c


ኣህጉራዊ ዜና

መንግስቲ ኢትዮጵያ ዳግማይ ናይ ህጹጽ እዋን ኣዋጅ ኣውጺኡ

Radio Erena: 18 February 2018

eth_state emrgencyመንግስቲ ኢትዮጵያ ዳግማይ ናይ ህጹጽ እዋን ኣዋጅ ኣውጺኡ።

እዚ ንምርካብ ስልጣን ቀዳማይ ሚኒስተር’ታ ሃገር ሓደ መዓልቲ ስዒቡ ዝወጸ ኣዋጅ፣ ንህዝቢ ካብ ዝተነግረሉ መዓልቲ ኣትሒዙ ግብራዊ ከምዝኸውን፣ መንግስቲ’ታ ሃገር ኣፍሊጡ።

መንግስቲ ኢትዮጵያ ቀንዲ ምኽንያት ነዚ ንሽዱሽተ ኣዋርሕ ዝጸንሕ ናይ ህጹጽ እዋን ኣዋጅ ከውጽእ ዝተገደደሉ ምኽንያት፣ ኣብታ ሃገር ካብ መዓልቲ ናብ መዓልቲ እንዳተጎሃሃረ ዝመጽእ ዘሎ ህዝባዊ ናዕቢ ንምቁጽጻርን፣ ድሕነት ትካላትን ህዝብን ንምሕላውን ምዃኑ’ዩ ዝገልጽ።

Read more...

መንግስቲ ሱዳን ምእሳር ሓለፍቲ ተቓወምቲ ውድባት ይቕጽል

Radio Erena: 18 February 2018

arrestaprotesterመንግስቲ ሱዳን ምእሳር ሓለፍቲ ተቓወምቲ ውድባት ይቕጽሎ ከምዘሎ፣ ካብታ ሃገር ዝተፈነወ ዜና ኣመልኪቱ።

ኣብዚ ዝሓለፈ መዓልታት፣ ህዝቢ ክለዓዓልን ሰላማዊ ሰልፊ ከካዪድን ጎስጒስኩም ብምባል ተጣባቒት መሰላት ናጂላ መሓመድ ዓሊ እትርከቦም ሓያሎ ፖለቲከኛታት ኣብ ትሕቲ ቀይዲ ከምዝኣተዉ ይግለጽ።

ካልኦት ኣባላት ሰልፊ ኡማ ዝርከብዎም እውን ንሰለስተ ተኸታታሊ ሰላማዊ ሰልፍታት ኣዳሊኹም ብምባል ኣባላት ጸጥታ መንግስቲ ሱዳን ከካብ ዝተረኽቡዎ ወሲዶም ቀዪዶሞም ከምዘለዉ ተሓቢሩ።

Read more...

ሚ/ጉዳያት ወጻኢ ሱዳን ምስ ፕረዚደንት ቱርኪ ኣብ ዕጹው ተዘራሪቦም

Radio Erena: 15 February 2018

 ghandouሚኒስተር ጉዳያት ወጻኢ ሱዳን ኢብራሂም ጋንዶር ምስ ፕረዚደንት ቱርኪ ጣይብ ኤርዶዋን ዕጹው ርክብ ከምዘካየደ ኣገልግሎት ዜና ቱርኪ- ኣናዶሉ ሓቢሩ።

እቲ ብሰሉስ 13 ለካቲት ኣብ ከተማ ኢስታንቡል ዝተኻየደ ዕጹው ዘተ ልኡኽ መንግስቲ ሱዳንን ፕረዚደንት ቱርኪን ዘተኮረሉ ዛዕባ ኣይተገልጸን።

ቤት ጽሕፈት ፕረዚደንት ቱርኪ ይኹን መንግስቲ ሱዳን ብዛዕባ'ቲ ዕጹው ዘተ ብዝምልከት ወግዓዊ መግለጺ እኳ እንተዘይሃብሉ፣ ኣብ ጉዳይ እቲ ክልቲኤን ሃገራት ዝኸተምኦ ስምምዕን ዝፈጠሮ ዞባዊ ጽልዋን ከምዘተኮረ ሓያሎ ተንተንቲ ግምታቶም ይህቡ።

Read more...

ሱዳን ምስ ደቡብ ሱዳን ዓጽያቶ ዝጸንሐት ዶብ ከፊታ

Radio Erena: 16 February 2018

sudan south sudan

ሱዳን ምስ ደቡብ ሱዳን ንሸውዓተ ዓመታት ዓጽያቶ ዝጸንሐት ዶባት ከምዝኸፈተት ሚኒስተር ንግዲ እታ ሃገር ሓተም ኣል ሳር ሓቢሩ።

ዶብ ሱዳንን ደቡብ ሱዳንን ንሕጋዊ ንግዲ ክኽፈት ዝተወሰነሉ ብእትዛዝ ፕረዚደንት በሽር ምዃኑ ዝሓበረ እቲ ሚኒስተር፣ ምኽፋት እቲ ዶባት፣ ንኮንትሮባንዳን ዘይሕጋዊ ምስግጋርን ክገትኦ ዘለዎ ተስፋ ገሊጹ።

ሱዳን ካብ ምእዋጅ ናጽነት ደቡብ ሱዳን ኣብ 2011 ኣትሒዛ ዓጽያቶ ዝጸንሐት ዶባት ትኸፍት ዘላ፣ ፕረዚደንት እታ ሃገር ዑመር ሓሰን ኣልበሽር ምስ ኩለን ጎረባብቲ ብዶባት ዝካየድ ንግዲ ክቕጽል ኣብ ዝሓለፈ ቅንያት ድሕሪ ዘሕለፎ ውሳኔ'ዩ።

Read more...

ኢትዮጵያ፣ ኣብ ዝበዝሐ ከባቢታት ክልል ኦሮሞያ ናዕብን ሰለማዊ ሰልፍታትን ይቕጽል

Radio Erena: 15 February 2018

 ethio unresኣብ ኢትዮጵያ፣ ኣብ ብዙሕ ከባቢታት ክልል ኦሮሞ ናዕብን ሰለማዊ ሰልፍታትን ይቕጽል ኣሎ።

ኣብዚ ሳልስቲ'ዚ ዳግም ተጎሃሂሩ ዘሎ ናዕብን ሰልማዊ ሰልፍታትን፣ ዛጊት ቁጽሮም ብንጹር ዘይተፈልጠ ሰባት ክሞቱን ክቖስሉን እንከለዉ፣ ኣብ ንብረት'ውን ከቢድ ዕንወት ወሪዱ።

ኣብ ሓያሎ ከተማታት እቲ ክልል ዝርከብ መንግስታውን ብሕታውን ትካላት'ውን ተዓጽዩ ምህላዉ ይግለጽ።

ብሰንኪ'ዚ ዝካየድ ዘሎ ናዕቢ፣ ናብ ምብራቓዊ ሸነኽ እታ ሃገር ብፍላይ ድማ ናብ ክልል ዓፋርን ጎረቤት ሃገር ጅቡትን ዝወስድ መንገድታት ተዓጽዩ ይርከብ።

ብፍላይ እቲ ንኢትዮጵያን ጅቡትን ዘራኽብ መስመር ኣብ ሓደጋ ምውዳቑ፣ ንቁጠባ ኢትዮጵያ ክሓንቕ ከምዝኽእል'ዩ ዝግለጽ ዘሎ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.