c


ኣህጉራዊ ዜና

ባይቶ ፈረንሳ፣ ጽኑዕ ሕጊ ስደተኛታት ኣጽዲቑ

Radio Erena: 24 April 2018

france refugees

ባይቶ ፈረንሳ፣ ንሓያሎ ሰሙናት ከካትዕ ዝጸንሐ ሓድሽ ሕጊ ስደተኛታት ኣጽዲቑ።

እቲ ንዋሕዚ ስደተኛታት ዝገትአን ሕጋዊ መንበሪ ፍቓድ ንዘይብሎም ከኣ በስገዳድ ንምጥራዝን ዘኽእል ሓድሽ ሕጊ፣ ኣብ ግብሪ ንኽውዕል ናይ 228 ኣባላት ባይቶ ናይ ደገፍ ድምጺ ብምርካብ'ዩ ጸዲቑ ዘሎ።

ኣብቲ 60 ሰዓታት ዝወሰደ ዘተን ክትዕን ኣባላት ባይቶ 139 ክቃወምዎ እንከለዉ 24 ድምጺ ካብ ምሃብ ተቖጢቦም።

ብመሰረት 'ቲ ጸዲቑ ዘሎ ሓድሽ ሕጊ፣ ሕቶ ፖለቲካዊ ዑቕባ ዘቕረቡ ስደተኛታት፣ ኣብ ውሽጢ ሰለስተ ኣዋርሕ መልሲ ክወሃቦም፣ እቶም ዝተነጽጉ ድማ ናብ ሃገሮም ክስጎጉ ዝብል ነጥቢ ይርከቦ።

Read more...

ሓይልታት ሑቲ፣ ኣብ ቀይሕ ባሕሪ እትንቀሳቐስ ዝነበረት መርከብ ስዑዲ ዓረብ ኣጥቂዖም

Radio Erena: 24 April 2018

houthi attack

ሓይልታት ሑቲ፣ ኣብ ቀይሕ ባሕሪ፣ ከባቢ ውደብ ሖዴዳ እትንቀሳቐስ ንዝነበረት ናይ ስዑዲ ዓረብ መርከብ ከምዘጥቅዑ ምንጭታት ሓቢሮም።

ብመሰረት እቲ ድሒሩ ዝቐርብ ዘሎ ዝተፈላለየ ሓበሬታ፣ እታ ኣብ ፈለማ ዕለታት ናይዚ ወርሒ መጥቃዕቲ ወሪዱዋ ዘሎ መርከብ ወትሃደራዊት ምዃና ኣንፊቶም።

እንተኾነ፣ ንግስነት ስዑዲ ዓረብ እታ መርከብ ነዳዲ እተመላልስ ምንባራ'ዩ ዝገልጽ።

ኣብ ልዕሊ እታ መርከብ ይኹን ሰራሕተኛታታ ዝወረደ ክሳራታት ብዝርዝር ኣይተነጸረን።

Read more...

ኢትዮጵያ ሓድሽ ካቢኔ ሚኒስተራት ኣቚማ

Radio Erena: 22 April 2018

cabine ethiopiaሓድሽ ቀዳማይ ሚኒስተር ኢትዮጵያ፣ ብሓሙስ 19 ሚያዝያ ካቢኔ ሚኒስተራት ከምዘቖመ ካብታ ሃገር ዝተመሓላለፈ ዜና ኣመልኪቱ።

እቲ ብቀዳማይ ሚኒስተር ንካቢኔ ናይ ዝተረቑሑ ሰባት እማመ፣ ብባይቶ’ታ ሃገር ተቐባልነት ረኺቡ ኣሎ።

ቀዳማይ ሚኒስተር ኣብይ ኣሕመድ ኣቐዲሞም ሚኒስተራት ዝጸንሑ ናይ ቦታ ምልውዋጥ ክገብር እንከሎ፣ ሓደስቲ 10’ውን ከምዝሾመ ተገሊጹ።

ኣብዚ ሓድሽ ቆይሙ ዘሎ ካቢኔ ሚኒስተራት ኢትዮጵያ፣ ሚኒስተር ምክልኻል ዝነበረ ሲራጅ ፈገሳ፣ ብሞቱማ መካሳ ተተኪኡ ኣሎ። ከምዝፍለጥ ኣብ መላእ ኢትዮጵያ ተኣዊጁ ዘሎ እዋን ህጹጽ ሓደጋ ብሚኒስተር ምክልኻል’ዩ ዝእዘዝ።

Read more...

ላዕለዋይ ኮሚሽነር ሰብኣዊ መሰላት ሕ/ ሃ ናብ ኢትዮጵያ ይበጽሕ

Radio Erena: 24 April 2018

UN comissioner

ላዕለዋይ ኮሚሽነር ሰብኣዊ መሰላት ሕቡራት ሃገራት ዘይድ ራ'ኣድ ኣል ሑሰን፣ ብዛዕባ ህሉው ኩነታት ሰብኣዊ መሰላት ኢትዮጵያ ንምዝርራብ ናብ ኣዲስ ኣበባ ኣትዩ።

እቲ ኮሚሽነር ኣብ ኣዲስ ኣበባ ኣብ ዝጸንሓሉ ኣርባዕተ መዓልታት ምስ ቀዳማይ ሚኒስተር ኣብይ ኣሕመድ፣ ናይ ፖለቲካ እሱራት ነበርን መራሕቲ ተቓወምቲ ሰልፍታትን ክዘራረብ ምዃኑ ተሓቢሩ።

ሎሚ 24 ሚያዝያ ኣብ ዝጋባእ ኣኼባ ሓባራዊ ዘተ ሰብኣዊ መሰላት፣ ሕብረት ኣፍሪቃን ሕቡራት ሃገራትን ክሳተፍ ምዃኑ ዝተሓበረ ኮሚሽነር ኣል ሑሰን ምስ ኮሚሽነር ሕብረት ኣፍሪቃ ሙሳ ፋኪ መሓመድ ብምርኻብ ክዝቲ'ዩ።

Read more...

ከሰላ፣ ዋሕዲ ነዳዲ ይብእስ

Radio Erena: 20 April 2018

dabanga

ኣብ ምብራቕ ሱዳን፣ ዞባ ከሰላ፣ ዝተራእየ ዋሕዲ ነዳዲ እናበኣሰ ይመጽእ ከምዘሎ ተሓቢሩ።

ኣብ ከሰላ ሕጽረት ነዳዲ ካብ ዘጋጥም ካልኣይ ወርሑ ኣቝጺሩ ከምዘሎ ዝሓበረት ሬድዮ ዳባንጋ፣ እቲ ኣውራ ጠንቂ፣ ናብቲ ዞባ ተዋፊሩ ዘሎ ምዱብ ሰራዊት ምዃኑ ጠቒሳ።

ናብቲ ዞባ ተዋፊሩ ዘሎ ሰራዊት፣ ንመካይንን ካልእ መዓላታትን ነዳዲ ብዘይገደብ የህልኽ ብምህላዉ፣ ህዝቢ ብዋሕዲ ነዳዲ ክጨናነቕ ከምዝርአ'ዩ እቲ ሓበሬታ ዘመልክት።

ኣብ ርእሲ'ዚ ሰራዊት ነቲ ብዘይገደብ ዝጓርቶ ዘሎ ነዳዲ ተመሊሱ ብጸሊም ዕዳጋ ንህዝቢ ከምዝሸጦ ይውቀስ።

መንግስቲ ሱዳን፣ ብደረጃ ሃገር ዋሕዲ ነዳዲ ከምዘየለ እኳ እንተገለጸ፣ ኣብ ዞባ ከሰላ ግና ርኡይ ዋሕዲ ነዳዲ ከምዘሎ ነበርቲ የማርሩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.