c


Erena on Facebook

SFbBox by web design dubai

Human Rights

ኤርትራ፣ ሑጻ ዘመላለሳ ናይ ጽዕነት መካይን ተኣጊደን ምህላወን ተሓቢሩ

Radio Erena: 12 December 2018

Sand transporting cars

ኣብ ኤርትራ፣ ሑጻ ዘመላልሳ ናይ ጽዕነት መካይን ተኣጊደን ከምዘለዋ ምንጭታት ሬድዮ ኤረና ሓቢሮም።

ሑጻ ጽዒነን ክንቀሳቐሳ ዝተታሕዛ ናይ ጽዕነት መካይን፣ ኣብ ከባቢ ሓዲ ሃሎ ተኣኪበን ከምዘለዋ ዝሓበሩ እቶም ምንጭታት፣ ናይ ውልቂ መንበሪ ኣባይቲ ምትዕርራይ ከምዝከኣል ተፈቒዱ እኳ እንተሎ፣ ሑጻ ዘመላልሳ መካይን ምእጋደን ግና ዕንቕፋት ክፈጥር ከምዝኽእል የመልክቱ።

ኣስታት ክሳብ 3 ሽሕ ናቕፋ ዝነበረ፣ ዋጋ ሓንቲ መኪና ሑጻ፣ ብሰንኪ እዚ ተወሲዱ ዘሎ ስጉምቲ ናብ ልዕሊ 5 ሽሕ ናቕፋ ከይዓርግ ይስጋእ።

ካብ ኢትዮጵያ ዝኣቱ ዘሎ ሰሜንቶን ካልእ ናይ ህንጻ መሳርሒታትን ዕዳጋታት ኣረጋጊኡ ኣብ ዘለወሉ ግዜ፣ ህዝቢ ኣባይቱ ንምትዕርራይ ክጓየ'ዩ ጸኒሑ።

Read more...

ግብጽን ሱዳንን ወትሃደራዊ ምሕዝነተን ንምድልዳል ተወሳኺ ርክባት የካይዳ

Radio Erena: 12 December 2018

minister of sudan

ግብጽን ሱዳንን ዝምስርትኦ ዘለዋ ወትሃደራዊ ምሕዝነት ንምድልዳሉ ዝዓለመ ርክባት ኣካይደን።

ኣብ ግብጺ ምብጻሕ ዘካየደ፣ ብሚኒስተር ምክልኻል፣ ጀነራል ዓዋድ ኢብን ዓውፍ ዝምራሕ ላዕለዋይ ልኡኽ ሱዳን ምስ ፕረዚደንት ዓብደልፈታሕ ኣል ሲሲ ኣብ ዝተራኸበሉ፣ ኣብ ዶባት ክልቲኤን ሃገራት ዘሎ ጸጥታዊ ስግኣታትን ብሓባር ናይ ምክምካቱ መደባትን ዘትዮም።

ሚኒስተራት ምክልኻል ክልቲኤን ሃገራት ኣብ መወዳእታ ወርሒ ሕዳር'ውን ኣብ ካርቱም ተመሳሳሊ ርክብ ምክያዱ ይዝከር።

ወትሃደራዊ ልኡኽ ሱዳን ናብ ግብጺ ዘምርሐ፣ ኣብ ካይሮ ኣብ ዝተኻየደ ወትሃደራዊ ኤክስፖ ንምስታፍ ኮይኑ፣ ጎኑ ጎኑ ድማ ምስ ሓያሎ ወትሃደራውያን መራሕቲ እታ ሃገር ተዘራሪቡ።

Read more...

ኤርትራውያን ኣብ እስራኤል፣ ንስምምዕ ምስጓግ ስደተኛታት ንምኹናን ንኻልኣይ እዋኖም ሰለማዊ ሰልፊ ኣካይዶም

Radio Erena: 08 February 2018

 eri in isrl demoኣብ እስራኤል ዝርከቡ ኤርትራውያን ስደተኛታት፣ ርዋንዳን እስራኤልን ዘካይድኦ ዘለዋ ስምምዕ ምስጓግ ስደተኛታት ንምኹናን ኣብ ክልተ ቅነ፣ ንኻልኣይ እዋኖም ሰፊሕ ሰለማዊ ሰልፊ ኣካይዶም።

እቶም ኣማኢት ኤርትራውያን ትማሊ 7 ለካቲት ኣብ ዘካይድዎ ሰለማዊ ሰልፊ፣ ፍቓድ ኣውጽኦም ክነሶም ናብ ቀጽሪ ኤምባሲ ርዋንዳ ከይቀርቡ ፖሊስ እስራኤል ክኽልክልዎም ከምዝፈተኑ ምንጭታት ሬድዮ ኤረና ካብ ቴልኣቪቭ ሓቢሮም።

Read more...

10 ታሕሳስ ኣህጉራዊ መዓልቲ ሰብኣዊ መሰላት ተዘኪሩ

Radio Erena: 11 December 2017

Human Right Day

10 ታሕሳስ ኣህጉራዊ መዓልቲ ሰብኣዊ መሰላት ትማሊ ሰንበት ብደረጃ ዓለም ተዘኪሩ።

ብደረጃ ዓለም ኣብ ፓሪስ ተዘኪሩ ዝወዓለ ኣህጉራዊ መዓልቲ ሰብኣዊ መሰላት፣ ነቲ ኣብ 1948 ንዝተኸተመ ውዕላት ኣህጉራዊ ሰብኣዊ መሰላት ብምትሕሳስብ፣ እቲ ቅድሚ 69 ዓመት ዝተኸተመ ውዕላት ገና ብብዙሓት ሃገራት ከምዘይተተግበረ ኣገንዚቡ።

ዋና ጸሓፊ ሕቡራት ሃገራት ኣንትዮንዮ ጉተረስ፣ ብምኽንያት እዛ ዕለት ኣብ ዝሃቦ መግለጺ፣ ሰብኣዊ መሰላት ሓደ ካብ ኣውራ መሕእውራት ንምምስራት እቲ ኣህጉራዊ ውድብ ምዃኑ ጠቒሱ።

ውዕላት ሰብኣዊ መሰላት ንዝፍጸሙ ምግሃስ ሰብኣዊ መሰላት ደው ከብሎ እኳ እንተዘይክኣለ፣ ንዝበዝሑ ህዝብታት ዓለም ግና ዝያዳ ሓርነትን ናጽነትን ከስተማቕሩ ከም መሳርሒ የገልግል ከምዘሎ ኣረዲኡ።

Read more...

ጀርመን ናይ 212.6 ሚልዮን ዩሮ ሓገዝ ንኢትዮጵያ ክትህብ ምናዃ ኣፍሊጣ

Radio Erena: 05 November 2017

haylemaryam_merkelጀርመን ናይ 212.6 ሚልዮን ዩሮ ሓገዝ ንኢትዮጵያ ክትህብ ምናዃ ኣፍሊጣ።

እዚ ኢትዮጵያ ዝልገሰላ ዘሎ ፋይናንስያዊ ሓገዝ፣ ኣብ ጽላታት ሕርሻን ትምህርትን ዝውዕል ምዃኑ ዝሓለፈ ዓርቢ ዕለት 3 ካብ ጀርመን ዝተመሓላለፈ ዜና ኣመልኪቱ።

ኣብቲ ዕለት ብወገን መንግስቲ ኢትዮጵያ ነቲ ስምምዕ ዝፈረመ ሚኒስተር ዶክተር ኣድማሱ፣ ክልቲኤን ሃገራት ኣብ ምቕረሐ መሬት፣ ምምካት ደርቂ፣ ምዕባይ ምህርቲ ሕርሻን ተክኖሎጂን ኣብ ዝኣመሰሉ መዳያት ምትሕብባር ክቕጽላ ምዃነን ኣፍሊጡ። ንሱ ብተወሳኺ፣ እዚ ተለጊሱ ዘሎ ናይ 212.6 ሚልዮን ዩሮ ሓገዝ ኣብ ግቡእ መዓላኡ ክውዕል ምዃኑ ቃል ኣትዩ።

Read more...




Powered by Joomla!®. Designed by: free hosting no ads resell dot me domains Valid XHTML and CSS.