c


ዜና ኤርትራ

ኤርትራ ተሳታፊት ኣባል ባንክ ሰደድን እታውን ኣፍሪቃ ኮይና

Radio Erena: 23 November 2017

Bank Africa

ኤርትራ፣ መበል 48 ተሳታፊት ኣባል ባንክ ሰደድን እታውን ኣፍሪቃ ኮይና።

እቲ ኣብ ግብጺ፣ ከተማ ካይሮ ዝመደበሩ ባንክ ብ21 ሕዳር ኣብ ዝዘርግሖ መግለጺ፣ ኤርትራ ተሳታፊት ኣባል ንኽትከውን ሚኒስተር ፋይንናስ ኣቶ ብርሃነ ሃብተማርያም ነቲ ስምምዕ ከምዝኸተመሉ ኣፍሊጣ።

ኤርትራ ኣባል እዚ ባንክ ክትከውን ዝወሰነት፣ ፕረዚደንት ናይቲ ባንክ ዶክተር በነዲክት ኦራማህ ኣብዚ ቀረባ ናብ ኣስመራ ብምብጻሕ ምስ ፕረዚደንት ኢሳይያስ ኣፈወርቂ ድሕሪ ምዝርራቡ'ዩ።

Read more...

ነቭሰን፣ ኣብ ካናዳ ዝተመስረተሉ ክሲ ናብ ኤርትራ ክሰጋገር ዘቕረቦ ጥርዓን ተነጺጉ

Radio Erena: 22 November 2017

Nevsun2

ኣብ ቢሻ ዕደና ዘካይድ ዘሎ ኩባንያ ኔቭሰን፣ ኣብ ካናዳ ኣብ ዝርከብ ቤት ፍርዲ ብኤርትራውያን ንዝቐረበሉ ክሲ ናብ ቤት ፍርዲ ኤርትራ ክሰጋገር ዘቕረቦ ጥርዓን ተነጺጉ።

ቤት ፍርዲ ብሪቲሽ ኮሎምብያ ናይ ካናዳ፣ ኣብ ጉዳይ እቲ ኣብ ቢሻ ዕደና ዘካይድ ዘሎ ኩባንያ ኔቭሰን ንዝቐረበ ክሲ ብዝምልከት፣ ናይ ይግባይ መስርሕ ኣብ መወዳእታ ወርሒ መስከረም ድሕሪ ምርኣዩ'ዩ፣ ትማሊ ሰሉስ 21 ሕዳር ኣብ ዝሃቦ ውሳኔ'ዩ፣ ነቲ ብኔቭሰን ዝቐረበ ናይ ይግባይ ጥርዓን ዝነጸጎ።

ኩባንያ ዕደና ኔቭሰን፣ ኣብ ኤርትራ ኣብ ዘካይዶ ዕደና፣ ኣብ ግዱድ ሃገራዊ ኣገልግሎት ተመዲቦም ንዝመጽዎ ኤርትራውያን፣ ኣብ ስራሕ ብምውፋሩ፣ ብናጻ ናይ ጉልበት ምዝመዛን ምስኡ ዝተሓሓሓዘ ምግሃስ መሰረታዊ ሰብኣዊ መሰላትን፣ ኣብ 2014 ኣብ ካናዳ ኣብ ዝርከብ ቤት ፍርዲ ክሲ ከምዝተመስረተሉ ይዝከር።

Read more...

ብዘይካ ኤርትራ ኩለን ሃገራት ቀርኒ ኣፍሪቃ ዝሳተፍኦ ሓባራዊ ወትሃደራዊ ልምምድ ኣብ ሱዳን ይካየድ

Radio Erena: 22 November 2017

East Africa Standby force

10 ሃገራት ምብራቕ ኣፍሪቃ ዝሳተፍኦ ሓባራዊ ወትሃደራዊ ልምምድ ኣብ ሱዳን ይካየድ ይካየድ ኣሎ።

እቲ ብድሉው ሓይሊ ሃገራት ምብራቕ ኣፍሪቃ ዝፍለጥ ኣስታት ሓደ ሽሕ ወትሃደራት ዝሓቖፈ ሰራዊት፣ ብ20 ሕዳር ልምምድ ከምዝጀመረ ዘረጋገጸ ሚኒስተር ምክልኻል ሱዳን መሓመድ ዓሊ ሳልም ክሳብ 3 ታሕሳስ ክቕጽል ምዃኑ ኣፍሊጡ።

ዋና ጸሓፊ ናይቲ ድሉይ ሓይሊ ምብራቕ ኣፍሪቃ፣ ጅቡታዊ ዓብዱላሂ ዑመር ቡሕ፣ እቲ ሓባራዊ ወትሃደራዊ ልምምድ ድሕሪ ምጅማሩ ብዝሃቦ መግለጺ መሰረት፣ እቲ ሰራዊት፣ ኣብ ቀርኒ ኣፍሪቃ ከጋጥም ንዝኽእል ኩነታት ህጹጽ ምላሽ ንምሃብ ዝህልዎ ዓቕሚ ክፍትሽ'ዩ።

Read more...

እስራኤል፣ ዝበዝሑ ኤርትራውያን ንዝርከብዎም ሓተቲ ዑቕባ ኣብ ውሽጢ ሰለስተ ኣዋርሕ ናብ ርዋንዳ ክኸዱ ትደፋፍእ

Radio Erena: 22 November 2017

Holot

መንግስቲ እስራኤል፣ ዝበዝሑ ኤርትራውያን ንዝርከብዎም ሓተቲ ዑቕባ፣ ኣብ ውሽጢ ሰለስተ ኣዋርሕ ናብ ርዋንዳ ክኸዱ ይደፋፍእ ምህላዉ ማዕከናት ዜና ካብታ ሃገር ሓቢሩ።

እቲ መንግስቲ፣ ነቶም ልዕሊ 27 ሽሕ ኤርትራውያን ዝርከብዎም ሓተቲ ዑቕባ፣ ናብ ርዋንዳ ክኸዱ ዝደፋፍእ ዘሎ፣ ክፉት ቤት ማእሰርቲ ኾሎት ኣብ ውሽጢ 4 ኣዋርሕ ክዕጾ ድሕሪ ምውሳኑ'ዩ።

መንግስቲ እስራኤል ነቲ ብክልተ ሚኒስተራት ንዝቐረበ እዋመ፣ ብሰንበት 19 ሕዳር ሕሪ ምምይያጥ፣ "ኾልት ንስደተኛታት ምቹእ ስለዝኾነ፣ ሓተቲ ዑቕባ ካብ እስራኤል ክወጹ ኣየተባብዖምን" ብምባል'ዩ ክዕጾ ወሲኑ።

Read more...

ማሕበር ካቶሊካውያን ጉባኤታት ምብራቕ ኣፍሪቃ፣ መንግስታት ኤርትራን ኢትዮጵያን ንምዝርራብ ተበግሶ ይወስድ

Radio Erena: 22 November 2017

Catholics

ማሕበር ካቶሊካውያን ጉባኤታት ምብራቕ ኣፍሪቃ፣ መንግስታት ኤርትራን ኢትዮጵያን ንምዝርራብ ተበግሶ ከምዝወሰደ ይግለጽ ኣሎ።

መንግስቲ ኤርትራ ካብ ዝተፈላለያ ሃገራት እቲ ዞባ ንዝተወከሉ 11 ጳጳሳት ናብ ኤርትራ ክኣትዎ ክፈቅድ እንከሎ፣ ንፕረዚደንት ናይቲ ዞባዊ ማሕበርን ሊቀ ጳጳስ ካቶሊካዊት ቤተ ክርስትያን ኢትዮጵያን ካርዲናል ብርሃነየሱስ ሱራፉኤል'ውን ከምዝኸልከሎም ጋዜጣ ዘ ሪፖርተር ካብ ኣዲኣ ኣበባ ሓቢራ።

እቲ ኣብ ኬንያ ዝመደበሩ ማሕበር ካቶሊካውያን ጉባኤታት ምብራቕ ኣፍሪቃ፣ ኣብ መንጎ ኤርትራን ኢትዮጵያን ዕርቂ ንምውራድ ዝዓለም ዘተ ንምክያድ'ዩ ምስ ክልትኤም መንግስታት ንምዝርራብ ተበግሶ ወሲዱ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.