ እናበለት ከተታልል ዝጸንሐት ሰበይቲ ኣብ ቀይዲ ከምዝኣተወት ቢቢሲ ካብታ ሃገር ሓቢሩ።

እታ ኣሚና መሓመድ ዝተባህለት ሰበይቲ፣ ፕረዚደንት ቡሃሪ ምስ በዓልቲ ቤቱ ኣብ ናይጀርያ ኣብ ዘይነበርሉ እዋን ኣብ ታሕሳስ 2017፣ ናብ ፕረዚደንትን ካልኦት ሰበ ስልጣንን ዝነብርሉ ቀጽሪ ከም በዓልቲ ቤት እቲ ፕረዚደንት ተመሲላ ድሕሪ ምእታው፣ ንሓያሎ ወነንቲ ሃብትን ነጋዶን ብምዕዳም ከምዘታተለቶም እቲ ሓበሬታ ይጠቅስ።

እቲ መንበሪ፣ ብፍሉይ ናይ ይሕለፍ ፍቓድ ከምዝእቶ ዝሓበረ ፖሊስ ናይጀርያ ድማ፣ ፕረዚደንትን በዓልቲ ቤቱን ግና ምስ ፕሮቶኮሎም ስለዘይከይድ ብዙሕ ተፍትሽን ምጽራይን ከምዘይካየደሎም'ዩ ዘመልክት።

Read more...

ፕረዚደንት ናይጀርያ፣ ድሕሪ ሞቱ ንዕኡ ብዝመስል ሱዳናዊ'ዩ ተተኪኡ ንዝብል ወረ ነጺግዎ

Radio Erena: 04 December 2018

buhariፕረዚደንት ናይጀርያ መሓመድ ቡሃሪ፣ ድሕሪ ሞቱ ንዕኡ ብዝስል ሱዳናዊ'ዩ ተተኪኡ ዝብል ወረ፣ 'ሓሶት'ዩ' ክብል ወግዓዊ መግለጺ ሂቡሉ።

እቲ ፕረዚደንት ነዚ መግለጺ ክህብ ዝተገደደ፣ ማዕከናት ዜናን ህዝብን ናይጀርያ ነቲ ወረ ኣብ ዝቐባበሉሉ ዘለዉ እዋን'ዩ።

ብዘይተፈልጠ ሕማም ብጽኑዕ ተሰኒፉ ንኣስታት ሓሙሽተ ኣዋርሕ ኣብ ለንደን ኣብ ዝርከብ ሆስፒታል ተዓቑቡ ዝነበረ ፕረዚደንት ቡሃሪ፣ ናብ ሃገሩ ድሕሪ ምምላሱ'ዩ እቲ ወረ ተጋዊሑ።

ሓደ ሓደ ፖለቲከኛታት ኣብ ዝዘርግሕዎ ሓበሬታ'ውን፣ እቲ ፕረዚደንት ኣብ ለንደን ከምዝሞተ ብምሕባር፣ ንዕኡ ብዝመስል፣ ጂብሪል ዝተባህለ ሱዳናዊ ከምዝተሰነዐ ይጠቕሱ።

እዚ ኣብ ናይጀርያ ዝጋዋሕ ዘሎ ወረ፣ ነቲ ዝመጽእ ዓመት ዝካየድ ምርጫ ብኣሉታ ክጸልዎ ከምዝኽእል ተንተንቲ ፖለቲካ እታ ሃገር ይገልጹ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.