Welcome to Radio Erena!
መንግስቲ ኤርትራ፣ ነፈርቲ ኵናት ንምጽጋን ምስ ሩስያ ኣብ ምዝርራብ ከምዘሎ ተሓቢሩ
Radio Erena: 16 June, 2014
መንግስቲ ኤርትራ፣ ብሰንኪ ቴክኒካዊ ጸገም ካብ ስራሕ ወጻኢ ኮይነን ንዘለዋን ተወሳኺ ምምሕቅሽ ክግበረለን ዘድለያን ሚግ 29 ነፈርቲ ኵናትን ሄሊኮፕተራትን፣ ንኽጽገና ምስ ኩባንያ ሩስያ ኣብ ምዝርራብ ከምዘሎ ምንጭታት ሬድዮ ኤረና ሓቢሮም።
ባይቶ ጸጥታ ኣብ ልዕሊ መንግስቲ ኤርትራ ናይ ኣጽዋር መሸተ እገዳ ካብ ዘንብር ንደሓር፣ ብፍላይ ሓይሊ ኣየር ኤርትራ መቐያየሪ ኣቝሑ ንምሽማት ኣብ ከቢድ ጸገም ወዲቑ ከምዝደሎ ብተደጋጋሚ እዋን ክግለጽ ጸኒሑ'ዩ።
ኣባል ባይቶ ጸጥታ ዝኾነ ሩስያ'ውን ነቲ ብዓብላላ ድምጺ ዝጸደቐ ውሳነ እገዳ ከተተግብር ትግደድ እኳ እንተኾነት፣ ምስ መንግስቲ ኤርትራ ኣብ ዕደና ዘተኮረ ወፍሪ ንምክያድ ስምምዓት ኣብ እትኽትመሉ ዘላ እዋን ግና፣
በዓልቲ ቤቱ ቀቲሉ ኣብ እስራኤል ኣብ ቤት ማእሰርቲ ዝጸንሐ ኤርትራዊ ርእሰ ቅትለት ፈጺሙ
Radio Erena: 16 June, 2014
ንበዓልቲ ቤቱ ቀቲሉ ተባሂሉ ኣብ እስራኤል ኣብ ቤት ማእሰርቲ ተቀይዱ ዝጸንሐ ኤርትራዊ ርእሰ ቕትለት ፈጺሙ።
ዮርሳሌም ፖስት ኣቕሪብዎ ብዘሎ ጸብጻብ፣ እቲ ሓድሪም ኣብ ዝተባህለ ቤት ማእሰርቲ ዝጸንሐ ኤርትራዊ ስደተኛታት፣ ፍርዲ ክወሃቦ ኣብ ትጽቢት እንከሎ'ዩ ዝሓለፈ ሰሙን ብጨርቒ ተሓኒቑ ህይወቱ ዘሕለፈ።
እቲ ስሙ ዘይተሓበረ ወዲ 39 ዓመት ኤርትራዊ መንእሰይ፣ ኣብ ከተማ ቴልኣቪቭ ኣብ ታሕሳስ 2012 ንበዓልቲ ቤቱ ብኻራ ድሕሪ ምቕታሉ፣ ካብ ጥሪ 2013 ኣትሒዙ ፍርዲ ንኽወሃቦ ኣብ ቤት ማእሰርቲ'ዩ ጸኒሑ።
መንግስቲ፣ ኣርባዕተ ካቶሊካውያን ጳጳሳት ኤርትራ ዘቕርብዎ ሕቶ፣ ብኣመሪካ ዝተደፋፍእ'ዩ ዝብል ወረ ይነዝሕ ኣሎ
Radio Erena: 13 June, 2014
ኣርባዕተ ካቶሊካውያን ጳጳሳት ናብ ህዝቢ ዝዘርግሕዎ እዋናዊ መልእኽቲ፣ ኣብ ውሽጢ ዓዲ ዝርከብ ህዝቢ ኤርትራ ብፍላይ ኣብ ከተማ ኣስመራ ሓደ ካብቲ ዝዓበየ መዘራረቢ ጉዳይ ኮይንሉ ኣብ ዘሎ እዋን፣ መንግስቲ እቶም ጳጳሳት ብኣመሪካ ዝተደፋፍኡ'ዮም ዝብል ወረ ይነዝሕ ምህላዉ ተሓቢሩ።
ኣብ ወጻኢ ዝርከቡ ወከልቲ መንግስቲ፣ ነቲ ብኣመሪካ ዝተደፋፍኡ'ዮም ዝብል ወረ ከም ወግዓዊ ሓበሬታ ኣብ ምዝርጋሕ ክርከቡ እንከለዉ፣ ኣብ ውሽጢ ዓዲ ድማ ከምቲ ልሙድ ብወረ ወረ ጥራይ'ዩ ዝሰጋገር ዘሎ።
ኣብ ሊብያ መዓስከር ስደተኛታት ንኽቐውም ብኢጣልያ ዝቐረብ እማመ ብውድብ ሕቡራት ሃገራት ተነጺጉ
Radio Erena: 13 June, 2014
ኣብ ሊብያ መዓስከር ስደተኛታት ክቐውም ብኢጣልያ ዝቐረበ እማመ፣ ብውድብ ሕቡራት ሃገራት ተነጺጉ።
ብዋሕዚ ኣሽሓት ስደተኛታት እተማርር ዘላ ኢጣልያ፣ ኣብ ሊብያ መዓስከር ስደተኛታት ክቐውም ደጋጊማ ክትጽውዕ ምጽናሓ ዝፍለጥ'ዩ።
ቀዳማይ ሚኒስተር እታ ሃገር ማትዮ ሬንዚ ብዛዕባ'ዚ ኣመልኪቱ ትማሊ ንማዕከናት ዜና ኣብ ዝሃቦ ሓበሬታ፣ ኣብ ሊብያ ዘሎ ፍኑው ኩነታት ንኢጣልያ ግዳይ ዋሕዚ ስደተኛታት ጌርዋ ከምዘሎ ብምዝኽኻር፣ ነዚ ንምግታእ ድማ ኣብ ሊብያ መዓስከር ስደተኛታት ምቛም ከምዘድሊ ተጣቢቑ።
ኣብ ካምፓላ ሽበራዊ መጥቃዕቲ ንምክያድ ከምዝወጠነ ዝተጠርተረ ሶማላዊ ኣብ ቀይዲ ኣትዩ
Radio Erena: 13 June, 2014
ፖሊስ ኡጋንዳ፡ ዓብዱራሕማን ዓብደላ ሳልሕ ንዝተባህለ፡ ሶማላያዊ ጥርጡር ኣባል ግብረሽበራዊ ዕጡቕ ጉጅለ ኣልሸባብ፡ ኣብ ከተማ ካምፓላ ኣብ ትሕቲ ቀይዲ ከምዘእተወ፡ ሬድ-ፔፐር ዝተባህለት ኣብ’ታ ሃገር እትሕተም ጋዜጣ፡ ኣብ ናይ ሓሙስ 12 ሰነ ሕታማ ኣስፊራ።
ፖሊስ ኡጋንዳ ነዚ ጥርጡር ኣብ ቀይዲ ከእትዎ ዝኸኣለ፡ ካብ ወነንቲ እቲ ጥርጡር የዕሪፍሉ ዝነበረ ሆቴል ብመሰረት ዝረኸቦ ሓበሬታ እዩ።
እቶም ወነንቲ ማኪንድየ ሃውስ ዝተባህለ ሆቴል ንፖሊስ ከምዝሓበርዎ፡ እቲ ጥርጡር ንመንነቱ ዘረጋግጽ ፓስፖርት ንኸቅርብ ንዘቕረብሉ ሕቶ፡ ኩሉ ሰነዳቱ ኣብ ውሽጢ ሳንጥኡ ኣብ ትራንሲት ከምዘሎን ኣብ ሓጺር እዋን ድማ፡ ኣብ ኢዱ ክኣቱ ምዃኑን ከምዝነገሮም፡ ይኹን እምበር፡ ኣብ ዕለታዊ ንጥፈታቱ ዘይንቡር ኣካይዳን ባህርያትን ስለዝረኣይሉ፡ ንፖሊስ ከመልክቱ ከምዝተገደዱ ገሊጾም።
More Articles...
